兩鐵合拼後開通的新路線邊條做得最成功？

leo_ku 發表於 2023-7-2 12:25
不如你睇下坑口站行人天橋設計，連住晒最多人流的商場，最遠的富寧不過係十分鐘左右腳程仲有2蚊機。

就 ...

得㗎喇古生
全italk都知道
喺你嘅世界觀入面
淨係青衣同康城先要搭巴士
其他區只需要開一條線出旺角洗牌就夠
你覺得唔方便，可以轉工，搬屋
再唔係你可以選擇移民
總知就唔好提出任何問題

italk呢...得一隻淨係識評分嘅跟尾狗會buy你㗎咋
你都係返去青衣個竇入面取暖吧啦

leo_ku 發表於 2023-7-2 17:11
我咪係度答左緊你，根本唔關咩巴士公司部署對唔對應到囉，又唔滿意？

得㗎喇
無謂浪費討論區資料啦好嗎？
節省少少啦古生

mckhgc 發表於 2023-6-29 22:03
- 大西北人不滿紅磡站無位坐，結果反而有人回流返260X

呢點唔係第一次聽，我又唔明，香港經過咁多次鐵 ...

以前紅磡係總站 想有位坐嘅機會大好多
而家屯馬線行車時間又唔穩定
鑽石山上嗰批人又已經坐滿咗 紅磡上車可能已經要企車門附近
搭得咁辛苦又想有位坐咪會上翻260X

西鐵用南昌做總站同用紅磡做總站嘅客量差好遠
同埋南昌繁時係有特別車
但紅磡係做唔到繁時吉車載客

巴士迷A號 發表於 2023-7-2 19:59
以前紅磡係總站 想有位坐嘅機會大好多
而家屯馬線行車時間又唔穩定
鑽石山上嗰批人又已經坐滿咗 紅磡上車 ...

紅磡因為軌道配置，除非特登不載客飛過東段一堆站過黎，否則紅土鑽都夠坐滿有多，做唔到吉車
繁時尖東起載車都好少，最後一班出廠車17:17開，之後就係18:29，得一班都吸唔到咩巴士客，尤其住大西北每個月一早買定離手
連續一個月趕18:29班尖東吉車，要份工本身可以準時收，兼夾收工前30分鐘無人會搵你先得

南昌其實好似都無哂特車，全部改紅磡出車尖東起載，但好多時因為太貼前車無乜客
龜鐵不喜歡，所以第五波之後從來都無開返
至於多人肯等主要係因為有大量乘客由尖沙咀同紅土轉去東涌綫上行騰出位置，第一至三卡更加係幾乎100%即班上到

JX9097 發表於 2023-6-30 20:26
當刻冇急切需要起哂所有嘢，唔緊要但最低限度都要有預留空間去應付未來發展
但依家寶林冇位擴建做雙月台 ...

如果港鐵有心有力肯再放錢改,
直接比觀塘線過油塘後係魔鬼山提早分岔現有線路,興建新線直通將軍澳站-康城.

巴士迷A號 發表於 2023-7-2 19:59
以前紅磡係總站 想有位坐嘅機會大好多
而家屯馬線行車時間又唔穩定
鑽石山上嗰批人又已經坐滿咗 紅磡上車 ...

都係嗰句，千錯萬錯，最錯最失敗，係九鐵對西鐵做得太好、太過份優待，打晒大尖急急優先起九龍南綫，就係一切既禍根。

應該按<鐵路發展策略2000>，先起<鐵策2000>第二階段既沙中綫，即係東鐵紅磡<>金鐘、馬鐵大圍<>紅磡再駁尖東(其實應該係「尖東歸馬」而非「歸西」)，期間西鐵keep著南昌止步。

到起完沙中綫，再起<鐵策2000>第三階段既沙中綫九龍南(環)綫，即係南昌<>尖東再駁烏溪沙，南昌特車保留，咁就唔存在大西北人紅磡有位坐變冇位坐既痛苦啦！

tkf_2005 發表於 2023-7-2 22:59
如果港鐵有心有力肯再放錢改,
直接比觀塘線過油塘後係魔鬼山提早分岔現有線路,興建新線直通將軍澳站-康城 ...

唔駛咁複雜，起一對路軌由調景嶺出站位，經寶順路、唐明街駁去梁省德東南面就得，極大機會只係IVE同體育館要改地基。有荔景同紅磡嘅經驗，唔會做唔到，但係應該唔會做。