[2023-2] Trip Report 6: 英倫鐵路見聞錄

sunhoo 發表於 2023-3-20 06:15
點解批HR2易過CR2，可能係因為HR2伯明翰果邊有大量賣地機會？

可能係掛，但係伯明翰已經都大致發展完，唔知賣到幾多地呢？
不過CR2可以推動倫敦近郊地段，如果真係關賣地事，倫敦地價一定高過B'ham，點解要hold住CR2呢？

Fuk19805 發表於 2023-3-20 19:42
可能係掛，但係伯明翰已經都大致發展完，唔知賣到幾多地呢？
不過CR2可以推動倫敦近郊地段，如果真係關賣 ...

HS2伯明翰總站附近係都市重建熱點，NEC果邊又已經計劃好以高鐵中途站帶動好大塊地嘅發展。HS2其它中途站，同CR2沿綫嘅情況我就唔多了解。

Fuk19805 發表於 2023-3-19 20:21
前面嗰節我應該冇嘢好回應㗎啦，反正以鐵膠遊客嚟講，如果票價爭唔夠5鎊我都唔會太care嘅😂

後面你講Eli ...

四條 sub surface lines 係早年未有真正城市地下鐵概念嘅產物，就好似係掛住 Tube 牌頭嘅普通鐵路

Circle line 本身係 Metropolitan Railway 同 District Railway 兩間公司嘅直通運行。望落係重疊，調轉嚟諗其實係一個月台有去兩個唔同目的地嘅車，分叉之前做緊聯合班次啫

唔知樓主何以認為沿WCML起多兩線，可以平過起HS2。

剩係條新路軌全線都要响唔影響WCML日常運作下動工，
仲要令HS2本身唔supposed服務嘅車站，都要大興土木。
剩係呢兩樣都貴過offline另起新線。

仲未計複線嘅效率同運力一定低過過另外起新線，
同埋有乜事一鑊熟嘅機會又大好多。


同埋唔知樓主點解會認為用WCML，可以做到同HS2相若嘅表現。
唔知樓主認為要快幾多先至夠啦。

HS2比今日快半個鐘聽落好少，
倫敦去伯明翰接近120英里/190公里，兩城之間最快嘅列車都要1小時15分。
（倫敦往曼城由今日兩個鐘多D，
去到HS2通車後會快接近一個鐘，而唔係30分咁少）

今日嘅速度幾乎係行緊WCML嘅極限。
想再快唔係列車、信號或編班嘅問題，而係物理上唔可行。
要再快就要另建新線。

Fuk19805 發表於 2023-3-19 12:21
前面嗰節我應該冇嘢好回應㗎啦，反正以鐵膠遊客嚟講，如果票價爭唔夠5鎊我都唔會太care嘅😂

後面你講Eli ...

你似乎好想令乘客可以更方便往返倫敦各railway termini。
咁唔知你係想方便：長途車之間嘅轉乘，定係為數更多嘅通勤客啦。

如果係前者，當局嘅想法似乎同你調轉。
直入倫敦嘅鐵路本身已經係全國最繁忙，
但週邊太多用緊或廢棄嘅鐵路，都未能好好利用。
故此當局不嬲都想可以避開入倫敦嘅就唔好入。

現時與建中嘅East West Rail，涉及upgrade既有路線、重用廢棄路段及部分全新鐵路線。連繫到Paddington, Euston, King's Cross, St. Pancras始發嘅列車。
變相係一條London bypass嘅鐵路線。


如果係聚焦通勤客，本身Cross Rail嘅興建目的，
就係想通勤客可以直入到都心先至轉車，
唔駛下下圍住條Circle Line轉。
而通勤客有條新路直通都心，
咁原有嘅Railway Termini就有空間俾中長途列車加班，
及俾D嘅較細嘅城鎮，開直達倫敦嘅班車。

Elizabeth Line雖然唔通Kings cross同St. Pancras兩個大站，
但其實可以响Farringdon站轉Thameslink (aka Cross Rail 0)，
去到唔少Kings Cross同St. Pancras都去到嘅地點，
南下倫敦南部以至Brighton亦可。

