圍方未來會否取代新城市既地位？？

新城市廣場一直都走高檔路線，以區外客為主，點解你覺得佢曾經係平民場？比如話八百伴Ｏ岩O岩開果陣就係高檔野。噴水池當年更加係高檔商場既象徵。

當高檔野慢慢變平民，咪轉移去外圍既平民場。

始終要睇佢long-term開咩舖，如果好似the lohas咁......

andy92 發表於 2023-7-23 02:28
新城市始終有一田，點都支持到人流

與其話取代，不如話分流仲好

好彩Donki最終無入圍方咋，否則一田真係會無乜人行
新城市本身都算迫，除咗中央通道之外，好多通道都好窄，又無乜位坐，呢點圍方係完勝
洗手間暫時睇落圍方等候時間較短，見親新城市嘅女廁門外都有長龍，我諗對女性顧客嚟講都係一個吸引因素嚟
圍方嘅寵物活動空間似乎亦比新城市好

始終新城市一家獨大太耐，係時候引入競爭，等佢唔好一面倒向陸客傾斜，而忽略咗顧客需要同顧客體驗

busnrail_fans 發表於 2023-7-24 17:36
反而調返轉諗，會唔會因為圍方直通八爪魚橋嘅關係，會引到啲人行完圍方之後會走入去行下？ ...

你試過條扶手梯之後，都未必想下下入圍方再去大圍站B出口
早排見過有人企響梯底攔住啲客派傳單，但果個位唔知係咪三不管，無人趕

Toz 發表於 2023-7-27 00:04
新城市廣場一直都走高檔路線，以區外客為主，點解你覺得佢曾經係平民場？比如話八百伴Ｏ岩O岩開果陣就係高 ...

八百伴當年響日本係低檔嘢，係無人肯嚟新城市開檔，後來佢肯嚟，幾年間成功響香港發展
我就唔覺得佢有幾高檔啦，佢就算當年響香港都同大丸三越東急有一段距離

咁以後新城市唔會塞車了

jpoon 發表於 2023-7-30 00:54
八百伴當年響日本係低檔嘢，係無人肯嚟新城市開檔，後來佢肯嚟，幾年間成功響香港發展
我就唔覺得佢有幾 ...

你唔覺唔代表佢定位唔係高檔喎。當年八佰伴個價錢就好高檔。

如果新城市係平民場，八十年代係平民場室內起個噴水池，貪得意? 唔見信和起一個？唔見德福起一個? 唔見南豐中心同綠楊新村起一個?

諗下新城市火車站果層有幾大既空間無出租? 全層都要開冷氣喎。當年邊個平民場同你咁樣搞? 公屋果d場賺唔賺錢根本無所謂，都無咁大空間。


一話你以為香港係八十年代發展好慢? 九十年代唔少新場有噴水池就代表八十年代噴水池好平民?

Toz 發表於 2023-8-3 00:24
你唔覺唔代表佢定位唔係高檔喎。當年八佰伴個價錢就好高檔。

如果新城市係平民場，八十年代係平民場室內 ...

新城市仲要係一起就有兩個，我諗呢度應該無咩人記得地下個層有羅馬噴泉
另外高層平台花園無記錯係有水景設施嘅

Toz 發表於 2023-8-3 00:24
你唔覺唔代表佢定位唔係高檔喎。當年八佰伴個價錢就好高檔。

如果新城市係平民場，八十年代係平民場室內 ...

細細個去八佰伴﹐一定去玩具部睇火車。
**符合年代的人﹐一定知道講緊乜。

出面邊有玩具店有火車你睇


至於八佰伴在香港是否高檔?
對比銅鑼灣咪唔算囉﹐但係當年在沙田﹑甚至成個新界東﹐一定係最高檔次。

或者佢都講得都正確﹐八記在日本真係比較低檔。
新城市想搵日式百貨時﹐真係無其他公司想在沙田這個非購物區開店。
所以八記就入主新城市。

但投資香港﹐可以同日本的路線係唔同的。
日本較低檔次﹐來到香港(特別係當年的沙田)就會變成高檔次。

kei_hk 發表於 2023-8-4 09:46
細細個去八佰伴﹐一定去玩具部睇火車。
**符合年代的人﹐一定知道講緊乜。

先進地方嘅低級商場品牌去到新興市場就自動升呢，我想領展都係。領展在深圳唔再係屋邨商場。