建議招標新線 B10柴灣康翠臺-香園圍口岸

106116_1023 發表於 2023-7-22 10:51
首先, 我既回覆中有提到應該參考A12/NA12行法先方便到居民，唔係小西灣至天后，不要紐解別人意思，更加唔 ...

現各口岸直巴路線一班有約五十個座位計算, 每一區只會選擇在人流密集及交通方便的地點停一至兩個站, 個人假設本建議用車會有82或92座, 停多幾個站, 能直接服務站附近的居民, 居民日常知道站位, 提高放假嘗試使用的機會.

我會參考直巴模式營運此B10線, 一個細區停一兩個站, 已經比直巴一個大區停一兩個站做多咗, 而你觀點係應該當成普通路線或A R線咁做, 就會令更東的地區車程優勢收窄, 降低效率.

A12係上世紀的定線, 即使曾經出現的跳站線P12亦已消失N年, 當年只做大型私苑-機場, 兩者參考價值不再, 今往返深圳消費不同於當年機場的需求, 車程縮短, 相應增加深港兩地旅客遊覽時間, 而機場線用途只係令你能準時到達機場登機或上班, 只是如今你可以話港珠澳需求同深圳口岸相同, 我就會認為A12走線套用在今日並非最理想.

閣下著眼(或居住)的鰂魚涌, 周末假日街上人流情況, 你一定比我更清楚, 故此我會選擇不經鰂魚涌, even海山樓有大量內地旅客會到訪.

利用東廊跳站做東隧以東地區, 比在柴斜和電車路停燈及站站停, 對距離口岸最遠的柴灣 小西灣車程上係有優勢, 本建議走線係取平衡, 盡量以最短車程做到最大舊客, 盡可能一小時內有得坐住往來口岸.

如果好似板友所講, 中環至鰂魚涌之間更值得做, 而我刻意唔做北角 鰂魚涌, 什至係鰂魚涌英皇道絕不會在本建議考慮之列, 板友其實可以另外建議, 由中環開出掃到鰂魚涌, 令北角 鰂魚涌做到一小時內直達口岸而又有位坐.

東區線出入東隧, 離不開用東廊西灣河或北角出入口, 要做埋太古大型屋苑而不失車程, 利用東廊跳過西灣河服務咗太古城 太古站先去番西灣河係絕對正常, 反而由小西灣經柴斜 電車路直到北角呢種82式走線, 或是606舊走線經電車路及116鰂魚涌總站調頭, 前者鰂魚涌難有大客, 兩者亦會因車程時間欠佳令柴灣 小西灣唾棄, 明顯得不償失.

畢竟, 這只是建議, 就如大部份板友所講, B線只會服務口岸與新界, 可能我諗到可以去到東區真係大錯特錯呢, 咁已經無需著意於東區走線.

qunow 發表於 2023-7-22 10:58
以口岸線的特點而言 個人認為東區的 北角至健康邨一帶 以及柴灣環翠邨一帶 是比較重要的客源地
建議走線 ...

如像其他板友所言, 中環至銅鑼灣更值得做的話, 開辦一條路線中環掃埋鰂魚涌先入東隧, 就能夠做到北角而車程會較吸引.

柴灣環翠邨車程不吸引問題, 其實已經在東區走線上作出取捨, 以東廊出入避開大量交通燈和巴士站, 途經主幹道亦不一定要站站停.

班次進取與否, 可以開得成的話, 才按當時實際需求作出檢討和適當調整也未遲.

EX-TL 發表於 2023-7-22 13:39
現各口岸直巴路線一班有約五十個座位計算, 每一區只會選擇在人流密集及交通方便的地點停一至兩個站, 個人 ...

如果直巴模式營運就唔好建議巴士營運啦，唔需要編號添，更加唔需要S形走線，例如柴灣一站、筲箕灣一站、太古一站、北角一站，要諗上車點同售票處個距離就真。
A12哪方面係上世紀定線？人地已經晨早就改左北角上橋，停埋個石塘咀2站就過海啦喎，車程咪一樣縮短左仲想點？
機場線用途只係準時？下？陸上交通可以點準時？咁點解北大直入機場？人地係SELL快，所以叫城巴機場快線，唔係城巴機場準時路線。
人地A12係做機場+部份港珠澳都需要大半個東區支撐，你建議的B10只係周末假日去一個口岸，哪來信心服務比A12更少的範圍？

東廊跳站只有閣下著眼(或居住)的小西灣和西灣河受惠，擺康翠臺總站，既無法服務山翠苑，興民都要走一段距離，康翠臺去到小西灣如果係西行已經到左筲箕灣，
再等到小西灣掉頭去番翠灣上東廊，如果係西行已經到左西灣河/太古，等到筲箕灣掉頭上番東廊到太古城西行已經過健康村，等到太古城自轉再塞下西行北角已經上橋啦，
其實有無慳到時間都成疑...

