岑智明: 9號風停露天段旅客滯留損港形象港鐵需檢討

點解唔係機管局檢討8號波9號波都畀咁多飛機降落？

jpoon 發表於 2023-10-16 03:22
點解唔係機管局檢討8號波9號波都畀咁多飛機降落？

因為飛機起飛降落從來都唔係睇掛幾多號波
你話因為機場太多人而要暫停降落都仲講得過去

我諗各位搞錯左個 focus。

9號本身唔係代表風力比8號強，而只係作為10號風球的預警，代表香港有受颶風威脅的危險。過往就有唔少案例，8號比9號強勁。

只不過因為韋森特港鐵瀨過嘢，港鐵單方面認為9號風球=戶外有風險，繼而一刀切9號停駛戶外路段。

但事實上，唔少公共設施（例如機場、青馬、深圳灣、貨櫃碼頭）都有自己嘅測風儀同氣象預測設備去判斷乜嘢時間要停駛停運，而唔係100%盲跟天文台。所以that's why會有前天台台長認為港鐵應該有責任去預測各站數據，而唔應該只rely on天文台信號。

另邊廂，天文台應該都要正式clarify下9號信號的用途，或者改革9號信號（例如將8/9分家，參考中国系統改為8號烈風或9號暴風信號），從而令9號風球真係比8號強。

天文台早就建議係機鐵沿線加風速計，好似機場咁密集監測風速。

EvilKo 發表於 2023-10-16 16:27
我諗各位搞錯左個 focus。

9號本身唔係代表風力比8號強，而只係作為10號風球的預警，代表香港有受颶風威脅 ...

9號一向都係10號預警，10號不一定可以提早通知，只要香港水域任何一處海平面風力實測達十二級就要掛。

硬係將9號當成一個比8號強既訊號，咁9號波本身一樣預警唔到。
暴風圈同颶風圈半徑一般得幾十公里，但變化好快，一個雨帶掃過黎，八級風即時變十二級風以上（過去幾次十號都有咁既現象，尤其山竹最明顯），根本無法提早預測。如果九號係用強度去定義，呢種情況下等於要直接跳過九號。

港鐵係9號下唔開車，唔係因為風更大，而係有機會吹颶風，天文台無為颶風級定上限，9號變10號果下，可以吹12級風，可以吹15級風。港鐵單憑天文台既訊息係無法判斷風險有幾大。中心風力亦不可以視為可靠數據（事實上一般都差10%以上），仲有最危險既陣風係無得估的。

EvilKo 發表於 2023-10-16 16:27
我諗各位搞錯左個 focus。

9號本身唔係代表風力比8號強，而只係作為10號風球的預警，代表香港有受颶風威脅 ...

恕off topic，估唔到要喺呢度要用另一個"身份"來發言：

現行的信號系統沿自1917年的信號改革，當時信號分為四個等級（後來才加入強風信號）：
戒備：熱帶氣旋有機會威脅香港，作為可能有烈風的預警，信號燈為白白白。相當於外國的Gale Watch或Tropical Storm Watch。
烈風：每小時34至63海里（每小時63至117公里），風力對市民有危險。相當於外國的Gale Warning或Tropical Storm Warning。
烈風增強：代表颶風臨近 (Hurricane is imminent)，信號燈為綠綠綠。相當於外國的Hurricane Watch。
颶風：每小時64海里或以上（每小時118公里或以上）可造成災難的風力，市民應已在安全的地方避險。相當於外國的Hurricane Warning。

而當時指的烈風(Gale)為每小時34至63海里(每小時63至117公里)，即相當於現時烈風至暴風。因此烈風增強信號（1917年為6號風球，1931年改編號為9號風球，一直沿用至今) 代表預測香港的烈風(烈風至暴風)的風力可能增強至颶風，是作為可能需要發出颶風警告(10號風球)的預警，因此，9號信號可理解成避災的最後提示，市民應找一個安全的地方暫避，直至危險解除。
因此如果有人提出要將9號風球改革為純暴風信號，其實代表那個人對整套風球系統的設計理念未夠透澈。不過有一點我贊同，就是天文台可多教育宣傳一下9號風球的作用和市民需注意的地方。

Toz 發表於 2023-10-16 23:26
9號一向都係10號預警，10號不一定可以提早通知，只要香港水域任何一處海平面風力實測達十二級就要掛。

硬 ...

同埋港鐵嘅core value就係安全、安全同埋安全（下刪幾萬字），連天條都有安全依兩個字眼，唔好話員工或contractor，普通市民唔多唔少都知港鐵core value係乜。

如你所講，九號風球喺現行警告制度下代表好有可能十號風球，而個十號風球係韋森特天鴿定山竹溫黛甚至更強級數係後話，自從韋森特嗰次有前科，九號風球露天段已經係high risk，照開車其實係抵觸晒港鐵core value，要放寬返咩咩行到尾站先停嘅建議根本係發夢，邊個港鐵員工夠膽提出嘅我諗佢收warning都似。如果有一次八號風球都搞到有冧樹整到全線行唔到車，唔擔保將來連八號風球露天段都唔開

雖則如此，香港好多打工仔迫不得已，八號風球冇得收工，要上九號先收到工，點知你收工想趕住返屋企時，港鐵露天段都一齊收工，返唔到屋企休息更加徬徨，冇得瞓一落返八號又要返工，一個唔好彩食正山竹嘅風，有得返屋企時，間屋爆晒窗入晒水，慘到呢。九號風球下，港鐵要點樣妥善安置返依班迫於無奈嘅乘客值得諗諗，至少露天段前最尾一個站（例如機場、荔景、荃灣西、彩虹）有足夠緊急配套同糧食服待滯留嘅乘客。

香港應該要學中國咁樣，天氣最高級警示就係紅色。紅色**警示就可以全市實行停工停課停市。

KG1428 發表於 2023-10-17 09:31
香港應該要學中國咁樣，天氣最高級警示就係紅色。紅色**警示就可以全市實行停工停課停市。 ...

今日最新報導：岑智明建議參考海外經驗，颱風下鐵路架空段20m/s-30m/s(72km/h-108km/h)風力限速行駛，30m/s或以上(108km/h或以上)停駛：
https://www.hk01.com/%E7%A4%BE%E6%9C%83%E6%96%B0%E8%81%9E/952047

tonyng 發表於 2023-10-17 10:56
今日最新報導：岑智明建議參考海外經驗，颱風下鐵路架空段20m/s-30m/s(72km/h-108km/h)風力限速行駛，30m ...

係坊間其他地方睇過，話類似建議係當初起LAR個陣，天文台有同地鐵提過但無被採納