有時係睇車程快慢, 有時見仲有時間搭下平車.
廿幾年前仲係中小學雞時, 有時專登行去搭新界分段車, 有時搭第二貴車兜耐D遊下河先返屋企, 有時又會搭最平的地鐵, 零用錢係自己, 有剩係自己, 駛左都係自己.
有板友話電車沿線會比較價錢, 亦係非必然, 坐電車開大晒D窗吹亂個樣吸廢氣, 巴士路邊就係站, 方便D亦有空調, 其實只係各取所需.
英皇道返健康村周不時有人上18 112都係咁, 我亦時時東隧口畀$6.6轉682, 而唔轉同時到站的608 613, 如果冇車, 港運城過對面2A/77/99/紅隧車一齊埋站, 轉第一架102 116 $6.9搭兩個站亦都試過.
最近諗住用6D<>11B西九<>東九, 睇ETA等極冇車, 然後畀人話我窮就係咁架喇, 亦唔係未試過.
最近有兩次等車比較極端的例子:
1. 觀塘法院見有一男一女非本地口音, 要去駿業里個女截左42C, 猛話上車上車, 個男開到聲話10蚊好似唔抵喎, 個女堅持要上車, 結果兩個上晒.
2. 成業街休憩公園上緊268C入元朗, 又係一男一女, 佢地上唔到前面架74X, 個男上到車不停搵機會拍低架74X準備投訴, 兩人牛頭角下邨落左車.
去駿業里個case, 原站上落車最平係38, 都係貴, 一係14B 16M 606 619裕民坊落過天橋, 15A apm行過去, 其實直接行過去亦唔係遠.
去牛下個case, 地方咁近, 個站大把選擇, 但就為左影低架車投訴, 搭架最貴, 攞苦黎辛, 但撇除件事, 都可以睇到搭平車貴車, 可以有唔同原因.
樓主遇見的情況比較普通, 大道中架10停站數目比過海車多, 即使過海車在港島上客上到同10分別唔大, 至少停站上落+停燈位時間相應較少, 見車就上係可以理解.
其實真係個個區都有同類情況, 實在沒有一個確切的結論去更改巴士服務, 不過有一點冇錯嘅係, 特別係九龍呢邊嚴重D, 就係新界車氾濫下, 市區線班次不足, 乘客迫於無奈要搭貴車, 最終肥了九巴, 真窮市民叫苦連天. |
樓主