[澳門] 最快年內開通 氹仔連媽閣輕軌試運

澳門本島的發展，可能需要新城A區有公屋落成，搬走部份人，可以重建之後先會有著落。

而家澳門本島好多好舊的建築物，興建輕軌的話好麻煩而且可能有危險。

kei_hk 發表於 2023-4-4 16:53
日後A區發展﹐大家都係先坐輕軌過氹仔活動

兜個大運去媽閣﹐再轉巴士返新馬路一帶﹐隨時快過直接由A區 ...

要深入半島內部，地底係唯一選擇。
如果可以由媽閣地底開始挖隧道去新八佰伴，再屈返上議事亭前地、博物館前地、鏡湖醫院，再駁返上筷子基、青茂口岸、拱北口岸，然後落黑沙環過返新城A區上返高架再入港珠澳，再經新城A區屈返出外港碼頭，然後友誼大馬路、孫逸仙大馬路呢段理論上都起到架空，然後美高梅對出新城B區潛返落地底屈返去新八佰伴，咁樣條本島線會比較實用。

Man@MFHK 發表於 2023-4-4 18:37
要深入半島內部，地底係唯一選擇。
如果可以由媽閣地底開始挖隧道去新八佰伴，再屈返上議事亭前地、博物館 ...

議事亭、大炮台一帶是世遺區域，不宜建輕軌，自己會建議這樣：
1：2009 年曾經諮詢過的澳門線二期（媽閣沿內港沿岸到青茂口岸、關閘）與氹仔線、東線組成環線
2：將澳門線一期及港珠澳大橋線合組為新線，擱置澳門線黑沙環段
3：長遠起一條由青茂經跑狗場、荷蘭園、八角亭、皇朝過海至氹仔的線

https://www.exmoo.com/article/220789.html

司長說不會直接把媽閣延綫及石排灣綫判給MTR，看看MTR有沒有能力投到回來了。

tkglobe 發表於 2023-4-3 10:00
你嗰條走線根本上就唔可行，你照輕軌入到葡京新八百伴就根本上唔使諗，除非喺地底，至於港珠澳口岸線，其 ...

https://www.exmoo.com/article/215469.html

其實那邊地區聲音也鬧A區及港珠澳接駁問題，始終那邊有房屋發展，長遠不可能只靠東方明珠出入。

LN9267 發表於 2023-6-6 11:50
https://www.exmoo.com/article/220789.html

司長說不會直接把媽閣延綫及石排灣綫判給MTR，看看MTR有沒有 ...

澳門輕軌係有本事﹐直接自己做番晒﹐唔駛招標靠外人。

如果我無記錯﹐當年招標搵外人來幫﹐主要係做 「舊人帶新人」這個目的﹐叫外判商教輕軌公司點去暢順營運。

開通左幾年﹐照計輕軌公司都已經吸收到唔少營運經驗。
倒轉頭應該要問番另一條問題﹐幾時收番晒自己做番晒?

kei_hk 發表於 2023-6-6 12:00
澳門輕軌係有本事﹐直接自己做番晒﹐唔駛招標靠外人。

如果我無記錯﹐當年招標搵外人來幫﹐主要係做  ...

起碼他們也要學習地底車站及隧道甚至氹仔綫轉乘石排灣綫、橫琴綫的營運經驗，等輕軌公司全面接手也要一段時間。

轉乘電付暫難實行

轉乘電付暫難實行

    至於輕軌媽閣站票價、轉乘優惠及車費支付電子化等，羅立文表示，輕軌購票系統約於二〇〇八、〇九年購買，相當落後。當初輕軌引入澳門通支付要和多方面商討，浪費不少時間，電子化更加複雜，暫難做到。曾探討輕軌及巴士的轉乘優惠，但很難商討，暫未有共識，相信短期無法改變。

    羅立文最後提到，輕軌東線已外判，正在等待簽約。若沒有特別情況，下屆政府將於二八年完成東線輕軌。連同現正研究的延伸至青茂口岸，屆時輕軌將接駁澳門海陸空口岸。北區是人口最多的地方、新城A區按規劃會居住近十萬人，將可見到輕軌的作用。

===================================

似乎可見將來都唔會收微信支付及支付寶。八達通都應該係無。真係令人卻步。

chikng2227 發表於 2023-6-6 12:47
轉乘電付暫難實行

轉乘電付暫難實行

以我所知﹐支付寶/Wechat pay係可以排窗口買票的。
雖然係好不便﹐但總算用到。

香港MTR 都識得改裝售票機﹐令到可以用QRcode直接在售票機自助售票。
照計﹐輕軌都可以照學這一招﹐唔知有什麼技術性問題了。


八達通就...... 真係完全用唔到。
不過﹐八達通話會join 全國通(正式名唔知點叫)﹐到時八達通可以直接在國內拍卡乘車。
澳門通亦一樣﹐但首階段八達通在澳門不適用。
這個要放長雙眼睇下幾時做到一卡全國通。

kei_hk 發表於 2023-6-6 13:47
以我所知﹐支付寶/Wechat pay係可以排窗口買票的。
雖然係好不便﹐但總算用到。

八達通就...... 真係完全用唔到。 不過﹐八達通話會join 全國通(正式名唔知點叫)﹐到時八達通可以直接在國內拍卡乘車。

你講嗰個係叫「全國一卡通」，澳門15年已經加入「全國一卡通」項目喇，現時，內地已加入「一卡通」項目嘅交通咭都可以係澳門用，另外廣州羊城通交通咭公司已經喺今年4月推出「嶺南通·八達通·全國一卡通」聯名咭，雖然呢種咭分兩個荷包（嶺南通·全國一卡通通用荷包+·八達通荷包），需分別增值，兩邊荷包啲錢唔通用，但係上面啲車迷話：“咭幾唔錯，方便落來搭鐵”。

澳門通亦一樣﹐但首階段八達通在澳門不適用。 這個要放長雙眼睇下幾時做到一卡全國通。

只要香港八達通公司加入「全國一卡通」項目，整一個「八達通·全國一卡通」聯名咭產品出來，理論上就可以去澳門用喇，不過前提係：到時八達通·全國一卡通咭啲錢是否通用，如果唔得，要分兩個荷包時，全國一卡通荷包嗰度要點增值咧？另外，雖然之前新聞話八達通會喺今年第二季度會加入「一卡通」項目，但宜家一啲消息都冇，希望下個月有good news吧