正式宣布香港實施「巴安法」！

隨著東鐵過海，好多巴士線面臨減班危機以配合政府「保鐵」

咁港鐵最近又賣廣告話屯馬綫沙田出東九比巴士快，仲要指名邊條線

無可否認往往新東去東九巴士本身有先天優勢

但的確有部份地方係鐵路比較方便

每當有人指出，就有班巴膠衝出黎話人保鐵

有人出片比較巴士同鐵，就算鐵贏就用「巴士有位坐」為由繼續支持巴士

咁真係冇得講喎

682有幾兜大家都知，咁我係咪因為佢有位坐又可以一程過去東區去否定鐵路較惰呢個事實？

我明政府係黨鐵大股東，再加埋黨鐵2019年點出賣香港人，香港人反鐵可以理解

但係咪失去理智到逢鐵必反呢？

巴膠反鐵=香港人反鐵？
建議樓主去老母站旺角站九龍塘站同金鐘站企一日

高登潮文？

喺我識的人當中保鐵逢巴必反反而仲多人，咁係咪又出埋鐵安法？

身體是誠實的  時間是寶貴的

樓主！算把啦！所謂咸魚青菜各有所好，每個人既選擇都唔同，如果香港鐵路真係咁唔方便，咁點解到今時今日仲有咁多鐵路教教徒呢？

鬼叫巴士站多過地鐵站，如果解決左呢個問題就真係乜都得

近年塞車加劇，巿區巴士線好難做。

其實樓主嘅論述，我係同意嘅。

依家地鐵，在大多數的旅程中，無論係速度、班次、行車時間穩定性，都遠比巴士優勝；

就連車費，鐵都陸續開始比起巴士便宜，雖然好多乘客唔care果一蚊幾亳。

巴士迷有時好執着，一定要巴士同地鐵鍊過；但其實，根本冇得鍊。就算係近期大熱嘅690S，一塞車就會開始倒客。

鐘意搭巴士嘅，無論有冇個位坐，無論要塞幾耐車，要搭都會搭；唔鐘意搭巴士嘅，就算係元朗去上水差距咁極端嘅旅程，都一樣會自自然然走去搭鐵。

鹹魚青菜各有所好。

只不過，樓主標題巴安法，同內文有咩關係？

港鐵變身黨鐵因為呢句
年內果然發生出軌事故

可唔可以唔好學無腦連登仔，開口埋口都講「我正式宣佈 blah blah blah」？

有咩講咪直接講囉，宣乜鬼野佈？
用「宣佈」兩字就代表講既野有理據d？
再加埋「正式」兩字就代表自己係權威？