數學題，101嘅101次係? (更新至Post 9)

AV296 發表於 2023-4-14 21:39
Post 5
點解我明明上面有客量分析，仲要再嚟多一個上落客分析？我係唔係呃緊ipower?

多謝晒！其實睇數據明顯近土瓜灣站兩站客係跌咗唔少 （尤其浙江街遊樂場），但前段仲keep 住 （包括木廠街客倉）。流水客依舊都係中位，所以總體見真係跌10-15% 嘅

tamabaron 發表於 2023-4-15 07:36
多謝晒！其實睇數據明顯近土瓜灣站兩站客係跌咗唔少 （尤其浙江街遊樂場），但前段仲keep 住 （包括木廠 ...

我記得十幾年前有知情人士提過，101係微賺嘅，唔知今日仲係唔係。

kay 發表於 2023-4-14 22:17
n年前101早繁南行見最旺既過九龍城迴旋處已經爆左飛站

我就裕民坊總站坐過「特快」班次
站上啟業邨載🤭

穩定性 (時間)
Post 6 - 穩定性

首先講下時間先。


咁呢個deviation係點計出嚟呢? 我用每一程車嘅實際時間，除番對應嘅平均時間，就計到一個百分比；例如淘大花園去石塘咀，POST 2個表應該係59.57分鐘，如果有一程車係65分鐘，咁個百分比就係109.12%。我唔知咁計係唔係統計學上正確，始終我唔係讀stat，呢啲野只係識皮毛。然後我就將呢啲百分比去take sample s.d.，繁時/非繁/假日同理。點解要用全段? 因為每程車都坐唔同站，同埋站距太短 (1/2/3分鐘嘅離散數據)，好容易因為sampling error而高估個標準差。

我地發現到比較有趣嘅數據: 港島方向比九龍穩定，繁忙時間大概9%-10%，非繁忙時間大概11%。當然，最唔穩定嘅係九龍區繁時，而且亦特別高。原因應該係有一次繁時撞正撞車，如果撇除嗰一次，就變咗咁:


另外我亦特別抽出堅尼地城開往上環呢段計算，因為我想知道究竟總站開出頭一段嘅穩定性。


非繁忙時間喺全段嚟講稍高(15.8% vs 11.2%)；繁忙時間看似好高，但抽走有問題嗰一程之後 (即係下面Modified)，原來都只係17-18%。總括而言大概係16.2%，其實都唔係太大問題 – 咁樣代表101堅尼地城前往上環(平均21.7分鐘), 有7成機會係介乎18.3分鐘至25.1分鐘，其實以8-10分鐘一班嚟講，要好極端先會喺上環以前已經拖卡。究竟要幾極端呢? 我會喺最後一個po計一計。
至於港島方向，因為頭幾站嘅資料唔充足，所以就唔做喇。

Choi 發表於 2023-4-15 12:33
我記得十幾年前有知情人士提過，101係微賺嘅，唔知今日仲係唔係。

101唔止係微賺，係賺好勁

kay 發表於 2023-4-14 22:17
n年前101早繁南行見最旺既過九龍城迴旋處已經爆左飛站

10年前 早繁南行只要撞正轉時段 啟業邨係有機會上唔到第一班車

Choi 發表於 2023-4-15 12:33
我記得十幾年前有知情人士提過，101係微賺嘅，唔知今日仲係唔係。

10幾年前101都剩係微賺？如果係真嘅，完全顛覆左我對巴士線賺唔賺錢嘅三觀😅

yoho 發表於 2023-4-16 10:46
10幾年前101都剩係微賺？如果係真嘅，完全顛覆左我對巴士線賺唔賺錢嘅三觀😅
...

10幾年前,1字頭應該除左103/109/113/117/170/182係蝕,其他點都有賺/打和

108/110應該係打和

101/102/111/112/116/118/171係大賺

Post 7

穩定性 (客量)

呢個表係車上客量嘅deviation, 並唔係每站上落客人數嘅sd，所以中間(客量較高) 數字上應該會大過頭尾段，因此我又以百分比形式，去顯示每個車站嘅標準差。大家可以見到，港島方向客量嘅穩定性，比起九龍方向遠為高，即係話港島方向比較少出現拖卡之類唔穩定嘅情況，或者九龍方向嘅乘客比較無咁依賴101。

港島方向，淘大之前sd較高，證明客量分析唔準確，但淘大開始跌到得番10幾%，即係話九龍灣上車嘅人唔單止多，而且係班班車都咁多。呢樣野喺九龍方向都類似，啟業邨／九龍灣站之後，個sd都有輕微上升，顯示咗九龍灣落車嘅人，都係穩定地多。土瓜灣/九龍城段，比起九龍城以東，客量浮動比較大 (sd多大概4-5%)，可見111嘅班次，喺頗大程度上亦令101客量不均。

過海後比較得意: 港島方向sd愈嚟愈大，顯示上環打後嘅客量無咁穩定。相反，九龍方向愈嚟愈少，即係話九龍東嘅客源，多得嚟亦好穩定。另外，Skewness非常接近0，即係話乘客分佈都幾符合normal distribution；而除咗港島方向嘅西營盤同上環，兩個方向其他地方嘅excess kurtosis都接近0，代表101應該得西營盤同上環，先有大機會有極端多/極端少嘅客量。

Post8

11月開始客量轉變

原本想用表格show，但一嚟唔係所有格仔都有資料(無可能觀塘至堅尼地城，每一 種分類都有齊全資料)，二嚟用圖表先容易比較，我就選擇用圖表表示喇。

繁忙時間用橙色，非繁忙時間用綠色；最淺色代表10月或之前 (即係東鐵熱潮之時)，深小小嘅係11-12月，最深色係1-3月，即係最近。大家可以見到，兩個方向11月後比起 11月前都明顯高咗，即係101 11月後，客量開始回升。踏入2023，除咗港島方向非繁，其他時段都比2022高，即係客量又進一步回升。

我認為個原因係東鐵新開嘅熱潮已經逐漸減退。非繁嘅屯馬要7分鐘，東鐵6分鐘，仲未計金鐘以外要轉車；101對比港鐵除咗密，仲要比較快同平，仲要有位坐；惟一趕客嘅係紅隧車龍，不過我上面都有講，巴士可以瘋狂打尖之下，巴士穩定性又唔太輸蝕。至於繁時，無錯屯馬3分鐘，東鐵3分鐘，港島線更加係2分鐘；不過前提係你要上到車。九龍中段嘅屯馬應該無問題，但嗰兩條藍色線呢? 仲未計地面行落地底嘅時間。所以近排的確見多咗人回流101，而且個趨勢似乎會繼續。