建議招標新線 B10柴灣康翠臺-香園圍口岸

港島東居住人口龐大, 距離深圳各口岸卻很遠, 利用現有鐵路網絡往返羅湖/落馬洲, 車程長之餘, 亦不能擔保有座位.

自年初通關起, 港人在周末和節假日湧入深圳作報復式旅遊, 幾近成為一種潮流, 故建議招標一條直接往返口岸和東區的巴士路線, 方便市民和遊客往返港島東, 詳情如下:

B10 柴灣康翠臺-香園圍口岸
逢周末及假日提供服務

服務時間
柴灣康翠臺 0700-1500(每30分鐘一班), 1600-2100(每60分鐘一班)
香園圍口岸 0800-1300(每60分鐘一班), 1330-2200(每30分鐘一班)

途經街道
柴灣開: 康民街 柴灣道 環翠道 柴灣道 小西灣道 小西灣總站 小西灣道 柴灣道 天橋 永泰道 東區走廊 東喜道 南安里 南安街 筲箕灣總站 未命名路 南安街 東區走廊 太古灣道 太豐路 太古城道 太茂路 太古灣道 太榮路 太古城道 筲箕灣道 太康街 東區走廊 東區海底隧道 鯉魚門道下行道 觀塘繞道 大老山隧道 大老山公路 吐露港公路 粉嶺公路 香園圍公路

口岸開: 香園圍公路 粉嶺公路 吐露港公路 大老山公路 大老山隧道 觀塘繞道 鯉魚門道下行道 東區海底隧道 東區走廊 太安街 筲箕灣道 太古城道 太茂路 太古灣道 東區走廊 南安里 南安街 筲箕灣總站 寶文街 望隆街 東喜道 東區走廊 永泰道 柴灣道 小西灣道 小西灣總站 小西灣道 柴灣道 環翠道 柴灣道 康民街

點解咁多個口岸
剩係去得個香園圍？
況且近年專利巴士既口岸線都係以新界區為主
唔覺得運輸署會想搞巿區線
如果運輸署想搞口岸線專利巴士巿區長途
落馬洲同深圳灣一早搞咗

kmb71k 發表於 2023-7-20 21:05
點解咁多個口岸
剩係去得個香園圍？
況且近年專利巴士既口岸線都係以新界區為主

呢篇文係我開先講丫!!

你呢位資深板友嘅回文態度真係好有問題, 每位開文板友都被你鬧過先安樂, 你壓力大要搵地方發洩冇問題, 但係你上到嚟italk, 板友唔係奉旨要受你氣.

你自己統計吓, 有幾多個回覆係正常語氣講嘢, 又有幾多篇唔係話緊人哋唔啱?

我冇正式統計過, 你作為老鬼, 你個大名我睇咗十幾年, 無論撳入嚟嘅係講消息, 講班次調整, 講建議, 總之有你回文, 啲態度都係好惡劣, 無論人哋講咩, 你唔係質問, 就係大彈人哋觀點, 你自己又有咩真知焯見?

總係識得放負, 等同啲後生放暑假冇嘢做上嚟出低質文一樣咁XX, 你識得話人哋低質嘅同時其實你都好乞人憎, 還是認為自己係老鬼, 自我感覺良好就得, 人哋感受何須要care!!

EX-TL 發表於 2023-7-20 22:12
呢篇文係我開先講丫!!

你呢位資深板友嘅回文態度真係好有問題, 每位開文板友都被你鬧過先安樂, 你壓力大 ...

睇嚟有壓力果個係你
放得建議上嚟都預咗俾人講意見
唔啱既有問題既梗係要批評
下下要俾讚唔俾彈？
仲有我唔係剩係出過批評既post
一啲善意俾意見既你係咪視而不見？

講番個post
我有講錯咩？
香港幾個口岸陸續落成
點解剩係針對香園圍直出巿區
新界其餘兩個口岸直出巿區就視若無睹？
如果運輸署要搞巿區直出路線
落馬洲同深圳灣一早就要搞
但係落成咁多年都無搞
況且
呢兩個口岸客量唔會輸蝕香園圍

單純做港島東一區，需求真係咁大?
而且港島綫直接轉到東鐵綫，之後就一條路直到關口，香園圍口岸唔見得有優勢

214P_world 發表於 2023-7-21 01:48
單純做港島東一區，需求真係咁大?
而且港島綫直接轉到東鐵綫，之後就一條路直到關口，香園圍口岸唔見得有優 ...

