香港西九龍高鐵站15/1分階段復辦

魔雪巴士頻道 發表於 2023-1-11 22:07
直通車“暫不恢復開行”, 到底會唔會開返...

建議別開了，將直通車班次留去加東鐵班次啦，因为現在深圳站也有高鐵了（東鐵坐到羅湖也能接駁高鐵），而且直通車站台現在也可以改造成東鐵線的泊車sidings
當然，如果非繁還有一定運力，其實也是可以開的

魔雪巴士頻道 發表於 2023-1-11 22:07
直通車“暫不恢復開行”, 到底會唔會開返...

以前聽過一個講法，東鐵唔裝月台閘門除了係等新車改門位之外，另一原因係方便緊急時直通車可以停普通月台疏散。或者另一種講法，維持有直通車的話，月台閘門要在設計上容許直通車疏散。

而家東鐵月台閘門工程已經開始，相信並無特別設計以便直通車疏散，從港鐵角度，唔開直通車就慳返紅磡過境範圍保養成本，可以改做siding，又唔怕有乜突發情況影響東鐵被人鬧，梗係推晒去高鐵易搞好多。

第三階段冇咗廣州東站，唔通開番直通車，定玩倒退？！

DIH 發表於 2023-1-12 10:27
以前聽過一個講法，東鐵唔裝月台閘門除了係等新車改門位之外，另一原因係方便緊急時直通車可以停普通月台 ...

月台閘門/幕門﹐直通車唔應該係關鍵問題(緊急疏散)。

1. 月台前後兩端﹐一定有空間平時唔用﹐此處無閘門幕門的﹐總有1-2卡可以停在此位置。
*個別月台無需更改停車位置﹐只係影響其中一邊無了無閘門的區域。

2. 就算係部車已經進入9卡車的閘門範圍﹐閘門都係有方法處理緊急疏散。
現時每個車站﹐首尾2卡的幕門/閘門﹐門與門之間的 "牆"﹐都係可以打開的。

換句話說﹐除非車門巧合地對正門框﹐否則都唔應該疏散唔到的。

tkwlee 發表於 2023-1-12 10:44
第三階段冇咗廣州東站，唔通開番直通車，定玩倒退？！

其實都係睇下到時客量有什麼轉變﹐再去作出相應的安排﹐唔係太需要擔心此問題。




直通車問題﹐我相當香港及大陸政府都唔想重開。
大家都可以慳番關口運作的人手(出入境﹑海關及配套人員)﹐鐵路當局又可以將相關 "禁區" 區域改變做其他用途﹐絕對係好事。

既然已有高鐵﹐又有條件去廣州東站﹐真係將直通車角色轉去高鐵好過。


註 : [url=https://www.hkitalk.net/HKiTalk2/forum.php?mod=redirect&goto=findpost&ptid=2159837&pid=4846618___(資料來源：香港交通資訊網)___ 網址：https://www.hkitalk.net/HKiTalk2/thread-2159837-1-1.html]另一文[/url]有會員提及﹐KCR內部一早已經計劃慢慢取消直通車的。

kei_hk 發表於 2023-1-12 11:55
換句話說﹐除非車門巧合地對正門框﹐否則都唔應該疏散唔到的。

京王線嗰次就係好衰唔衰對正門框，爭啲出事
緊急情況點都要預計埋，除非所有門框都整緊急出口

kei_hk 發表於 2023-1-12 11:55
月台閘門/幕門﹐直通車唔應該係關鍵問題(緊急疏散)。

1. 月台前後兩端﹐一定有空間平時唔用﹐此處無閘門 ...

現時每個車站﹐首尾2卡的幕門/閘門﹐門與門之間的 "牆"﹐都係可以打開的。

所有綫路都係？定係唔同綫路唔一樣？
比如廣州地鐵1、2、8號綫只有頭尾兩面玻璃牆有緊急疏散門；後來嘅綫路先至喺中間增加疏散門。

ytxmobile 發表於 2023-1-12 13:56
所有綫路都係？定係唔同綫路唔一樣？
比如廣州地鐵1、2、8號綫只有頭尾兩面玻璃牆有緊急疏散門；後來 ...

上面講緊香港﹐當然係講香港的情況啦。

sq285 發表於 2023-1-12 12:52
京王線嗰次就係好衰唔衰對正門框，爭啲出事
緊急情況點都要預計埋，除非所有門框都整緊急出口

對正門框的問題﹐根本無得避免﹐除非完全無幕門/閘門。

就算係香港的本地線﹐一樣會面對此問題。

但唔會係影響直通車運作的原因。