論黃巴E車大嶼山服務範圍

Sita1004-1017 發表於 2023-6-23 06:24
依家東涌加咗太多燈其實夾時間係難咗，依家有時E31上公路仲耐過其他GTC E線

E23 A東涌北淨係入半圈就有 ...

E31上公路會慢唔係因為燈而係東涌裡面幾乎全部站都要停車，真係無人上的就得福逸樓同順東路東堤。GTC E線東涌裡面就得3個，E31就要停9個，唔計福逸同順東路東堤都有7個啦。燈的數量對E31無乜影響。唔好話唔兜市中心，E31市中心點都執到客。
E11A/B個問題，運桔已經一早同區議會講明要再減班先有得傾。

thorchan 發表於 2023-6-25 22:25
E31上公路會慢唔係因為燈而係東涌裡面幾乎全部站都要停車，真係無人上的就得福逸樓同順東路東堤。GTC E線 ...

E31 講緊淨係玩滿逸都唔見左10分鐘, 大十字食兩次燈, 碌落市中心又玩多10分鐘
以前番北大嶼山醫院係講緊架E31 停完滿逸既時候, 可以直接行去裕東上番同一班車
如果同一時間有E31 響醫院門口開車, 而行去裕東岩岩好有E32 既話, 選擇行去搭E32 係快5-10分鐘不等

所謂咩村村密車落轉車站, 有車有人都未必肯做, 公司唔會有信心夠客
就連呢家滿逸勉強叫「直出」既E31都不過係行緊15-20呢種班次
證明暫時東涌人都係主要用37M 38 39M呢類線處理對外交通, 轉E線定地鐵就視乎去邊
大西北咪E囉, 九龍港島就唔少都會鐵, 除非東九就再考慮

東涌唔係屯門, 離最近既市區距離再遠左, 人亦少左, 極難做到屯碼59M 類型既路線
同埋到底呢類線搵邊到做市區總站呢, 要駁鐵既九成落東涌站, 遠少少區既行街客E31 都做左大半
旺角特快就冇人預東涌玩, 一來E23封左JD一帶, 二來尖沙咀唔會夠鐵打, 三來41A式行法做東涌成本都重皮, 更何況做旺角特快就已經out of 密車駁腳既context, 因為車程太長
淨低其他市區地方已經不在討論範圍

夾硬要講一個既, 得番長安係fulfill 到最近同埋最多車轉既駁腳站位, 而又唔會送客比地鐵
不過對龍運黎講E31 同E32 已經做齊, 滿逸亦冇叻到可以support到全日超級特快版既E31 停完滿逸圈直去長安, 亦唔合乎成本效益

我自己覺得最盡可以試下開兩班E31直出長安版, 滿逸圈後直上轉車站, 再直接停長安, 然後原路番愉景, 試下到底有幾多客肯買帳用佢黎去青馬/長安出市區
時間上, 以A31 平時8分鐘到轉車站+E31 15分鐘到東涌頭站計, 滿逸最快應該做到17-22分鐘到轉車站 (同埋最好先滿東後逸東既), 落到長安應該係半小時或以內既事
要真特快既就自己轉車站轉任何E線, 想平既就落長安轉44 241X 甚至42C X42P 之類
班客買帳既咪再討論, 唔買帳就明正言順收起呢兩班快車, 以後繼續慢慢fing E31

GZ4031 發表於 2023-6-25 23:56
E31 講緊淨係玩滿逸都唔見左10分鐘, 大十字食兩次燈, 碌落市中心又玩多10分鐘
以前番北大嶼山醫院係講緊 ...

其實E31最慢的時期係做埋東涌北的時間，依家就算做埋滿東都無當年入東涌北咁誇張，由愉景返逸東最少要個半鐘，反而依家由逸東開，行哂滿東市中心，出到荃灣都係一個鐘鬆D。呢個時間其實都算係可接受範圍。

東涌北一帶只有E21A有直達需求
理論上整密E21A去其他區轉車會更有效率

thorchan 發表於 2023-6-26 21:59
其實E31最慢的時期係做埋東涌北的時間，依家就算做埋滿東都無當年入東涌北咁誇張，由愉景返逸東最少要個 ...

舊E31 真係唔好再提, 垃圾級咁濟
你話現有既E31 快又唔係快到吸引到人上跑道轉車, 密就更加唔係, 只係一條正常既出青衣/荃灣線
不變係可以, 但如果真係要企高一線睇下點樣吸引更多38既客貨金上龍運, 其中一個試水溫既方法就係整呢一兩班特快E31
全日就一定唔會, 畢竟唔會夠客, 只係響peak hour 觀望一下到底有幾多人係真係會因為直出青馬轉車站 and 「青衣轉車站」而回流
其實東涌呢個位, 路網如果唔係咁差, 本身條公路除左長d 之外, 好少塞車, 巴士如果唔係死兜爛兜區內, 本應有好多幻想既空間
奈何做一個位直出又唔可能夠客, 做兩個位就算用E42P 行法都唔算好快, 亦已經慢過38轉E/轉鐵
做哂東涌西, 中同北就直頭mission impossible 好似舊E31一樣

個人認為, 如果出市區既車再有新既改動, 最折衷既做法已經係滿東開經逸東北大再跟番E42P 行法, 市中心既有既客留番比本來做緊既E線, 而唔應該再迫人漫遊全個東涌
比原來既E線好地地做法本來既客, 做唔掂就自不然會摺, 同時淨做東涌住宅區出市區既線亦可以照普遍通勤線既方式處理, peak hour 開密, non-peak 開疏, 變相唔洗擔心後勤區既peak 同東涌居民既peak 唔同令一條線既班次變得奇奇怪怪
做得好既仲變相可以上繁出市區方向就谷車落住宅線, 番入東涌方向就比番原有後勤區既E線, 下繁至到尾車時段就調轉玩法
而唔係將明明只係一變二既事情變成一拆四
唔係個個都係巴膠, 特別一班有密車駁鐵線既居民
你只需要話比佢聽 甲線就係做東涌西同北生意既, 乙線就係做番原本E線 (後勤+東涌中)生意既
佢地就自不然會用腳投票, 而唔需要拆到亂哂大龍
令到大家出行都要諗定每個唔同時段有咩巴士選擇, 咁最後只會落番地鐵

當然你可以話一拆四都係做緊相類似既野, 但坦白講, as 一個巴膠角度都頭痛緊E21 E21A E21B E21D 既時段同行法唔同既時候
既然你全日都係用緊兩條線既資源去處理呢四條線, 咁倒不如清楚咁列番咩區搭咩車出入, 梳理番每區實際上擁有咩野資源, 去突顯番到底有幾多人係真係搭巴士
真係爛數既先討論取唔取消/點補償

學E36A咁開支線,即E11A由逸東開,經東涌北,E11就唔駛經東涌北,維持原線經東涌市中心,問題要擴建逸東或滿東總站

groom1002 發表於 2023-6-26 23:34
學E36A咁開支線,即E11A由逸東開,經東涌北,E11就唔駛經東涌北,維持原線經東涌市中心,問題要擴建逸東或滿東總 ...

基本上滿逸就係唔想出市區D車經東涌北，但善水就認為東涌北先係過海客倉，滿逸本身養唔到全日過海線。