荃灣點解無特快線返太子、旺角？

Ricky403 發表於 2023-4-7 12:48
當年運署一味話行山大法好新清大法好
去到安達臣入伙後，新清地獄式例塞仲勁過老母，已經證明290定線係過 ...

所以將南去荃灣有少少含淚落地底（有九巴月票都唔會想用）

3tw2527 發表於 2023-4-8 02:02
荃灣旺角特快都係啲講咗十幾年講到臭嘅topic嚟㗎啦
不過今時今日多咗個「美孚轉車站」
其實玩法都多咗唔少

西約去長深荔如果要轉車
我估好多客會直接落地底，反正都係轉點解唔選擇密轉密？
更重要既係，自從30X掟咗去楊屋道之後，大涌道<>長深荔得返234X
無理由抽走埋

用轉車站處理一啲無客既獨市位，我覺得可以接受
但西約/荃景圍<>長深荔，本身唔係無客
我覺得道理上都應該要留返直車

本身234X走線正正常常
除咗回程特登兜大河道樣衰少少之外，其實出長深荔旺，時間尚算合理
我又唔覺得有好逼切需要做旺角特快
反而研究下尖沙咀特快會實際啲

相比之下，30X走線問題更加大
楊屋道做起咗，但掉返轉頭到238X跌客
如果轉旺角特快，至少可以令荃景圍出旺角車程，合理返少少

當然一樣有慢線補位既問題
但荃市/長深荔本身都係一啲有人要去既區域
市區總站夾多個住宅區
一來做到雙向客源，二來可以借其他區資源過橋
唔使搞到啲長深荔客無咗直車

castanopsis 發表於 2023-4-8 07:44
西約去長深荔如果要轉車
我估好多客會直接落地底，反正都係轉點解唔選擇密轉密？
更重要既係，自從30X掟咗 ...

30X要執嘅迫切性大過234X又真係嘅
我唔係太熟荃灣東人嘅搭車習慣
楊屋道同龍德街會硬食走幾多238X真係要常客先知

不過轉車就...
其實改邊區都要轉
實話實說荃景圍嘅駁鐵係好過西約
39M全日密密到
34M車疏 條小巴非繁仲疏（等齊人先開試過20+分鐘）
不過駁一駁鐵係12蚊對比巴士9蚊
（學生優惠8蚊頭咋 但係要受你彩龍氣 純搭客角度寧願就時間234X）
兩邊差唔多時間嘅客都唔會毫無懸念直接落地底

呢個亦都係我諗點解咁多方案都係支持直接攞走一區深長荔直車嘅原因
當然大家都冇減 天降資源做旺/尖特快=皆大歡喜
但以九汽對荃灣嘅態度 發夢啦
講到最後都係要一區去犧牲自己條深長荔直車
就算唔係成條斬都得返半條命
至於最後郁邊區... 歷史話比我哋聽：
麗城是帝區 荃景圍客(除咗39M)係臭嘅

至於樓上有人講過廢物利用嘅同時搭多個住宅區
都不失為一個增加現階段改動成功嘅政治籌碼嘅方法
但若果以後要再改 就唔係一個住宅區嘅事lu
所以要搭單真係要慎重
荃灣何文田鐵快 最後可能變咗兩邊各自落旺角嘅快車
但都唔係冇可能成事

之前都講過268X成功唔止係靠旺角特快，而且有強大嘅元朗市同欖轉做後盾
荃灣市複唔複製得到都頗大疑問，首先競爭對手太強，有紅小又有荃灣綫直達旺角，南面又有屯馬綫直達尖沙咀，巴士搶到一啲鐵回流客已經算好
亦因為對手太強，係無任何住宅區會係經荃灣市轉巴士旺角特快係出旺角最優解，都就到荃灣站不如轉荃灣綫啦
假如真係有條荃灣區嘅旺角特快，其實佢做到好似41A/795X咁嘅服務水平就已經好好

睇九巴態度亦無心搞荃灣區嘅旺角特快，一早都話30X只係交功課之作
234X點睇都似想做新界段「獨市」嘅九龍貴價流水，改到祈德尊得佢單飛，回程天星又真係有客當佢係貴價班2/6咁用，雖然三條X入面佢最有條件但都難啦

castanopsis 發表於 2023-4-8 07:44
西約去長深荔如果要轉車
我估好多客會直接落地底，反正都係轉點解唔選擇密轉密？
更重要既係，自從30X掟咗 ...

大涌道北行站位差
下繁班放工客都仲叫肯行，非繁街客真係頭也不回落鐵
加上荃灣市人流多基數大，所以234X始終都要停滿樂力生去執下客

當然你可以話更好嘅做法係234X/934回程走線對調，234X九龍段行咁耐不愁唔夠客，反而934應該荃灣停好啲站位，但要兩家接受到交換人質先囉
930X如呢度幾位支持城巴嘅站友所願停到大涌道福來邨，而代價係934將會停雅麗珊喺930X多客時間搶走佢嘅一半以上戴麟趾客源
老實講我覺得匯達唔會肯接受

Ricky403 發表於 2023-4-8 12:49
大涌道北行站位差
下繁班放工客都仲叫肯行，非繁街客真係頭也不回落鐵
加上荃灣市人流多基數大，所以234X ...

平日有934時段，930X就算頂閘過海戴麟趾後去如心同愉景客量都係兩隻手數得晒，屎水唔會肯跌埋雅麗珊比九巴換個都唔知有幾多客嘅大涌道福來邨啦

3tw2527 發表於 2023-4-8 11:08
30X要執嘅迫切性大過234X又真係嘅
我唔係太熟荃灣東人嘅搭車習慣
楊屋道同龍德街會硬食走幾多238X真係要常 ...

講真荃灣3X本身又唔係去唔到油旺，政治上你好難說服深長荔班客放棄直車換油旺班客快少少，本來大家都有直車點解要我遷就你，你話好似隔離37咁本身旺角止步都仲話37X可以去埋油麻地尖沙咀「擴展服務範圍」做交換

講返30X，楊屋道街市確實養到班客等佢出九龍，我又唔係好覺呢班客係由238X跌過嚟，而且仲有班荃景圍搭去街市門口落嘅$2客

clivetock 發表於 2023-4-8 13:09
平日有934時段，930X就算頂閘過海戴麟趾後去如心同愉景客量都係兩隻手數得晒，屎水唔會肯跌埋雅麗珊比九 ...

大涌道福來邨係逆向多客，234X下繁起碼上30個，930X下繁出港島如果有得停都可能吸到10個客，因為934逆向冇服務

clivetock 發表於 2023-4-8 13:25
講真荃灣3X本身又唔係去唔到油旺，政治上你好難說服深長荔班客放棄直車換油旺班客快少少，本來大家都有直 ...

30X回程都應該行楊屋道啦，行德士古道同238X搶客真係不倫不類。無論順向定逆向橫龍街都會出到客。順向靠工廠三寶、尚翠苑，甚至熊貓、寶石大廈。逆向就更加唔洗講，停正荃灣東工業區中心部。

clivetock 發表於 2023-4-8 13:25
講真荃灣3X本身又唔係去唔到油旺，政治上你好難說服深長荔班客放棄直車換油旺班客快少少，本來大家都有直 ...

係㗎改邊區最後都係要諗有直車變冇直車嗰班人
所以傾極都傾唔掂嗰陣咪變咗維持現狀
只不過條件嚟講雖則大家都係難
確實郁西約嘅阻力會低過另外兩區少少

馬後炮嚟講
如果未有屯馬開通
可能招標畀城巴做荃灣特快旺角再落啟德
跟住3X就會每條加2車做8/10分鐘一班