九巴89減班

castanopsis 發表於 2023-10-2 08:19
同意89B點差都好，無理由拖89落水

反而問題係

而家十個煲五個蓋
有排都唔會排到去慈沙
況且就算89密但2F/3C疏
批客早就走得7788

當然線換線都仲可以
但先要慈雲山有線肯放
再加想要直車去沙田就第二件事

MCMoore 發表於 2023-10-3 12:25
公共交通優先，於道路使用效率同環保角度有咩唔啱先？

香港而家公共交通市占率90%，但係每九個搭緊公共交通嘅人就有一個因營運商hea做而受氣。綠色而可持續嘅交通工具唔係只有各類集體運輸，單車都係一類重要嘅形態。
所謂“破除公共交通依賴”，只係想令（包括電助力嘅）單車有翻少少生存空間，讓想踩單車嘅人（換句話講即係不滿公共交通服務嘅人）有呢個選項可揀。唔係話要提升私家車市占率，唔係話令包括電動單車在内嘅單車多到好似内地咁超出路面負荷。
假設利用經濟手段，精準調控單車市占率於10%，原本嘅公共交通市占率仍然會有80%。最唔滿意公共交通服務質素嘅果一成人多左選擇，處境好左；公共交通客流基礎又唔會大跌。
咁嘅交通生態先係健康嘅。

MCMoore 發表於 2023-10-3 12:59
慈雲山仲有幾多人咁神心轉今時今日班次嘅89

或者咁講，既然九巴放棄得89，咁開慈沙一定會抽89車，咁就全日直落20-30。而慈沙又肯定唔會密。

sunhoo 發表於 2023-10-3 13:36
香港而家公共交通市占率90%，但係每九個搭緊公共交通嘅人就有一個因營運商hea做而受氣。綠色而可持續嘅交 ...

九個有一個受氣係多定少？在個人角度黎睇根本就好少。你唔將理想數字落定義，你個討論完全落唔到去架喎。
照你咁講，單車要約公共交通90%市占率跌到落80%，問題係，係咪真係有呢11%人係可以用單車取代出行？新界區單車徑夠多就話得啫，市區你點搞？單車同巴士地鐵根本就完全唔comparable，你爭在未講埋行路架啫。
咩野精盡調控，咪同大陸一樣，講就兇狠，做就碌木咁囉，根本唔實際。

12Lane 發表於 2023-10-3 14:14
九個有一個受氣係多定少？在個人角度黎睇根本就好少。你唔將理想數字落定義，你個討論完全落唔到去架喎。 ...

香港市區無單車生存空間嘅呢套説法，我就覺得同台灣當局用“地狹人稠”去回應當地要求增加行人路嘅訴求一樣，係敷衍了事。曾經我地都覺得倫敦同紐約等車多人多嘅大城市都係無單車生存空間，但係而加點解又在無拓闊馬路嘅前提下做到呢？同理，香港市區唔係完全無單車生存空間，只係運輸署唔想去做。如果真心想做，就會好似國外先進城市咁揀幾條有條件嘅路出來做，唔係直接落閘話完全做唔到。

點解會由巴士扯到去單車咁遠？埋就係有版友唱出數個巴士hea做而居民受苦嘅地區囖。我就覺得，呢類地區嘅存在，唔係個別地區嘅問題，係香港整體交通生態嘅問題。香港嘅公共交通服務質素overall來講確實係世界級，但在香港内部始終會有服務相對較差嘅地區存在。在“集體運輸為唯一選項”嘅框架之内尋求解決有幾不易同要花費幾多社會成本，我地咁多年來有目共睹。跳出呢個框架，solution係埋就多好多？其實香港問題就係出在集體運輸獨大，其餘亦被國際認同為綠色可持續嘅交通形態（單車）被忽視左。見到香港以外嘅人有真正多元嘅交通工具可揀，唔使被逼受公共交通營辦商消極營運之氣，我真係好羡慕佢地。（當然，美國多數地方行緊汽車依賴嘅另一極端，的確唔理想。比較理想嘅係如其它國際先進城市咁，維持公共交通發達之下，比到單車呢類個體交通一定生存空間。）當然，在香港，唔係任何巴士或小巴hea做嘅地區單車都可以幫到手，例如山地。但係在平地，即使係市區，單車都應該有生存空間先啱。

如果講返89減班嘅影響地區，其實都有其它替代品，加之係山路，呢度唔會諗單車作為替代。市區邊度有空間容納單車，得閑另文討論。

sunhoo 發表於 2023-10-3 15:11
香港市區無單車生存空間嘅呢套説法，我就覺得同台灣當局用“地狹人稠”去回應當地要求增加行人路嘅訴求一 ...

你根本就係用一個完全唔合適嘅概念去套入一個討論入面，一來你自己都講左，89號呢類跨區線根本就唔係單車出行可以幫到手。

另外就係「真心想做」嘅問題，不如你自己開個post自己列晒外國有咩例子同埋在路權平衡上嘅取捨，好過一句「有心做就做到」空口講白話。

仲有，我完全唔認同咁多年來都係用集體運輸係唯一選項，新市鎮單車網絡已經算好完善，要踩單車嘅街坊一直都踩緊，你要諗嘅就係香港人嘅居住空間同埋單車停泊設施係咪真係足夠，呢度又係土地問題。算啦，扯得太遠。

你話山地唔適合，但香港最多就係山地，番工嘅人就係大部分都「攀山涉水」，喺你講要分流一成番工人士去踩單車嘅時候，分分鐘連一成原區（踩單車距離）就業嘅人都未必搵到，仲談何單車？

12Lane 發表於 2023-10-3 16:00
你根本就係用一個完全唔合適嘅概念去套入一個討論入面，一來你自己都講左，89號呢類跨區線根本就唔係單車 ...

我思考嘅角度係，香港現時咁多人嗌緊巴士或小巴服務不足，我地逐個case去睇，有無邊個係無其它公共交通合理替代而單車可以幫到手嘅？就呢個角度，得閑開新po吧。

tommy14D 發表於 2023-10-3 12:38
其實88真係收太平，不過招標冇辦法，213D就真係掠水

貴過80 80X 都已經貴啦, 213D 果啲直頭叫呃錢

henryfung1515 發表於 2023-10-3 14:02
或者咁講，既然九巴放棄得89，咁開慈沙一定會抽89車，咁就全日直落20-30。而慈沙又肯定唔會密。
...

果陣仲要吹到會開 89A

而家未開都唔會夠人車拆線

Mercer 發表於 2023-10-3 11:56
九龍 沙田 大圍 葵涌 青衣 荃灣
真係雜體cut 車去補貼月票果啲長途客, 咁同屎水有咩分別?
  ...

冇分別
其實個答案出曬嚟，唔關邊間公司事，亦未必太關補貼月票事
係按里數收費問題
荃葵青沙田大圍，呢啲全部最近九龍市區嘅新市鎮一定食曬
里數短但行車時間長，個零鐘一單但隨時10蚊都收唔到