而Cross Rail 2要延期係好可惜，
亦令到South West Main Line繼續爆爆地。
但問題係响後武肺，往返倫敦嘅通勤鐵路客量嘅復常速度，
跑輸全英國其他地區嘅復常速度。
倫敦地區嘅基建雖然唔係好追上時代，但比英國其他地方都完善好多，當局亦想平衡番南北嘅差距。
將基建投資擺番去其他區域平衡下，係合理之舉。

s3n370 發表於 2023-3-28 13:11
唔知樓主何以認為沿WCML起多兩線，可以平過起HS2。

剩係條新路軌全線都要响唔影響WCML日常運作下動工，

的確小弟忽視咗WCML加線嘅問題，但係比起而家不斷抌錢落HS2個無底洞，一定本身有更好嘅solution，當然而家開始咗咁多就企硬食埋去啦
而且本身各城市之間嘅速度唔係大問題，反而火車班次唔穩，部分公司價錢偏高，火車唔夠載呢啲先係乘客最不滿嘅問題。當局應該優先處理呢啲問題，而唔係走去搞啲無謂基建囉：班次唔穩部分問題係信號系統；價錢就同franchise有啲關係，淨係畀晒First同Arriva做，但係2間嘢恃住自己可以一直做落去就不思進取，同本身franchising嘅理念完全唔同，Franchise要成功應該做得好就續牌，做唔掂就交牌jill bill，而家尤其是係First完全係hea做，車又唔開；唔夠載又係前面嗰啲嘢，同埋火車公司求其買車，舊車唔退，係咁壞又唔買新車，唯有成日cut班，重聯變單拖，批franchise唔該睇吓間公司攞咩車行啦，間Crosscountry揸住嗰唔夠60抽Voyagers又準備再續牌，唔夠車用又唔買新車，連二手車都唔入真係吹脹；價錢偏高就好明顯係火車工人人工太高，火車工人嘅人工一開始已經去到一年30000鎊，仲高過NHS醫生護士呀大佬，仲可以個個禮拜踢爆唔撈去罷工加人工，呢啲大勢力真係又係無底洞嚟

總之英國啲火車真係困局嚟，嚟緊取消return ticket又年年加價真係自求多福算喇，揸車蒜吧啦

Fuk19805 發表於 2023-3-29 00:38
的確小弟忽視咗WCML加線嘅問題，但係比起而家不斷抌錢落HS2個無底洞，一定本身有更好嘅solution，當然而 ...

咁物理上WCML已經爆左嘅話，除左起新線之外其實唔見得有咩辦法架喎。條線嘅問題除左多站 (停站嘅前車行慢少少已經頂住後面嘅快車)，mixed mode (客貨混合)，仲有多彎 (格硬用 tilting train嚟加快入彎，先擠到多少少path出嚟)，reliability又低 (成條線大把設備仍然用左超過二三十年)。喺唔起新線嘅情況下，要做嘅其實都已經做哂咁滯，除非行埋 Digital Signalling姐 (但成條線有幾可可以好似ECML咁上到140mph先?)

某程度上，起條全新線都可以解決到班次同埋唔夠載嘅問題喎，點解一定要框死只可以善用舊有基建呢？

人工/票價呢啲人為/政治嘅野就更加唔係起唔起高鐵嘅問題啦，當年三間財團入West Coast支標，DfT自己 DQ左 Stagecoach，咁仲有邊間可以揀？打死都逼住要揀First架喎，所以我都成日覺得DfT係搵石頭砸自己隻腳架，搞到連Operator of Last Resort 都分身乏術。

呀另外講多句，ORR/DfT絕對知道火車公司嘅換車計劃，佢地定期要向NR匯報...而 so far垃圾桶資料顯示，上頭係認為XC攬住堆 Voyager過世絕對夠用嘅 (咁又係，依家間間廠都忙，冇人得閒砌車比XC)，唯有寄望佢肯攞翻Avanti嗰堆嚟頂下先...

Fuk19805 發表於 2023-3-28 16:38
的確小弟忽視咗WCML加線嘅問題，但係比起而家不斷抌錢落HS2個無底洞，一定本身有更好嘅solution，當然而 ...