樓主無列出建議票價
雖然話以招標方式睇吓營運商
願做嘅水平而定,但隨時陷於兩難

需求係有但的確九龍都
未出現邊境B系線,似乎原因
係半小時一班客會到現時已有
B系覆蓋點轉車、直達九龍甚至
港島,太密就輪到營運商唔想。

另外都不再引文,落馬洲與
深圳灣不在考慮之列,前者TD
肯定說成條東鐵喺度,更大問題
係港島路線就要經最貴嘅西隧及
欖隧。再唔係嘅,直接修改976A設
周末假日特班避過招標,城巴都未必制

214P_world 發表於 2023-7-21 01:48
單純做港島東一區，需求真係咁大?
而且港島綫直接轉到東鐵綫，之後就一條路直到關口，香園圍口岸唔見得有優 ...

希望呢度回晒幾篇回覆:

鐵路係就係直接, 但不能擔保有位坐, 港島東距離各個口岸唔係近, 車程長, 冇位坐真係幾掯.

你可能會話將軍澳都唔係近, 唔止將軍澳, 好多區北上都要轉鐵, 屋企樓下冇直車, 係咪又要整呢.

將軍澳起碼有個觀塘, 觀塘除左有鐵路, 仲有深圳灣 皇崗直巴, 將軍澳自身亦有機場巴去到港珠澳同機場.

2021年人口普查中, 東區人口有近53萬人, 排全港第四, 僅次於沙田 觀塘 元朗, 緊隨東區後有屯門 葵青 西貢.

以前東區有條直巴線做嘉亨灣-深圳灣口岸, 嘉亨灣位置偏離主幹道, 交通不便.

加上以前北上潮流沒那麼熾熱, 而深圳灣口岸的交通亦不怎麼方便, 往返港人主要消費區羅湖甚遠.

現在已不能夠同日而語, 北上目的地已經同香港樓價一樣, 不論你買港島定元朗, 樓價都係差唔遠, 大家旨在買到樓上到車.

現時北上無論你去福田 羅湖 澳門 蓮塘都一樣, 大家旨在離開香港走一走, 況且蓮塘口岸有深圳地鐵, 轉去不同地方相當方便.

港島東直達口岸的交通有港澳碼頭 機場 高鐵站 中港城.

港島東經新界西北過深圳灣口岸不會考慮, 一個對, 何況有前車失敗收場的經驗, 獲支持的機會偏低.

落馬洲站/福田口岸就如大家所認知, 已有東鐵綫直達, 而落馬洲站交通交匯處本已狹窄, B1和75已令車站擠滿人和車.

港珠澳大橋口岸方便西進而非北上, 往返澳門 珠海有經機場的A12, 駁多一程短途出入口岸, 車程大部份時間有位坐.

羅湖 文錦渡 沙頭角不在考慮之列, 皇崗口岸未曾出現過大巴行走, 實際上「跑狗」直巴需要駛入深方, 大巴就要靠「皇巴」.

剩下來的蓮塘/香園圍口岸可供專利巴士運營, 接駁不同地區, 而港島東能直達深圳各口岸, 除了鐵路, 還是鐵路.

鐵路好處當然人人識, 所以在的開文一開頭已經提及東區人搭鐵路的弊處.

大巴正好填補呢個弊處, 大巴接駁香園圍口岸是我認為可行的唯一北上口岸.

再比較一下人口多的地區, 沙田本有東鐵綫直入羅湖 落馬洲, 車程相對較短, 冇位坐相對上問題冇咁大.

觀塘區雖然唔算係近口岸, 但本身有鐵路, 亦有機場巴士直入港珠澳口岸, 皇崗跑狗 深圳灣直巴在主幹道上有站, 更有直巴入到澳門市區.

元朗區不用多說, 多條大巴路線直駛口岸, 而人口排在東區之後的屯門, 待遇亦幾乎一樣, 路線更遠至香園圍口岸.

人口相對不起眼的葵青區, 本和荃灣區唇齒相依, 西進有機場巴, 北上有直巴連接葵芳-深圳灣, 亦可到荃灣乘搭皇崗跑狗, 鐵路北上相對不便.

西貢區人口集中在將軍澳, 除了鐵路, 已有深圳灣口岸直巴, 也有機場巴士直達港珠澳大橋口岸.

比較完比東區人口前後三名的地區各有什麼直達口岸巴士, 可以見到東區直達深圳口岸的交通的確唔多.

家在東區的北上需求多與少, 其實同一般香港人無異, 因為大家都想趁假日短暫離開香港.

南下香港旅遊的需求, 對東區來講就著實不大, 但不能小看東區的潛力, 鰂魚涌海山樓係內地人來港必到打卡位, 電車必搭.

此建議中的B10港島首尾站為西灣河站, 有鐵路車站方便例如杏花邨 北角 鰂魚涌居民轉乘, 轉乘小巴上落耀東邨, 便利到港島東居民.

筲箕灣道有電車, 太安樓有香港出名的掃街文化, 太古城有大型商場大型公園近鰂魚涌, 可能仲有一些隱世秘景香港人冇留意到, B10帶動到呢方面的需求(港人怕搞壞東區就另作別論).

