城巴22R將於明天起變成免費服務(另增設3條免費穿梭巴士線)

kei_hk 發表於 2023-8-9 09:47
我又唔信城巴無能力短時間內增加電子支付設備。

當有流動八達通機的出現﹐一樣可以整流動電子支付機。

實體車票嘅概念，本質係將交易流程騰前，都係要有一定時間去做交易嘅（在船上買飛？落船先買飛？自行網上買飛，以QR code登車？）。我覺得實體車票可以同八達通自助售賣機結合，乘客可以揀買八達通（包括各類以八達通為載體嘅day pass）定買單程飛。

kei_hk 發表於 2023-8-9 10:00
派巴士代用券就已經解決到問題

以玩遊輪的收費/碼頭的泊岸費﹐船公司/碼頭為每個客支付十幾廿蚊﹐算乜鬼 ...

我覺得更有可能唔系派代用券，而系船公司派預先儲值的八達通給旅客

如果話要預印代用券給旅客，要和巴士公司要去交接，並且去傾後續碼頭/船公司和巴士公司結算個安排
還不如直接派遊客版八達通給旅客更加實際

sunhoo 發表於 2023-8-9 09:04
搬高鐵站果款八達通自助售賣機來啟碼。果部機收信用卡；加多幾部機係可行；完美配合巴士公司已有嘅車外流 ...

搞咁多嘢做咩，根本就應該就碼頭營運商同船公司提供免費接駁服務，仲去諗咁多點收錢做咩呢

sunhoo 發表於 2023-8-9 10:58
實體車票嘅概念，本質係將交易流程騰前，都係要有一定時間去做交易嘅（在船上買飛？落船先買飛？自行網上 ...

其實落船 > 禁區 > 非禁區﹐點都經過唔少關口﹐一定有機會派乘車券給旅客的。

正如我上面所講﹐幾十蚊車費對碼頭/船公司﹐邊算係成本。
送給旅客/旅客落船遊的收費包埋﹐根本不成問題。

現在目的﹐只係盡快送班旅客離開碼頭﹐同埋方便返回碼頭登船離港。


ps. apple pay/華為pay﹐都有旅客版的八達通apps的。

08x200-201 發表於 2023-8-9 11:03
我覺得更有可能唔系派代用券，而系船公司派預先儲值的八達通給旅客

如果話要預印代用券給旅客，要和巴士 ...

為旅客提供八達通﹐係唔係登船時會收番?
同埋﹐儲值額又點計?

這樣都係有後續的人手處理。


反而﹐乘車券來得實際。
今次可能真係印唔切﹐之後就有足夠時間做好準備﹐用代用券方式處理。

乘車券﹐仲可以係一大張紙(甚至成本書)﹐加入旅遊簡介﹑商店廣告﹑商店優惠券。
旅客自己撕出需要的乘車券/商戶優惠券。

今日到的士供過於求入去等客
似乎之後有50蚊油劵都少人入
巴士做飽佢

kay 發表於 2023-8-9 12:03
今日到的士供過於求入去等客
似乎之後有50蚊油劵都少人入
巴士做飽佢

今日似乎巴士都唔係好好客

節錄

沈鳳君表示，今早在郵輪碼頭提供22R線免費服巴士，來往郵輪碼頭至啟德港鐵站，截至10半開出10班車接載290名乘客，而增設3條免費穿梭巴士路綫，前往尖沙咀、港島及旺角等多個熱門旅遊地點；到10點半共開出8班車，並已派發287張的士現金券。 城巴今日起提供22R線免費服務，上午9時15分至11時45分，每6-8分鐘一班車，由郵輪碼頭不停站開往啟德站；旅客出口設有指示牌，提示旅客乘客方向。現場所見，乘坐22R的旅客不多，經常出現車等人的情況，不過原有巴士線22及22M由於班次較疏落，較多市民候車。

原文網址：https://www.881903.com/news2/local/2497428

tkglobe 發表於 2023-8-9 11:09
搞咁多嘢做咩，根本就應該就碼頭營運商同船公司提供免費接駁服務，仲去諗咁多點收錢做咩呢
...

你鼓勵遊客買八達通，遊客搭完呢程車之後，在離港前搭更多程公共交通工具嘅意願，多過你只俾遊客單程飛。

另一邊……八達通都有消費功能，但係遊客消費意願就唔受有無八達通在手影響。

的士幾十部沖曬入去攞油券，巴士又冇乜人搭，咁其實啲遊客去咗邊？

nokia 發表於 2023-8-9 12:47
的士幾十部沖曬入去攞油券，巴士又冇乜人搭，咁其實啲遊客去咗邊？

愚問﹐隻船係唔係連續停幾日?

如果係﹐可能集中晒頭一兩天登岸﹐今天仲想登岸的人就減少了。
或者受之前一兩天的經驗﹐唔想再登岸。