九巴30x 2023年6月19日起修訂班次

AVD1 發表於 2023-6-24 10:22
旺角特快呢回事，一日起荃景圍未有補償長沙灣道沿線一日都好難過。
搵 30 補位又會比荔景嘈，呢個道理你 ...

230X走線肯定最快
問題係隔離有234X/234P既情況下，咁行似乎唔夠客
楊屋道宜家叫做做起咗，荃景圍似乎注定荃灣段無得快
咁不如研究下可唔可以九龍段拆散，做 荃市旺角、荃市尖沙咀紅土 特快

我認同 荃景圍<>長沙灣道 係問題，但就算唔直接拉直30，其實都可以用30換返其他嘢上來
葵涌道<>長深荔 呢個位，36A/B重組之後，越搞越尷尬
砌 荃景圍<>葵涌道<>長深荔 線，唔係純粹為咗解決荃景圍既死結，仲有其他理由
當然，樓上無講錯，唔加車既重組方案全部都係垃圾

Ricky403 發表於 2023-6-24 17:45
不如你教下，學790 280X停完海防道站點樣轉出去中間道？
假如唔計海防道班客，個數據又會變成點呢，好期 ...

老實講isquare多客，其中一大原因係廣東道班客會行出來搭車
半島+九龍公園徑，對呢班客而言係方便
isquare同半島個站本身都只係隔兩個街口，我相信班客自己識行
反而如果條線碌到旺角先上公路，班客會傾向搭鐵

匯翔道過海客本身同紅土不對立
你認為西隧口值得做既，兩個做曬都得
但我本身就唔多睇好，荃灣過海港鐵太平，930X/934主要賣點係快同一程過
298X>603同690S，已經話到俾你聽轉車直車吸引力既分別
就算轉車，叫班荃景圍客直接轉934，比起搭尖咀線要兜埋荃市，吸引唔少

做埋紅土本身係同30X一換一，唔係天降資源
朝早黃埔下站龍德街，快過紅小多多聲，點睇都同40 vs 觀荃，有好大分別
最低限度點都好過30X剩係喺度執雞，塞死亡交叉得不償失

castanopsis 發表於 2023-7-15 22:32
230X走線肯定最快
問題係隔離有234X/234P既情況下，咁行似乎唔夠客
楊屋道宜家叫做做起咗，荃景圍似乎注 ...

30當年縮極都繼續做荔景山，只係唔上荃景圍
九巴只係換39A單向西站特快畀荃景圍，但到去綠楊石圍角想落車近少少就要陪兜

不過呢度啲消息人士都睇低荃景圍一線嗰陣，30X可以改行楊屋道，再將陰乾目標轉移咗去238X，已經比預期叻唔少
當然九巴唔放棄30X，就又要玩條39M黎交換
好似你想整39大業，全部都係啲睇低一線嘅地區，咁要血洗幾多條線先會令九巴滿意吖

castanopsis 發表於 2023-7-15 22:54
老實講isquare多客，其中一大原因係廣東道班客會行出來搭車
半島+九龍公園徑，對呢班客而言係方便
isquar ...

特快巴士線唔係為快而快，有冇客源先至緊要
唔會話因為條線係經廣東道直接走，就唔駛考慮站位問題
T270唔駛為吸客入廣東道啦，行九龍公園徑快啲番到總站喎
5號仔駛乜入番碼頭，271又點解唔可以擺尖麼換加密班次算數呢？

就算停半島入中間道走，對於九龍公園徑以東北京道以北嘅，點都係唔方便
你話為咗紅土客而要咁行，但紅土可唔可以多客過呢段尖沙咀，我抱質疑態度
最起碼你建議嘅荃市尖沙咀紅土行法，所謂紅土都僅限下路，上路想搭條線仲要同你行番入下路，都實屯馬綫見
黃埔你唔入總站只到德民街，又係送走半個黃埔落鐵，但入埋總站，行車時間又太長又趕土瓜灣頭段

出面其他帖先質疑緊700呢啲跳蛙又疊鐵巴士線可以做到幾大
已經講緊700係經本身有一定程度保巴嘅地區，又建議開15分鐘一班，都成版淡風
你建議荃市尖沙咀紅土，一樣咁跳蛙，班次仲要再疏，疊緊條鐵又更快，哪來的自信？

- - - - - - - - - -

去到拉30X落水，一則你又無解到非繁本身出7架，加埋30號畀你11架點夠拆三條
二則重組燒埋嗰疊即係拆出黎又要係全日線，隨時咪又黎多單795X畀人笑無客燒車
開線嗰陣班795X字軌同好友都唔見哂影

起碼我建議個做法，係以少部分疊現有線做代價，換取營運上較大自由度
車都係攞934做完上繁閒置嘅為主，最多話少咗攝失班嘅彈性囉

Ricky403 發表於 2023-7-17 00:59
特快巴士線唔係為快而快，有冇客源先至緊要
唔會話因為條線係經廣東道直接走，就唔駛考慮站位問題
T270唔 ...