假設巴士公司派車係用九巴V6B/城巴88系, 有行李架雙輪椅位, 座位82個, 即使係派12.8米車, 座位92個, 開30分鐘一班, 一小時最多184人(假設冇人企).

以一個沒有直車到北上口岸的大區計, 一小時184人利用直車北上, 五小時仍未過1000人.

東區北上數來數去最方便就係東鐵綫羅湖 落馬洲站 , 但一到周末 節假日, 呢兩個站香港居民出入境人次都係100,000左右, 當中應該不乏來自此建議的B10東區覆蓋範圍.

如果東區有大巴直接連接香園圍口岸, 只要漏走部份利用羅湖 福田口岸的旅客用蓮塘過境, 加上到蓮塘口岸消費亦正崛起, 需求係存在.

就以7月8日(星期六)和7月9日(星期日)的出入境數據, 利用落馬洲支線及羅湖的香港居民(下稱「港人」)出入境總人次作計算:

8/7 港人出境143,560 / 港人入境102,235
9/7 港人出境103,758 / 港人入境149,754

以東區佔全港人口比例為7.144%計算, 假設過境人數比例相同, 東區「港人」過境數字大約如下:

8/7 港人出境10,255 / 港人入境7,303
9/7 港人出境7,412 / 港人入境10,698

在港人過境高峯提供30分鐘一班車, 以五小時巴士座位載客820/920人次計, 相對於上述估算數字, 只要有約12%本來利用羅湖/落馬洲站(或其他口岸)過境, 改用香園圍就能令巴士滿座.

北上交通選擇相對少的東區, 增闢新路線到新口岸發掘新蒲點, 唔係冇機會突圍.

建議中的B10不能直接服務整區所有人口, 套用到任何一區也是必然, 而途經於人口集中之處, 取道較直接的路線, 亦方便區內居民利用鐵路 小巴 巴士 電車等在首尾站乘車, 已經務使受眾人數最大化.

如果30分鐘一班過於理想, 可以在運作期間作出適度調整.

當然, 著眼於現實沒有香港市區-北上口岸的直達專利巴士路線的話, 本建議的確係如垃圾一樣, 沒有可取性, 不可能實現, 一切只流於空談.

EX-TL 發表於 2023-7-21 11:54
希望呢度回晒幾篇回覆:

鐵路係就係直接, 但不能擔保有位坐, 港島東距離各個口岸唔係近, 車程長, 冇位坐 ...

想問既然服務對象係港島東，點解要選擇性途經？杏花邨唔經都算，北角鰂魚涌康山呢D密集住宅區都唔去好難話服務港島東，只可以話服務部份港島東。
我知道你提過「港島首尾站為西灣河站, 有鐵路車站方便例如杏花邨 北角 鰂魚涌居民轉乘, 轉乘小巴上落耀東邨, 便利到港島東居民」，
但如果咁講，港島只停西灣河一個站已經足夠？鐵路都同樣方便筲箕灣 柴灣居民轉乘，巴士同樣方便柴西 小西灣居民轉乘。

你話「建議中的B10不能直接服務整區所有人口, 套用到任何一區也是必然」，唔係，A車E車就係盡量服務整區，除非好唔順路，
但港島東主要都係柴灣道、筲箕灣道、英皇道沿途直路，人口集中，路線上應該跟A12/NA12路線咁走，都好過不斷逆走又不便居民，
呢類休閒線坐得既一般都唔趕時間只想一程過，所以服務更多範圍無問題，不用私私縮縮不斷又上又落東廊。
另外就算開到，都唔覺巴公只會服務一區，如果行東隧肯定停觀九，一係停埋老銅灣中行西隧，情況等於B8咁做多區。

但現實咁講，我覺得以巴公角度，寧遠做中上灣銅都未必會揀港島東，睇A11就知。
我知你實會話港島東無乜「直達」北上口岸交通，但而家B8 B9都只係六日假階段，莫講話港島東，九龍/荃葵/中上灣銅都難啦。
而且B8同682本身都有轉乘優惠，轉一次車可以接受。

最後如果有得揀，我會揀大橋直出至港島B車，A車集中做機場客，香園圍都話總站上有位坐/企，但大橋上A車好多時機場已頂閘，人流源源不絕。
你話「往返澳門 珠海有經機場的A12, 駁多一程短途出入口岸, 車程大部份時間有位坐」，我想話你講得容易，實情係A12疏落、拎行李轉車不便、大橋上車困難、青嶼轉車亦不能擔保有座位，路途遙遠。

睇返現時網絡
東區要北上最直觀係金鐘轉東鐵
而且有兩個站揀

不過講返老問題
邊境B車點解無得出九龍香港市區
但當日W車要連繫咁多區
似乎高鐵比其他邊境更重要
但最後W線全部都唔上唔落