建議重組城巴 20A 79P 79X

S3BL100 發表於 2023-10-19 20:43
其實全日計我好相信長沙灣商貿區需求都係大過填海區，79X 而家長沙灣最少客好大程度係因為兜到大家唔坐， ...

我又唔會認為非繁長沙灣需求一定比填海區優勝，非繁最重要的，始終只有旺角 + 太子 + 深水埗。奧運站 + 大角咀 + 南昌站非繁未必輸美孚 + 長沙灣。車程計，南行去旺角仍然係經南昌快過兜葵涌交匯處落美孚起碼 5 分鐘，北行就有機會打和。

而駁鐵需求計，南行一定遠比北行重要，因為北行好難夾 79X 班次，南行就完全唔同講法。我唔同意美孚站/荔枝角站可以取代南昌的角色，東涌綫加屯馬綫的組合，其實啱啱好補足東鐵綫不足的地區。過海計，美孚 --> 中環站 MTR 車程預計係 22 分鐘，南昌 --> 香港站 係 9 分鐘，兩者相差超過 10 分鐘，而且美孚轉鐵步行距離的確係長過南昌站，尤其是轉屯馬綫，觀感上東涌綫亦都係比起荃灣綫好得多。

暫時我會諗南行繼續做南昌駁鐵，青沙公路 --> 南昌 --> 欽州街 --> 荔枝角道 --> 彌敦道 --> 西九龍站。北行就 西九龍站 --> 彌敦道 --> 長沙灣道 --> 青山道 --> 青沙公路。不過就冇左南行插旗新公屋的戰略價值，但本身九巴南行都插左 2X 42 214，留比城巴的空間都相當有限。

另外，79P 冇必要屈返上西九龍站泊車，個人認為南行在北京道巴士站清客，北行尖碼開車，會方便私牌或者調走其他城巴路線，例如 790 796X 973，而且北行尖碼開車某程度上可以做到北行南昌站的駁鐵客，變成天星轉 79P，吸引力更勝一籌。

1181174166 發表於 2023-10-19 22:17
偏離現實，例如依家開緊25就話無可能落30之類？
又咁講唔頂閘唔加班都可以係現實，甚至所謂攬炒都係現實

咁但係已知框架下都仲有好多想像空間

路線建議不外乎三款：

1. 同署方既定框架相抵觸
2. 合乎框架但有其他未知因素，例如未知地區會有咩意見
3. 合乎框架，亦唔存在未知因素

淨係 2 同 3 都大把想像空間，就算有未知不確定因素都可以試下闖關。但 1 就提來都係嘥時間，唔會因為你提出就可以落實得到

可惜太多人以為提一D現實入面落實機會等於零既野好似好威，好似提出左來就得到精神勝利，但現實唔會因為你一個建議而改變，唔會因為你提出一個同現有框架抵觸既方案，現有框架就唔存在

版規都有話「實現機會偏低或開玩笑式建議」視作灌水

S3BL100 發表於 2023-10-19 20:43
其實全日計我好相信長沙灣商貿區需求都係大過填海區，79X 而家長沙灣最少客好大程度係因為兜到大家唔坐， ...

唔反對利用 79X 20A 重組善用長沙灣道流量，但全日計長沙灣商貿區需求係唔係大過填海區，其實都可圈可點

一來本身填海區係出緊一定客量，又要孭住一堆填海區 BBI，而且問題係改線（特別係招標線）可以改幾多嘅問題，亦即係所謂框架
有啲路線本身做開個個位唔可以隨便飛走，79X 當日改九龍區走線時，飛走海達總站都要塞個頭站係返南昌站

事實上南昌轉到嘅屯馬/東涌線，同美孚/荔枝角站轉到嘅地鐵線完全不同，後者轉乘紅線沿線往南油旺深水步 79X 已經做緊，過海嘅一早去左 78A 轉東鐵，轉乘效益相對低落

不如話，本身無太強烈理由飛走填海區/南昌站，要犧牲亦未輪到佢
反而客觀數據係長沙灣少人用（即便大家都知班客係兜走多過實際上完全無人用）呢段路縮減至繁忙時間服務係合理邏輯，而且本身長沙灣商貿區有名你叫商貿區，通勤客比起行街客我相信佔多唔少

同時甘泉街唔見得係兵家必爭之地，當日九巴都打算將 86A 轉循環會騰空站位出來，反而似係美孚無位擺車，所以新線都要去到甘泉街止步

S3BL100 發表於 2023-10-20 00:56
咁但係已知框架下都仲有好多想像空間

路線建議不外乎三款：

問題係
好似79X咁都爆到出嚟
所謂框架都係睇心情有無意放水

好似流量問題
近期咁多減班又係咪無得拎嚟用，或者倒轉有無得拎嚟用？

kay 發表於 2023-10-19 22:37
你呢D算唔算講一半唔講一半
睇圖

呢十幾年你活喺香港, 唔係唔知有樣嘢叫做"語言偽術"嘛, 我自己F1出文都識得用, 真正用意就係想受眾認同改去另一度服務人哋, 同時係可以令自己行車時間變得穩定, 並唔係行緊嗰度唔適宜再多巴士路線行走.

關於20A
反而諗有無可能趁佢客量依然低迷
放棄新蒲崗/晴朗一段路, 改行承啟道+13街
順便吞左條22M...

EX-TL 發表於 2023-10-20 09:33
呢十幾年你活喺香港, 唔係唔知有樣嘢叫做"語言偽術"嘛, 我自己F1出文都識得用, 真正用意就係想受眾認同改 ...

白紙黑字點都可信過吹水友自創理論或規則

我反而有一個玻璃球問題，就係79X如果同270B平行同方向，北行會唔會有機會執下死雞？！

1181174166 發表於 2023-10-20 07:20
問題係
好似79X咁都爆到出嚟
所謂框架都係睇心情有無意放水

好一句「睇心情有無意放水」「倒轉有無得拎嚟用」

咁不如你諗下，點解城巴搞搞下最後做到 795X 全日入彌敦道旺角油麻地段，79X 入長沙灣道，調返轉佢地想 78X 行出觀塘道但唔成功，只批 78C 假日？

又點解九巴咁耐以來都搞唔到其他線行長沙灣道深水埗段全日，甚至連呢個版大部分版友都同意應該行全段長沙灣道既 52X 265B 都要欽州街轉落荔枝角道？調返轉觀塘道批到 40P X42C 呢兩條分支線全日（嗱，畀晒提示）但 33B 又只批假日服務？

呢幾個例子之間有咩分別？不妨自己領會下