九巴 51 將轉用雙層巴士

GK9509@39A 發表於 2023-1-17 13:21
由第一日開始，荃灣-川龍-錦田，係兩條線一齊招。政府知道出左川龍條線一定收唔返，咁咪唯有獨立整錦田線。 ...

睇返1981年10月16日嘅華僑日報(第12頁)亦都好清楚睇到荃灣至川龍同荃灣至錦田係同一組別，不過我覺得你係咪有少少用咗現今嘅視角去睇返80年代嘅事?
而家嘅角度睇，就會覺得荃灣-川龍係主線，荃灣-錦田就係捆綁強逼要做埋。但我覺得配合當時情景嚟講，荃灣-錦田先至係主線，荃灣-川龍應該只係附屬於荃灣-錦田嘅短程輔助線
至於點解到最後只係得荃灣-川龍有開辦，其實都無乜資料可以睇到，究竟係營辦商投標只投一半，定係經過協調之後、九巴繼續做51，就避免同51號重疊，我地都唔會知

Ohm 發表於 2023-1-17 15:21
睇返1981年10月16日嘅華僑日報(第12頁)亦都好清楚睇到荃灣至川龍同荃灣至錦田係同一組別，不過我覺得你係 ...

成件事個目的係補償巴士唔經荃灣市區平地，當然就係一條全線+一條荃灣段，錦田段自己有車出大馬路

至於點解可以兩條線開一條，而家就話 all in or nothing，以前補償鄉村應該就係有幾多做幾多，同埋預計咗遷村之後會有相當人口所以點都開左先，鄉村去就近墟市嘅線只要肯開就有人搭，至於去錦田就😂😂😂

如果1982年開得成錦田全線，51就一早執左，反正當年要求既只係一架車，無話咩上輪椅又呢啲個啲要求

個人認為新界小巴72 80全部都係51短途線