周末假日街上人流係唔關事，就算人流多都唔等於要去香園圍，問題在本身柴小特快去香園圍有幾大需求，
當然你有權建議，藍灣一站直去香園圍又得，西灣河一站直去香園圍又得，不過係咪真正服務到該區大多居民和時間上慳到成疑。
好啦唔再講走線，
我反而好唔明白你講既東鐵「車程長之餘, 亦不能擔保有座位」的意思，
正如我#19所講，金鐘係東鐵總站，無位可以坐下一班，再無位可以坐再下一班，唔通假日幾班車車頭到車尾都無一個位剩？唔係呀......
0遠你直接講「柴小要香園圍快車」好過...

106116_1023 發表於 2023-7-22 20:18
如果直巴模式營運就唔好建議巴士營運啦，唔需要編號添，更加唔需要S形走線，例如柴灣一站、筲箕灣一站、太 ...

明白110一役後對鰂魚涌英皇道有好大打擊, 所以我認同舊有路線應該繼續, 但新路線仲係咪必行該段路呢, 則有保留.

最主要係睇條線嘅服務時間同對象, 如果係繁時線, 服務他區客到鰂魚涌上班, 上下繁新線經該段路係必須, 因為客源真係充足.

而因為太古地產重建太古坊後, 樓宇高度和可建樓面普遍增加, 經鰂魚涌英皇道的繁時線客量仍然會繼續增長, 但熟悉鰂魚涌嘅都知道, 呢區住宅係純住宅, 商業係純上班用途, 商場欠奉, 而英皇道靠山邊只有極小量土地發展, 靠海嗰邊只得貼住電車路有住宅, 意味著一個事實就係上下班時間以外, 儼如死城一樣, 個別舖頭更不會營業.

康怡廣場位處康山道 英皇道, 通常巴士只能夠服務康怡或太古城中心其中一邊, 除咗上世紀的606, 可以來回程照顧晒兩邊, 利用西灣河出入東廊, 以前用兩軸車在假日係經常企人至頂閘, 但自從改經耀東連帶途經鰂魚涌, 風光不再, 更被配以兜路之名, 故以前走線係令人懷念, 亦替巴士公司唔抵, 606嘅嘢唔離題講.

110改線前, italk都大戰過幾百回, 極大部份意見圍繞渣華道同鰂魚涌英皇道, 而且反對居多, 我就係嗰極少數支持改線嘅, 最終改到線, 跳走康怡 鰂魚涌英皇道, 九龍方向兩度上東廊, 唔代表唔順路, 更唔代表唔夠客, 比較過改線前後客量和客量分佈, 就知道究竟真正多客/出到客係邊個小社區.

小西灣碌到北角上橋的A12, 同出名東區大流水的82走線近乎倒模, 你用途經82走線去同東廊跳站走法比較行車時間, 說服力其實好低, 東廊係快速公路, 前後燈位少, 冇其他巴士站, 而東廊只係一條街名, 上落幾多次唔係重點, 夠快嘅話上落多兩次追到時間都係值得.

既然而家巴士路線都係停緊康怡 太古城其中一邊, 停入太古城道可以用東廊出入避走筲箕灣道(南安里-海晏街之間), 深入太古城社區, 康怡花園經太古城中心搭到車.

講番鰂魚涌英皇道, 睇吓有冇機會重建麗池 模範邨 海X街呢啲舊樓, 只係得發展商揀靚門牌號碼去做單棟重建, 要夠人口真係有排等, 現況唔適宜新線行82 A12走線由頭走到尾, 除非係巴士公司競爭呢段流水客.

