運輸署首日派人捉違規用 $2 乘車 截至 5pm 未發現違規

運輸署今日起派外勤人員聯同公共交通營辦商職員及外判保安員向使用 $2 優惠乘車的乘客查票，截至 5pm 於約 100 個班次上共檢查了 55 人，未發現有違規情況。據報章報導，其中一隊主要在大埔區各總站針對長途線作查票，在車輛開出前便會下車。
（配圖自有線新聞）

我想講，依個行動簡直多餘同浪費公帑。

信唔信單係今日人手開支，等同一個禮拜濫用蝕左既錢？

如果話給巴士司機個duty去抓濫用2蚊d人仔，斷正一次罰5000，然後運吉再從中抽2000給翻巴士公司做回水
咁效果肯定好過派一隊人專門抓濫用2蚊d人仔，咁做既浪費公帑又無太大效果

捉唔到都正常，咁高姿態講定會check，真係會違規嘅人都等風聲無咁緊先用啦

AV296-HL1875 發表於 2023-6-27 02:41
捉唔到都正常，咁高姿態講定會check，真係會違規嘅人都等風聲無咁緊先用啦 ...

真係想捉人就係開左車先捉, 而唔係「在車輛開出前便會下車」, 輕鐵捉人捉左幾廿年成日都捉到人嫁喎, 學下野先啦

我琴日先遇到個小學生 明明小童2.8 睇佢個芒都係2蚊 （如果係轉乘就唔洗兩蚊） 卡聲都唔同  不過就冇留意係咪大家口中嘅白卡喇  我又睇唔切個芒啲字 聽聲我又未去到達人分得清邊啲聲（仲有自動增值聲 同提你換卡嘅聲呢…）

咁高調點會捉到人違規，學下popo咁去放蛇咪搞掂囉

shakugan2005 發表於 2023-6-27 04:52
真係想捉人就係開左車先捉, 而唔係「在車輛開出前便會下車」, 輕鐵捉人捉左幾廿年成日都捉到人嫁喎, 學下 ...

以巴士的情況﹐3條友著晒制服企在輪椅位﹐咁高調 + 事前已經做晒宣傳﹐偷雞人都會睇清楚形勢啦。

正如你坐MTR﹐有幾個黃衫人企在閘機之後﹐你都唔會偷雞啦。


所以﹐捉唔到人完全係正常的。


至於巴士的情況﹐唔駛開左車才捉人的。
乘客一拍卡就可以叫佢過來查證﹐除非佢心虛即時掉頭由前門落車走啦。

其實而家既智能身分證啪卡咪得囉，使乜鬼又另外開張樂悠咭，咁做起嗎有一部分人唔會借身分證俾人啪卡。

多九餘。10蚊車，60歲嘟一下補貼8蚊，仲有一班未退休；65嘟一下補貼3蚊。然後今年開支多左1.2倍，嫌貴，捉逃票，係咪笑話黎？