我對新巴城巴在專營權交接嘅活動安排上感到失望，行程規劃不對辦喎！

TYChow 發表於 2023-7-1 12:21
咁你真係得罪曬去開PLG嘅「熟客」同巴士迷囉！

果班人騎唔騎呢我就唔知，但見到你咁嘅言論就開始覺得你班友就真係好騎呢。你想搭兩程巴士，中間趕唔切走去賴人安排不周。比著係你會想點安排？當你點半開車三點到，到站仲要比人影相搞半個鐘，飛的去藍灣都係炆水啦，仲講搵架巴士車你去都6uo，到時去到冇時間比你影相或者趕唔到班車係咪新城要等埋你班騎呢友先可以交接？

係囉係囉

應該開 H1C 開廿架車 做 970X + 72S + N8P 既路線，再即刻轉貼紙行城巴 N8P 先岩

JB5571@3B/103 發表於 2023-7-1 11:21
今日所見站牌未換，仲有今日暫時未見城巴車行前新巴線或前新巴車行城巴線 ...

根本整體今日(1/7)同昨日合併前分別唔大,只係原新巴車換曬城巴標誌並且行蹤網繼續顯示新巴特見板兼所有屎水站牌都未換上新裝.

不如好認真問樓主, 如果你係新城, 你會點安排場騷而又唔影響正常乘客？

包生仔包你滿意架？！又一西客

我就覺得新城喺今次活動算係做得唔錯,
只係中間發生咗delay, 先令到時間控制方面未如理想

我相信, 如果唔係礙於新城專營權分開嘅話, 72S 特別線總站就應該會係藍灣半島

ps: 如果970X終極尾車遲咗差唔多半個鐘開係因為派紀念品嘅話,
我真心想問, 到底新巴有無從之前嘅派紀念品活動汲取教訓?

~~~~~~~~

以下係個人經歷 (長咗少少, 抱歉):

喺香港仔等咗差唔多2個鐘先影咗5架970X尾車入站,
影完就即刻坐 72S 二車 8166 走,
開車時間約為 03:28, 開車嗰陣仲有好多人喺香港仔巴總影相
03:39 到SOGO, 見到前面5818有新巴LOGO,
就諗住影咗相先再搵N8P去藍灣半島,
點知突然有站助話5818係N8P, 啱就可以上,
咁就梗係上啦, 0341開車, 但係車上大把窗口位任揀

司機手車已經算快, 中途又無乜上落, 但係都要0402先到藍灣半島,
乜嘢新巴終極尾車, 城巴頭車自然無份

5818到藍灣半島之後, 有職員同司機講架車係灰姑娘, 要返廠

我見到藍灣個排隊區無人用;
傳媒巴士大約04:30離開藍灣;
同一時間, 工作人員開始清理排隊區同鐵馬

~完~

TYChow 發表於 2023-7-1 11:50
正正係PLG常客，先至能夠更深入認識巴士公司，提意見才能更仔細，而且一針見血！ ...

首先我要多謝新巴城巴呢幾個月公關上算做得好好。

回樓主，咁你唔一早喺  PLG 度建議新巴咁搞？

N8P係0354開終極尾班車，早一日內部已有staff傳開，大家消息咁靈通無理由到0300先知。
即使係咁，要食齊970X同N8P，大可以970X落完車飛的落藍灣，相信在場問有冇人夾份一定有人制！

而家先喺網上唱新巴城巴點唔好法，相信好可能無人會企你果邊。

AtrHenu 發表於 2023-7-1 11:28
根本屎水唔想玩呢個交接遊戲啦,只係當橙汁呢個品牌消除咗噤解揸.
btw,它都好Fuck人明明宣佈咗KTS開01:3 ...

一直都係講緊970x 係常規線尾班車, 0400 之前都仲係新巴專營權, 咁自然唔會係最終嘅尾班車

西客就是這樣煉成的。

樓主嘅行為同一啲有個臭錢學人買一手樓咁，樓書又唔睇，上去律師樓簽約嘅時候喺度發夢，到出事/俾唔到錢就喺度嘈嘈閉。

大哥，做每一樣嘢之前睇清楚安排細節啦。

一日最衰都係填海天王，廿年前就搞衰哂成個服務業生態。