北港島線 東九龍線 最新項目進展

20160424 發表於 2023-3-20 19:49
我覺得起唔到堅城站仲好，中途少得一個得一個站，呢條線成唔成功分流到大西北出港島，時間因素好關鍵。
希 ...

假設ELM新線真係有東延可能

我覺得可以諗下類似SIL(E)初代放金鐘道個版本，係月台起通道落下層轉乘隧道
再混合現時金鐘站個洞室設計，令SIL(W)可以上一層轉乘新線，又可以透過轉乘隧道去返ISL

JX9097 發表於 2023-3-11 14:07
淨係拉去會展不如唔好搞...

唔係每個建議都一定會搞嘅，特別北港島綫只係一個錦上添花嘅項目。

THB 發表於 2023-3-22 02:26
唔係每個建議都一定會搞嘅，特別北港島綫只係一個錦上添花嘅項目。

錦上添花？
一句得罪哂金鐘北角轉車群

香港山多平地少，唔興起覆蓋範圍重疊嘅平行路綫。

THB 發表於 2023-3-22 11:36
香港山多平地少，唔興起覆蓋範圍重疊嘅平行路綫。

九龍塘-紅磡/黃埔、荔景-中環/香港算唔算？有需求嘅時候就要起。

巴士的膠 發表於 2023-3-22 16:58
九龍塘-紅磡/黃埔、荔景-中環/香港算唔算？有需求嘅時候就要起。

近郊綫同市區綫嘅定位唔同。除非將北港島綫升格成近郊綫嘅市區特快路段，否則銅鑼灣北站就算同銅鑼灣站嘅覆蓋範圍大部分重疊，都應該要起來分流乘客；不過，唔少方案建議其實都係重複或者多餘嘅，要揀過先起得。

THB 發表於 2023-3-22 18:31
近郊綫同市區綫嘅定位唔同。除非將北港島綫升格成近郊綫嘅市區特快路段，否則銅鑼灣北站就算同銅鑼灣站嘅 ...

咁起得替代路線，一係轉少啲，一係快啲，唔係起嚟做乜？

屯馬綫紅土段同馬鐵路段唔少站距同車速與市區線無異，東將直通定東大嶼綫東延都有機會出現呢個情況，但似乎都唔係大問題。

一日北港島綫未起好，九龍東同將軍澳區又越來越多人，北角轉車站只會越來越惡劣，如果冇子彈車，早繁隨時等三班車以上先迫到上車，咁除咗改搭過海巴士同搭船，想唔使同人迫，可以即班上到港島綫列車，以下方法係咪最後逃生門？

(1) 提早鰂魚涌站第七卡落車，上兩層電梯，肯定上到港島綫列車，多花約5分鐘，但係要兜個大圈行餐懵

(2) 北角站第五卡落車，再落一層月台，搭倒頭車到太古落，再行到對面上車，多花至少10分鐘，用多咗時間但係行少D

不過個個咁做，又會令北角站更加上唔到車，歡迎集思廣益

helloabc 發表於 2023-3-25 17:51
一日北港島綫未起好，九龍東同將軍澳區又越來越多人，北角轉車站只會越來越惡劣，如果冇子彈車，早繁隨時等 ...

提早轉個道理同以前金鐘上唔到荃灣綫搭倒頭車去中環一樣，其實要等到第三班已經值得做。

鰂魚涌轉似乎唔駛額外5分鐘咁多，北角個跨月台距離都唔短。

巴士的膠 發表於 2023-3-26 22:04
提早轉個道理同以前金鐘上唔到荃灣綫搭倒頭車去中環一樣，其實要等到第三班已經值得做。

鰂魚涌轉似乎唔 ...

我試過鰂魚涌轉，係就係上到即班，但由北角至灣仔一直彈門，乘搭時間比預期長好多，又多人又焗，結果都係頂唔順，寧願兜去南昌搭東涌綫。我係九龍中出發就有幾條路揀，但觀塘將軍澳冇得揀。