建議城巴九龍 A 線網絡重組 (A20 - A29P)

2076 發表於 2023-1-4 21:11
如果 A20 開 20 分鐘一班，加士居道塞少少甩到 30 分鐘，其實都幾趕旺角客，同埋南行 A21 好似冇方法同  ...

南行分工唔係唔得，佐敦道/加士居道/北海街/彌敦道自轉一圈
始終A21自身客量太大，北行兜埋太子唔加車只會令旺角打後登車困難更嚴重
A20辛辛苦苦先兜到30分鐘一班，倒不如善用A21客倉加班，亦煩少樣價錢牌問題

2076 發表於 2023-1-4 20:32
A28 康城 PTI 直接左轉都係可以考慮的，尤其是 A27 加 A28 合併開 30 分鐘一班的話，A28 90 分鐘未必跑得 ...

諗返起九巴豪華P線幾年前都係好創新嘅concept，唔知機場巴士又有冇得申請/研究吓呢，
say PA27 康城PTI 下一站將藍 青嶼 之後直入港珠澳/機場，全費假設$84，唔知夠唔夠回本呢，
換言之大概A29每上2個客 PA27就要上1個，又或者A29有幾多客 PA27就要有一半

非繁忙時間唔肯定，但繁忙時間總覺得可以一試

2076 發表於 2023-1-4 20:51
機場路線趁宜家乘客需求未定形，算係一個重組時機。

下路去機場，考慮到紅蘋果交叉位其實有 A22，半放 ...

後疫情時代機場巴士需求有無咁快恢復，以及係咪真係可以回復到疫情前嘅水平，個人比較有保留

A22 加兜紅磡後出返佐敦都係要塞死亡交叉，時間上應該唔會快得去邊，但資源運用上有得考慮
不過有個句講個句，以廣東道同尖東一帶嘅酒店數目，唔會出唔到客，只係當日 A20 太疏太慢而已

另外，觀塘道入中九龍幹線其實係不俗嘅建議，不過我自己會覺得 A27 去做好過 A29 去做
A27 覆蓋藍田觀塘之後先入中幹線，好過 A29 只做觀塘
而且如果 A29 入中幹線，觀塘道九龍灣段會明顯減班，given A22 已經縮短左而 A27 係 30 分鐘一班

A27 行中幹線節省到嘅時間，倒不如攞去兜駿昇街好過... 康城巴士唔兜峻瀅真係差好遠...

1181174166 發表於 2023-1-4 23:59
南行分工唔係唔得，佐敦道/加士居道/北海街/彌敦道自轉一圈
始終A21自身客量太大，北行兜埋太子唔加車只 ...

A20 本身太少車，如果做彌敦道亦都做唔到下路，所以都未必太化算。

建議入面 A20 開 30 分鐘一班，6 部車。

如果 A20 要做旺角太子，最低限度都要開 20 分鐘一班，用 9 部車，再加上要開 A25 補返下路，呢度又要用 6 部車。

A21 變相至少要拎 9 部車出來比 A20，27 部變 18 部車，即係班次減 1/3，10 分鐘一班變 15 分鐘一班。

實際上，如果 A20 / A21 / A25 分工，A21 剩返尖沙咀段彌敦道，佐敦班客會搭 A22，旺角太子又比左 A20，尖西又分左比 A25，可能連 15 分鐘一班都保唔住。

城巴搞 A21 分拆的風險可能太高，班次方面亦都對現有乘客影響幾大下，不過咁做的確可以平均分到客源，有助未來發展。但南行就真係唔太建議改 A21，佐敦道+北海街走線同 A22 互相分客唔係好事。如果跟你概念，我會建議以下方案，同時會做到市區流水客，里數亦都盡量不變，避免要再減價。

A20 @ 20
北行: 何文田站-愛民-尖東-彌敦道(尖沙咀-油麻地)-富榮花園-大角咀
https://goo.gl/maps/Wn3apzjJqUUD9zib7 (42.9 km)
南行: 富榮花園-大角咀-彌敦道(旺角-尖沙咀)-尖東-愛民-何文田站
https://goo.gl/maps/a8CjD3JFqTXJfayQ8 (40.6 km)
A21 @ 15
北行: 紅磡(紅鸞道)-紅磡站-加士居道-彌敦道(油麻地-太子)-海壇街-南昌-海麗
https://goo.gl/maps/NS8gEFXaRedobD1o9 (40.7 km)
南行: 海麗-彌敦道(太子-油麻地)-加士居道-紅磡站-紅磡(紅鸞道)
https://goo.gl/maps/8x6vRcu8nBiDszSa8 (36.7 km)
A25 @ 30
北行: 啟德郵輪碼頭-土瓜灣下路-海逸豪園-廣東道(自轉)-高鐵站
南行: 高鐵站-廣東道-黃埔-土瓜灣下路-啟德郵輪碼頭

214P_world 發表於 2023-1-5 16:56
諗返起九巴豪華P線幾年前都係好創新嘅concept，唔知機場巴士又有冇得申請/研究吓呢，
say PA27 康城PTI 下 ...

