應否取消B線及口岸小巴$2 乘車優惠

現時政府長者及合資格殘疾人士公共交通票價優惠計劃($2計劃)並不包括東鐵往返羅湖、落馬洲的東鐵線服務

卻包括B線及口岸小巴

導致大量乘客 特別是長者轉搭B線及口岸小巴
巴士公司及小巴公司為抽調資源去口岸線
部分路線失班率長期達30%以上
令乘客往往望車輕嘆
交通投訴組亦更改檔案編號分配方法 減少投訴數字上升幅度

儘管巴士公司及小巴公司抽調資源去口岸線
但B線及口岸小巴卻難以負擔大量由東鐵線轉投的人流

另一方面 政府長者及合資格殘疾人士公共交通票價優惠計劃的支出超出預算 對政府財政造成壓力

建議與東鐵線過境收費統一 取消B線及口岸小巴$2 乘車優惠
1.減低九巴、城巴 小巴公司的失班率 令本地服務足夠服務乘客
2.減低60歲以上人士由東鐵轉投B線及口岸小巴的誘因 令$2計劃公帑用於日常所需

歡迎討論

就算呢一刻即刻冇晒所有口岸路線，唔見得會改善到幾多，欠人係長期問題

無論有冇兩蚊，B線都係平過東鐵過境，所以取消兩蚊唔見得會少好多人搭B線；當然如果話兩蚊原意係鼓勵本地出行，唔應該包B線以減少政府支出，咁呢個目的我唔反對

clivetock 發表於 2023-6-30 11:05
無論有冇兩蚊，B線都係平過東鐵過境，所以取消兩蚊唔見得會少好多人搭B線；當然如果話兩蚊原意係鼓勵本地出 ...

以原意去講﹐的確B線真係唔需要提供$2。

如果B線有$2﹐這樣就應該A線及羅湖落馬洲站﹐機場快線都應該有$2。

只係唔明﹐點解當初唯獨B線有$2。

因為能跨境應視為有閒錢
就算說沒有離境純粹遊車河
口岸折返,請選擇其他路線。

再而有人會搬出例子「60+在
深圳定居卻需到香港上班」之類,
這是自願的,正如樓主所講,要控制需求。

長遠越嚟越多人夠年齡
點樣查票補助額會一直咁上

應該有意見說離島渡輪
是否祗補助慢船班次,問題
係渡輪好大程度多咗特惠票
乘客搭至少無蝕咁多,無論客
與船公司都近乎無選擇。

無論內地和澳門，去任何關口都係用正常合理價錢去到，係香港咁畸形，去邊境不論巴士和鐵路都收取極不合理地高昂車費

如果取消B線 2元優惠，只會有好多人會改坐79K去香園圍口岸。

洗濕左個頭就好難返轉頭
唯一可以做將長者八達通轉哂做個人八達通（樂悠卡）

洗濕個頭沒得翻轉頭，況且即使取消$2優惠，B7轉入口岸即使對長者收全票也便宜過港鐵入羅湖
最多只是揚揚止沸

HR1377 發表於 2023-6-30 11:35
洗濕左個頭就好難返轉頭
唯一可以做將長者八達通轉哂做個人八達通（樂悠卡）

現今生態大把嘢係由有變無,多不勝數
A10 A12 又唔見話好難返轉頭 恢復全日?