路線 B8 21/8 平日尾車旺場

不少議員爭取路線 B8 提供平日服務，亦見有簽名活動。今日 21/8 首日加開暑期回程服務，見尾車及尾二車客量都唔差，希望盡快提供恆常平日雙向服務。

應該暑假先係咁
開咗學平日客量可能冇暑假咁好

見 B8 搭客都係成年人多，亦不乏長者，暑假因素唔知係咪咁大。

tonio 發表於 2023-8-21 23:11
見 B8 搭客都係成年人多，亦不乏長者，暑假因素唔知係咪咁大。

有無可能貪直車直達口岸？畢竟唔需要粉嶺轉B7

08x200-201 發表於 2023-8-21 23:44
有無可能貪直車直達口岸？畢竟唔需要粉嶺轉B7

我覺得這個是原因，而且東鐵過境收費高昂，新界東居民多了一個便宜北上選擇，B8自然多人坐。

想每日服務，至少改下線行吓超級城，新城市依啲核心地區，再講相中都幾多窿位應該唔會好好賺。B8沿線住宅區咪真係得指定時段會有客，其他時段分分鐘載空係倒蝕轉頭

目測尾車雙人位大部分都坐足兩個，至於尾二車張相，就翠怡花園及大埔舊墟遊樂場既客都落左車。所謂核心地區，大埔超級城果邊係咪真係多客過行廣福道？而家走線寶鄉街落客及廣福道上客都好多人，去大埔中心一帶都係步程範圍；而沙田走線方面，行唔近東鐵站既地方，無咁易俾鐵路搶客，亦做到分工，方便住得唔近東鐵站既街坊。

Jamesho81 發表於 2023-8-22 00:50
想每日服務，至少改下線行吓超級城，新城市依啲核心地區，再講相中都幾多窿位應該唔會好好賺。B8沿線住宅區 ...

大埔墟本身都嘔得出客，係大埔多客位之一
唔想兜路之下好難又經大埔墟又經超級城

tonio 發表於 2023-8-22 01:12
目測尾車雙人位大部分都坐足兩個，至於尾二車張相，就翠怡花園及大埔舊墟遊樂場既客都落左車。所謂核心地區 ...

成個沙田最易吸過境客就係新城市，問題係鐵仔唔想佢啲客俾人吸走。你有心留意下一日有幾多大陸客走去新城市走名牌水貨就知。再講鐵仔收成三十蚊車費，巴士收十幾蚊你話冇競爭力就假啦

kmb71k 發表於 2023-8-22 01:15
大埔墟本身都嘔得出客，係大埔多客位之一
唔想兜路之下好難又經大埔墟又經超級城
...

其實最完美係大埔同沙田各自一線，係因為避免鐵路競爭力減低先搞到沙田同大埔走埋同一架車，仲要人口最密集嘅地區全部唔經，得假日服務。意圖都好明顯，打從一開始B8嘅劃線就係想佢唔好搞到東鐵，唔好俾隻老鼠入米缸，咩各自分工乜都假，就係條線做唔起等啲人知難而退