$84 應該唔會有客坐，當機場快綫都只係 $110，4 個人搭的士亦都平過 PA27。

同埋就算 98/797 轉 A29，速度上唔會差過 PA27 好多，但只需 $49.6。

10598C 發表於 2023-1-5 20:54
後疫情時代機場巴士需求有無咁快恢復，以及係咪真係可以回復到疫情前嘅水平，個人比較有保留

A22 加兜紅 ...

總有一日會回復到疫情前水平，所以諗定都差唔多。廣東道酒店客，其實絕大部分都係九龍站轉機場快綫，果堆酒店，本身唔多內地人，主要係外國旅客，來往機場，錢唔係最大考慮，所以當年 A20 冇客，唔單止係兜路的問題。A21 多客，其實要歸功於彌敦道一帶的賓館，城巴機場快線主要客源係 3 星酒店同賓館客，4 至 5 星酒店客反而少搭。不過想試的話，A21 拆 A20，配合 A25 (#44)，都未必唔可行，但風險實在係高，難以說服城巴去做。

A29 做觀塘道，A27 行中九龍幹線，最大問題係寶林同坑口會反對 A29 觀塘道加站，反而康城同將南唔會反對 A27 觀塘道停足 A22 的站。觀塘道九龍灣段本身只係得德福客，淘大除了 A27，其實仲有得揀 A26P。一個鐘 3 班車其實唔係話好差。

駿昇街問題，其實入康城先就會解決到，不過要考慮將南的反應。所以一開始先至話拆 A27 同 A28，咁樣將南覆蓋又大左，康城亦都有得快。

2076 發表於 2023-1-6 17:41
總有一日會回復到疫情前水平，所以諗定都差唔多。廣東道酒店客，其實絕大部分都係九龍站轉機場快綫，果堆 ...

住得4/ 5星酒店嘅都唔荒care價錢（有錢佬隨時call limousine/ 的士；公幹可以claim的士）
所以淨低嘅客源其實好窄

1. A22 放棄上路東九流水，呢個應該唔會係城巴希望嘅事

2.  A26 A26P A29P，其實會唔會跟返 20-21 RPP，三合二做 A26 "A28" 比較好？叫做有機會推返密少少
繁時可以開一兩班 P車 ，油塘開，經油麗、翠屏、協和街、順天、順利，作為補位+輔助？

3. A27 A28 A29
a. 觀塘道最終會由密車 A29 (及 A22 ) 變成得返條30分鐘班 A27，似乎有啲搵笨
b. 最終而言，如果 A29 坑口後經將軍澳南出將藍、中九；A27 康城開，經跨灣橋、調景嶺、尚德，上返將隧出觀塘道，會唔會分配得平均啲？

JX9097 發表於 2023-1-6 20:32
住得4/ 5星酒店嘅都唔荒care價錢（有錢佬隨時call limousine/ 的士；公幹可以claim的士）
所以淨低嘅客源 ...

係，城巴都唔擺 A 車做港島北同灣仔北的 5 星酒店。所以我先至質疑尖西係咪真係需要擺條 A 車去做朗廷/馬可孛羅/皇家太平洋。

流星☆雨 發表於 2023-1-6 20:49
1. A22 放棄上路東九流水，呢個應該唔會係城巴希望嘅事

2.  A26 A26P A29P，其實會唔會跟返 20-21 RPP，三 ...

上路東九流水，前面講過仲有 101 半條，開關在即，佐敦唔會爭得贏 W2。A22 叫做仲有佐敦同紅土來往啟德可以做，未死晒，

20-21 RPP 問題係兜到喊，浪費車隊資源又冇效率，一個鐘 3 班車行聯合班次，其實唔駛咁兜都可以做到部分區域 30 分鐘一班，康翠亦都唔駛 30 分鐘一班車咁密。例如建議入面的 油塘/碧雲道/寶達/彩雲 都有 30 分鐘一班。

中九幹通車後，上面有 ching 提倡 A29 唔行將藍，改觀塘市中心之後經啟福道入中九龍幹線。呢個方案我覺得值得考慮，配合 A27 A28，觀塘市中心仍然有密車，寶林坑口都有提速，係九龍灣得返 30 分鐘一班 A27 A28，但因為有 A26P 做樂華淘大，其實影響唔會好大。