商場管理學會提議政府推出夜間公共交通票價優惠

為鼓勵市民夜間出行，學會提議政府推出夜間公共交通票價優惠措施，以增加夜間購物的吸引力，如設定夜間優惠票價或發放乘車優惠券，降低市民前往商場的交通成本，從而鼓勵更多人參與夜間經濟活動。此外，政府還可以考慮根據不同時段制定交通價格，例如在夜間時段降低票價，變相鼓勵更多人選擇在夜間使用公共交通，進一步促進夜間經濟的發展。

https://www.am730.com.hk/%E6%9C%AC%E5%9C%B0/%E5%A4%9C%E5%B8%82%E7%B6%93%E6%BF%9F-%E6%93%9A%E5%A0%B1%E6%94%BF%E5%BA%9C%E5%80%A1%E5%BB%B6%E9%95%B7%E5%95%86%E5%A0%B4%E7%87%9F%E6%A5%AD%E6%99%82%E9%96%93-%E5%A4%9A%E9%96%93%E5%9C%B0%E7%94%A2%E5%95%86%E6%94%AF%E6%8C%81-%E5%AD%B8%E6%9C%83%E4%BF%83%E6%8F%90%E4%BE%9B%E5%A4%9C%E9%96%93%E4%BA%A4%E9%80%9A%E5%84%AA%E6%83%A0/395629
來源：am730

三隻字: 誰付帳
夜晚連機場A線都唔係每條/
兩個方向都多客,普遍民眾都唔會睇住
過咗某時段交通費較低,而特意較夜歸家

上屆正苦發明了晚六點後禁堂食
現在求仁得仁了吧

上年6月九巴都搞過晚間新界各區出市區車費折扣

催谷后半夜經濟，有機會只係將前半夜嘅生意額搬去後半夜。而家前半夜已經係旺場嘅，其實只要全日生意額有增長，點解一定咁看重生意發生在日間定夜晚，前半夜定後半夜？

old news，之前某地區page share過呢單嘢

kitarolo 發表於 2023-9-6 13:22
三隻字: 誰付帳
夜晚連機場A線都唔係每條/
兩個方向都多客,普遍民眾都唔會睇住

仲要晚市禁堂食一攪就攪咗三年，去到上年年尾先取消

d人已經習慣約早咗人食飯，餐廳亦都因為咁收早咗，好難叫返人食夜d

如果話商場/巴士公司自己基於市場競爭提供票價優惠或者提供乘車coupon（例如買滿幾多送增票），可以話是順應需求而為
但是call政府去做就無必要
搞活夜市，唔系事事都要依靠政府的，商界唔拿d甜頭鼓勵晚上出門消費，邊會有人show你

sunhoo 發表於 2023-9-6 13:46
催谷后半夜經濟，有機會只係將前半夜嘅生意額搬去後半夜。而家前半夜已經係旺場嘅，其實只要全日生意額有增 ...

高齡海嘯嘅影響大遠比移民潮嚴重
越來越多人夠年齡拿福利,雖然法例
無話唔准中年或更年長夜生活,但機率
一定低咗,該年齡層亦傾向儲蓄多於非
必需嘅消費,正苦想嘅似乎係飲食零售
唔好太早關店,否則交唔起租結業收場
差餉利得等稅收下跌,先至咁關注。

kitarolo 發表於 2023-9-6 14:37
高齡海嘯嘅影響大遠比移民潮嚴重
越來越多人夠年齡拿福利,雖然法例
無話唔准中年或更年長夜生活,但機率

我嘅觀察係現時旺角/銅鑼灣等區，前半夜已經旺場，無必要太過介意後半夜人潮變得疏落囖。全日來計生意已經唔算少。

sunhoo 發表於 2023-9-6 13:46
催谷后半夜經濟，有機會只係將前半夜嘅生意額搬去後半夜。而家前半夜已經係旺場嘅，其實只要全日生意額有增 ...

根本係大家未有太大意欲出夜街﹐商戶又因為成本及人手問題﹐唔係太願意夜關門﹐2者互相有關連。

政府其實吹下水﹐商界自然識得配合。
政府係要做D野﹐但現在真係做得多左/太形象化﹐用到2個司長級官員去攪這些事。


政府及大地產商﹐現時要做的就係製造 "夜景點"﹐令到大家有出夜街的誘因。
例如花燈會﹑黃昏開始的晚間市集.....


商家(戶)見到有人流﹐就自然識得慢慢延長營業時間。
夜市才會慢慢復甦。


剛剛新聞講﹐下周四開始大攪夜市。
希望政府真係長期攪﹐起碼一直谷到農曆新年﹐等大家習慣再出夜街﹐達到夜市自然地復甦。

如果有頭威無尾勢﹐就真係成效好有限。