黃埔一帶要做好困難
行勻晒就115類
唔行勻晒紅磡道以南又唔睬你
海濱南岸唔係8A 115行法都無得上
想做嘉里個邊又一定要行紅磡南道仲要個邊好靜

所以黃埔巴士跌得咁甘
路面設計都係大問題

最少最少都要入黃埔巴總

Ricky403 發表於 2023-7-17 00:37
30當年縮極都繼續做荔景山，只係唔上荃景圍
九巴只係換39A單向西站特快畀荃景圍，但到去綠楊石圍角想落車 ...

所謂咩轉移去 238X 個到，
其實你有冇諗過係，九巴想兩條線都想陰

30X 我覺得未見 30 佢都唔會心息的。

Ricky403 發表於 2023-7-17 00:59
特快巴士線唔係為快而快，有冇客源先至緊要
唔會話因為條線係經廣東道直接走，就唔駛考慮站位問題
T270唔 ...

清真寺行去半島，都只係5分鐘左右
上車6分鐘已經轉入柯士甸道西上公路
反而為咗停正isquare跟41A走，係就係行少5分鐘，但上車18.5分鐘先到銘基上西廊
你話尖沙咀班客會prefer邊個option？
更加唔好話九龍公園徑/中港城有站，同樣會令三四成乘客行少咗5-10分鐘

700波子棋俾人鬧係因為同現有路線重疊
佢想藉機陰乾現有路線，但700又無快過
荃灣尖沙咀紅土，試問有乜嘢現有路線？

德民街算係一個幾中心既站位，土瓜灣上路就預咗放棄
做到下路同唔喺屯馬沿線既紅磡旺區，已經唔差

車源無得搞，我只可以話條線會有錢賺
但九巴唔肯好似城巴咁加車拆線，其實乜嘢方案都係爛

AVD1 發表於 2023-7-17 14:11
所謂咩轉移去 238X 個到，
其實你有冇諗過係，九巴想兩條線都想陰  

30X日間無再大郁，都算止跌
見佢夜晚返荃灣客量都有回升，甚至上座率計好過234X
而家箭靶咪去咗39M到

castanopsis 發表於 2023-7-17 21:49
清真寺行去半島，都只係5分鐘左右
上車6分鐘已經轉入柯士甸道西上公路
反而為咗停正isquare跟41A走，係就 ...

清真寺出發都要行足5分鐘，咁就死啦
再喺佢以北以東嘅地方出發，基本上唔駛考慮巴士，尤其返荃灣計，搭鐵都係一程過
你嗰頭識講土荃紅小總站覆蓋有限，包唔哂紅土，呢頭去到尖沙咀你又認為清真寺同再以東北呢堆會肯行去半島？

港威去柯士甸站有兩蚊減，最近仲多咗戲曲中心地底條通道，搭屯馬綫返到荃灣沙咀道以南大部分地方，都係計哂行路等車半個鐘
所以就算中港城尾站上公路，嗰個位唔睇好會吸到返荃灣市嘅非保巴派，巴士就算行連翔道隧道番荃灣頭站都12分鐘起跳，行車時間差距好少，加埋班次比屯馬綫難就車錢又比較貴已經ko大部分客源

荃灣市鐵路覆蓋哂咁劑，紅土其實都係，要人行去巴士站好容易變成推客落鐵
就算紅土段九碼開車後跟796X落尖東行法，唯一相對唔近鐵路站嘅位係只有九碼同開頭一小段下路
德民街站你話係中心，係咪指緊三個鐵路站嘅中心咋，何文田紅磡黃埔三面包抄，巴士似死位多過旺位囉

Ricky403 發表於 2023-7-20 17:27
30X日間無再大郁，都算止跌
見佢夜晚返荃灣客量都有回升，甚至上座率計好過234X
而家箭靶咪去咗39M到 ...

表列日間無大郁，但朝早繁時脫班多左嘅，倒客情況多左