司機在巴士站準備開車唔再開門俾亞婆上車係唔係錯?

timewater 發表於 2023-9-13 13:48
有時巴士班次勁疏, 例如30分鐘一班。一遲5秒就要等30分鐘, 就會好麻煩。老人家未必可以企都30分鐘。

如 ...

如果搭的士免費，好多野都唔駛煩添，問題就係社會資源就係有限，巴士都只能夠係跟需求制定班次同按時間表開車。

等多人五秒，出於人情，冇問題，唔大幅影響車程下亦都係司機個人選擇；無論佢點樣揀，理應都係唔應該受到道德譴責。而呢件事上，只要個司機冇受到工作上嘅任何處分，我又唔覺得上網比人公審係咩野大件事，最少個司機冇少到條毛。如果真係因而處分，社會意見亦會反彈幫番個司機都唔出奇。

調番轉睇，當你等人五秒，前面N個站就大家一齊等多五秒，前面站可能等左好耐嘅另一個阿婆都一樣要等耐左車。大家都只能喺公平同人情之間做平衡同取捨。

等多個阿婆可以講到班車會大幅延遲，不過都不意外，巴士迷想像力係豐富啲
但現實所見唔少巴士司機心態都係好似同乘客有仇咁
所以除非係有人排隊上緊車，而又有足夠人數拖延時間，否則如果架車已經埋咗站我都唔會追車，費時做咗個司機嘅玩具

timewater 發表於 2023-9-13 13:48
有時巴士班次勁疏, 例如30分鐘一班。一遲5秒就要等30分鐘, 就會好麻煩。老人家未必可以企都30分鐘。

如 ...

真心？  好多時見到追車人追嗰架係密到痴線嘅車....

完全唔關班次事
港鐵夠密啦 咪又係追追追

又有好多追車人 追完追唔到都係走去第二度等車....根本佢係咪好需要呢5秒鐘呢？
有堆人只係為追而追   （當）睇唔到架車咪好地地囉

Ohm 發表於 2023-9-13 14:32
等多個阿婆可以講到班車會大幅延遲，不過都不意外，巴士迷想像力係豐富啲
但現實所見唔少巴士司機心態都係 ...

呢啲唔係想像力 係事實......
（你要證實 都總有方法證實 只要巧合地前面或後面有條同你相近路線嘅車，過多幾個站睇兩車差距就會知道，而且宜家仲有呢度版友好推祟既eta系統，btw我個人就信眼見多過eta）

不過 可以話大幅延遲左，亦都有可能係冇延遲 甚至等唔等最後下一盞燈都係咁樣

但唔代表要咁樣去搏 因為點計條數都唔會等呢位阿婆而快左




最慘係  你都唔知個阿婆有冇搭啱車....試過追完點知原來上錯車.....或者追嚟只係為問路呢？

Ohm 發表於 2023-9-13 14:32
等多個阿婆可以講到班車會大幅延遲，不過都不意外，巴士迷想像力係豐富啲
但現實所見唔少巴士司機心態都係 ...

有時候唔係你諗既幾秒咁簡單
個人經驗
做某循環線 , 等人等幾秒 , 之後送燈尾 , 加1分幾鐘
之後每個站越黎越多人 , 上落用多左時間 , 最後成程車可以用多5分鐘以上
仲要有時等完一個又一個, 根本班$2 搭咩車都得 係要追你咋嘛

sai_chung 發表於 2023-9-13 16:51
有時候唔係你諗既幾秒咁簡單
個人經驗
做某循環線 , 等人等幾秒 , 之後送燈尾 , 加1分幾鐘

好同意。

有次搭280x個司機本身已經開得好慢。
關門離站開行一小段，有個阿婆追車，佢竟然急刹重新開門停比佢上。
車內有人行緊樓梯上樓上即刻跌一跌。
跟住有聽到後面有車響安。

最後因為等個阿婆慢慢上車，結果過唔到跟住盞燈，打後幾盞全部唔順。

返到入沙田，前車早我地45分鐘已到總站。

Ohm 發表於 2023-9-13 14:32
等多個阿婆可以講到班車會大幅延遲，不過都不意外，巴士迷想像力係豐富啲
但現實所見唔少巴士司機心態都係 ...

先生小姐，咁你有沒有諗下等埋果個婆上左車後安全地坐埋位或者安全上車，所需要的時間係係幾耐，仲未計阿婆拎錢出來的時間，普通人年青人司機話X知佢就會無人嘈唔理佢安唔安全先開車，但阿婆就需要照顧埋呢D位，4X又唔係成個區得佢一條線，仲有其他選擇，有4，7同91，閣下有沒有企係司機或其他乘客角度將心比己呀…模範正義超人，有沒有諗過司機因為有機會遲少少俾人剷到飛起，疏車線好似76K，73或51，我會支持，但係疏車大家會心中有數咁去預時間等，而唔去追車囉…

遊戲規則問題，曾經有卡佬有做過紅Van，佢自己都話轉左揸巴士，唔係做自己生意就唔會有誘因等
加上新記留落嚟啲線，本身就唔夠時間行，司機就得咁多，等吓等吓佢連4分鐘內跑去廁所跑返返黎上客嘅時間都冇；想等就真係改變左成個行業生態後發現，個個都好好人會等，但好似老九咁班次又脫晒班。