另外, 香港口岸的落後, 難以套用在深方, 除咗深圳灣口岸冇深圳地鐵, 羅湖 福田 皇崗 蓮塘深方都有地鐵直達, 蓮塘口岸自身亦開始被發展出一些消費機會, 反觀深圳灣口岸仍然只得幾間小店, 只靠巴士進出口岸, 離主要消費區不近, 發展需時, 暫時好處只係有直巴深入廣東省, 呢點在香港境內已有選擇, 其他口岸亦做到. 行香園圍有助於利用東鐵綫羅湖 落馬洲站過境的市民, 不用轉折, 安坐車中快捷到達口岸, 即使要再轉深鐵, 時間和金錢都能夠節省.

EX-TL 發表於 2023-7-23 11:35
另外, 香港口岸的落後, 難以套用在深方, 除咗深圳灣口岸冇深圳地鐵, 羅湖 福田 皇崗 蓮塘深方都有地鐵直達, ...

反建議，柴灣段跟82X，之後筲箕灣跟608P落橋，太古城跟720上橋，跟700繞經北角，西行跟A11東行跟舊A12至上環，西隧，青沙，沙田站，口岸終點站

總行車時間可能多10-20%左右，但客量點都肯定多過建議走線

如果怕東區真的不夠客, 要增加客源, 東隧轉車站有來自油塘北居民和將藍轉車客, 停大老山亦吸納到東九將軍澳小瀝源客, 無需要繞路去一處已經有足夠合理口岸服務的地區.

EX-TL 發表於 2023-7-23 11:22
明白110一役後對鰂魚涌英皇道有好大打擊, 所以我認同舊有路線應該繼續, 但新路線仲係咪必行該段路呢, 則 ...

睇黎真正原因比我講中左，就係「柴小要香園圍快車」，
當正香園圍假日口岸線係788,8P咁做，其實你都唔需一大堆無關既解說整色整水，
什麼距離口岸很遠、什麼車程長、什麼不能擔保有座位，其實實際上只係想要柴小香園圍快車，

距離口岸很遠，車程長，咁而家金鐘咪可以轉東鐵囉，都縮短左唔少車程；
不能擔保有座位，我已經講左幾次，金鐘係東鐵總站，無位可以坐下一班，再無位可以坐再下一班，
點會假日幾班車車頭到車尾都無一個位剩，做乜次次都唔肯回應？幾時先回應？
如果「不能擔保有座位」都成理由，咁柴小係咪要每個新市鎮、口岸都開條快線直去？

如果係做繁時線，或者去中環旺角CB呢種旺區，你柴小直上東廊無問題，
但係你只係假日線去香園圍，哪來信心比A12服務更少的範圍？

你接受唔到小西灣碌到北角上橋的A12，巴公咪已經比左780,788轉乘A11/12囉，唔通要北角逆走小西灣尾站直去機場你先開心？
熟悉小西灣嘅都知道, 呢區住宅係純住宅，一係就學校，柴東工業區係純上班用途，唔通一出小西灣已經頂閘？
正常柴小直出東廊過海係OK，但不是你建議的極級S型逆走線，你用82速度形容說服力好低，你建議的B10會唔會好似82咁站站落客+上區內客？

正如#24我所講，康翠臺開如果唔係你建議的逆走小西灣而係西行，其實已經出到筲箕灣甚至文娛，
加上小西灣自轉同筲箕灣自轉仲有太古城圈內塞，太安樓久唔久又塞，西行都到北角，就算你3上3落東廊，面表上好似好快，但實際慳到幾多？
都未講太古城道係私家路...

不過我都係想你先回應點解東鐵「不能擔保有座位」都成理由？金鐘係總站喎...

EX-TL 發表於 2023-7-23 12:22
如果怕東區真的不夠客, 要增加客源, 東隧轉車站有來自油塘北居民和將藍轉車客, 停大老山亦吸納到東九將軍澳 ...

哇~講到第3版而家先話怕不夠客？你明明話A12係上世紀定線，所以要柴小太西直去香園圍個喎，而家就擔心不夠客，好矛盾。
你之前唔係用長篇解說左你建議既服務地方係人口密集的社區咩？點會不夠客？

本身行東隧都會停東隧轉車站架啦，說不上增加客源...
如果要做將軍澳客本身已經有798轉乘B8。
日出？萬一miss左班車就要乘客企轉車站30-60分鐘？
吸納到東九客？你已經講左觀塘有深圳灣皇崗直巴，仲有隨時大老山等30-60。

其實東區大多地方坐鐵去金鐘轉一次東鐵北上都方便，
你話無需要繞路去一處已經有足夠合理口岸服務的地區，
咁不如只做小西灣、耀東同寶馬山.......不過你又會嫌兜，好矛盾。