九巴黃大仙巴士站改名

GW5878 發表於 2023-1-10 17:56
一個站既站名改得係咪恰當, 同使用量有咩關係性?

正解，如果多人用，更唔應該改到10個字咁長、名都show唔晒、去表達一樣本身都表達到嘅嘢

tommy14D 發表於 2023-1-7 18:59
係，有時坐290A 啲人成日勁早撳鐘係黃大仙站落，但係條線要埋呢個站，又冇人落車，嘥時間，又難出去 ...

雖然290A加站多年，但仍好多人以為290/290A淨係得秀茂坪至四順段有分別

JX9097 發表於 2023-1-10 23:26
成個屯門咪就係得61X停天馬苑
其他線（62X/ 258D/ 259D都唔停）
而屯轉只係近幾年嘅玩意

其實全部屯門線都應該停天馬苑。
如果講個站細，龍翔官中個站仲細。
講出入危險性，龍翔官中個站更危險。
如果架車唔停天馬苑直衝落去龍翔官中，對剎車負擔更大。
以前堆ATR停天馬苑，一落車都已經聞到燶味，可想而知如果直落到龍翔官中先停對剎車有幾大負擔。
所以都係果句，龍翔官中個站係多餘，只要將唔停天馬苑既線改返停天馬苑，龍翔官中個站已經無任何意義。

EX-TL 發表於 2023-1-11 00:11
如果調完方便咗就冇所謂, 調完之後落車要用腳行番上去, 係上去, 係上去個站, 等同cut站一樣, 幾擾民.

新 ...

調晒上去停天馬苑就真係德政喇。龍翔官中果段行人路夜晚黑媽媽，落完車想行返上去天馬苑仲要過兩個路口，上面果個仲要睇清楚有無龍翔道衝入黎既車。
你想話可以上天橋？係既但上去果條樓梯同斜路又斜又黑，夜晚俾人打劫都無人知。

Man@MFHK 發表於 2023-1-11 22:57
其實全部屯門線都應該停天馬苑。
如果講個站細，龍翔官中個站仲細。
講出入危險性，龍翔官中個站更危險。 ...

印象中係話天馬苑個站因為喺大斜路中間
所以出站入站都有危險性

反觀龍翔官立中學個站已經落完斜兼分流咗啲車走
（正常去彩虹方向的話，私家車較少行慢線）

Man@MFHK 發表於 2023-1-11 23:02
調晒上去停天馬苑就真係德政喇。龍翔官中果段行人路夜晚黑媽媽，落完車想行返上去天馬苑仲要過兩個路口， ...

龍翔官中站落車, 立即上梯級過鳳舞街同竹園南邨, 返天馬苑的居民過馬路係面向落斜, 如果由天馬苑落車行去龍翔官中, 變成背向, 危險性可想而知.

天馬苑站係落大斜, 巴士站前面近距離有車路入馬仔坑道, 天馬苑石牆對出曾經發生過多次意外.

減少天馬苑巴士停站, 即是可減少巴士出入站與中線入慢線的車輛相遇的機會, 不停站的巴士更可用中線直落黃大仙, 同時減少慢線用量.

龍翔官中站位已經有馬仔坑道分流了左線車流, 而左線即使冇龍翔官中, 接住已經係黃大仙站, 一般其他車輛唔會使用左線.

龍翔官中出站係同由馬仔坑道轉落黎嘅車輛(如11C 75X 84M 211 E22)相遇, 車速慢, 而且明知道有巴士站, 會容易留意到路面情況.

天馬苑路線落車需求可以透過轉車站解決, 例如兆禧去天馬唔想落車行返轉頭, 屯公轉61X搞掂, 其他轉車站可以效法.

EX-TL 發表於 2023-1-12 11:15
龍翔官中站落車, 立即上梯級過鳳舞街同竹園南邨, 返天馬苑的居民過馬路係面向落斜, 如果由天馬苑落車行去 ...

去鳳舞街一帶，如果係天馬苑落車，可以經天馬苑行人天橋落横頭磡邨行返出去，而且去鳳舞街一帶既本身都應該係樂富一帶居民，行天馬苑天橋仲方便，其餘既人即係摩士公園以東既居民，直接去黃大仙站落車啦。
上竹園既人一樣，黃大仙站轉211或者行上山有電梯天橋陣，點會由龍翔官中行上去。條天橋既使用者從來只係得一班肯行路既人往來鳳舞街至竹園南邨一帶。
龍翔道入馬仔坑個路口係盲彎，人同車都要到最後一刻先睇到對方，邊個方向行都係危險。由天馬苑上竹園南邨，可以經天馬苑由馬仔坑道天橋行過去，無需要下面過馬路再上天橋咁危險。

Man@MFHK 發表於 2023-1-11 22:57
其實全部屯門線都應該停天馬苑。
如果講個站細，龍翔官中個站仲細。
講出入危險性，龍翔官中個站更危險。 ...

唔好爭，龍官同天馬苑一齊都唔好停，留61x停晒，最安全。

真係有轉乘既線其實唔多, 感覺好伏

JR5204@26M 發表於 2023-1-6 18:56
九巴根本完全濫用晒「轉車站」一詞

無人話轉巴士,可以轉地鐵