學你話齋，英國高速鐵路嘅發展落後實際需求。
加上ECML同WCML已經用得幾盡下，起HS2係勢在必行。

至多係斟酌各城總站位置、北面兩條丫叉伸延到幾遠、
駛唔駛整埋將來HS1同HS2之間，及去其他方向嘅預留位呢D細節。

“超支”嘅根源某程度上係源自樂觀估算呢項“國際慣例”，
再加上脫歐及武肺導致嘅工人外流和物流阻滯。
俄烏戰爭更直接引致建築物料價格及通脹飆升
（俄羅斯係鋼鐵同鋁嘅主要生產國，過去連香港都大手咁入）


至於Franchise引致嘅問題，本身係呢個機制嘅問題---
營運商撇除執靚架車之外，
响營運細節（指開幾多班車同開去邊）嘅發揮空間近乎零。
最大嘅發揮空間咪樂觀去估乘客量同收入囉。
高估收入要補鑊最直接就係縮皮，縮皮無可避免hea做，hea做咪被DQ。
下一批bidder要贏，最易係樂觀入標，如是者形成惡性循環...
當局就係見倫敦嘅TfL行嘅concession model比較好，
所以諗住仿效，將franchise變concession。
新總部擺Derby嘅Great British Railways就係全國版嘅TfL。

TfL早就因為咁，逐步將倫敦地區國鐵營運嘅控制權收歸旗下。

JH_LE4612 發表於 2023-3-28 22:22
咁物理上WCML已經爆左嘅話，除左起新線之外其實唔見得有咩辦法架喎。條線嘅問題除左多站 (停站嘅前車行慢 ...

你見London Overground用既有系統，都可以做番起條線，班次準確番唔少，
可見系統老舊雖然係無咁可靠，同支持唔到咁密嘅班次。
過去嘅劣質服務同營運方式以至文化不無關係。某程度上，港鐵有份幫手執番好個底

TfL黎緊嘅算盤係，既然基建更新唔係一朝一夕嘅事。
咁不如咋NR唔好再繼續開咁多直通運転列車，
反而精簡路線同開密D主線，
再起多幾個轉車站及改善現有車站嘅轉車設施。
就算甩班，都無而家係有三幾條線，
但各自開緊半粒甚至一粒鐘一班、
10分鐘黎完幾班車之後就隔20分鐘先再有車咁大鑊。



聽過一個講法係，列車車長人工高，
源於佢孭起後面上百甚至近千位乘客嘅安危。

以前車長真係全面控制抽車，
而新嘅信號系統減輕佐車長嘅workload。
而設計、建造同監察套信號系統嘅人，
某程度上take up佐呢個liability，但又唔見佢哋有相應嘅待遇...
而人工偏低嘅醫護同教師，咪一樣有工會...

老老豆豆，人工過高但又交到貨都算丫，
系統正正常常，因欠人而收車唔係少見。
尤其是好似前年歐國盃咁，英格蘭出賽後一日就係重災區。
全面換digital signalling係遲早都要做，但換完之後處唔處理到車長嘅問題？
（可能巴士同tube都有欠人收車，但佢開得密就唔係太覺眼）

s3n370 發表於 2023-3-30 00:46
你見London Overground用既有系統，都可以做番起條線，班次準確番唔少，
可見系統老舊雖然係無咁可靠，同 ...

咁講，我覺得Overground有心執嘅話係相對冇咁難嘅，始終啲 stopping pattern咁 consistent 班次又相對平均，係 NLL要同貨車爭路姐，當然攞翻07 08 年個情況嚟講，要咁大手投資係好進取嘅事 (正如我都唔會明白當年同期 10tph Thameslink Core同埋經 Brixton嘅 Eurostar，啲人係點捱得住，倫敦個 network呢十幾年的確係大躍進)。當然用蟻躝嘅方式去keep 住高準時率嘅做法我不敢苟同，但係reliability 對吸客係非常有用。

但係如 WCML嘅主線嘅複雜程度真係高好多，客貨混，快慢混，唔同公司混，要夾哂咁多持份者相對難好多。理論上開左高鐵嘅話，慢軌就會多少少位搞 metro service，對冇得用就鐵嘅 Milton Keynes/Watford一帶都有著數。

同意做好Spine and Branch/Hub and Spoke對營運上好大幫助，但直通運轉閣下係指 Southern去 MK/SE Metro Rounder嗰啲?其實倫敦嚟講已經唔係得翻好多，倫敦以外嗰啲 GWR Brighton 都已經斬哂。

工會係好大嘅政治問題嚟，好彩依家好多人都可以 WfH大大減低左影響。相信嚟緊嘅鐵路點都會繼續 cut cost，但咁大嘅工會勢力，我未見到人工支出可以點減住...可能慢慢減 station staff算，司機基本上冇可能減到 (請多啲後生之後唔加咁多人工應該可以嘅，少翻啲£100k壓力冇咁大)，你見 SW想斬 guard都比工會㩒實...