皇后山居民每朝大排長龍搭車 記者實測要排幾耐上車？

星島申訴王｜皇后山居民每朝大排長龍搭車 記者實測要排幾耐上車？ (stheadline.com)

早上繁忙時間約7時到達皇后山巴士總站，發現排隊人龍已排到巴士總站外，主要是等候78A巴士，目測人龍已超過200人。記者即場實測到底要排多久才能登車，結果大約10分鐘記者便能上巴士。雖然現場排隊人數有增無減，但巴士乘客郭同學表示，返學時間排隊等巴士人數眾多，但班次尚算頻密，一般等候時間不超過10分鐘。

星島今期又繼續講皇后山問題
繼續老生常談講班人依靠78A出城，好似成個城冇其他線咁
屎水講到自己好威威，自栩皇后山唯一中標巴士營辦商
但到今日都仲係妹仔大過主人婆
邨民繼續用腳投票去紅鬼78A
到底運吉幾時先會正視到個問題，了解到底邨民諗緊啲咩
點解其他線都係疏導唔到，係因為78X 79X要四個字半個鐘一班啲時間唔啱牙吖？定兩條線都去唔到班人想去嘅地方？

定係話開其實冇開放飛機呀？

56A昨天唔系話會加班咩

無野講就係度講皇后山

本身上繁多人鍾意保鐵，求穩定，所以接駁鐵路站嘅 78A 係一定多人搭。
78X 79X 上繁都講緊要企人，以服務範圍得四萬人嘅路線嚟講，你話唔符合居民要去嘅地方就絕對講唔過。

都係嗰句，213M 273 278K 288 呢啲，有邊條線唔多人？同區嘅區外線有邊條可以多過呢啲接駁路線？
不過，運輸署冇好好研究居民需求 / 居民實際要去咩地方係真，如果有研究，至少去上水嘅路線唔會係小巴路線。

asv98.kw131 發表於 2023-10-27 14:40
本身上繁多人鍾意保鐵，求穩定，所以接駁鐵路站嘅 78A 係一定多人搭。
78X 79X 上繁都講緊要企人，以服務範 ...

如果堅持一定要益小巴佬, 可能去大埔(工業村)或香園圍果條係小巴會比較合理
一係經粉巔去北區醫院, 但我覺得去口岸同醫院, 甚至係學校, 都唔係一個好選擇

78X 79X 無得入聯和墟，本身就已經難做

asv98.kw131 發表於 2023-10-27 14:40
本身上繁多人鍾意保鐵，求穩定，所以接駁鐵路站嘅 78A 係一定多人搭。
78X 79X 上繁都講緊要企人，以服務範 ...

皇后山要開小巴線
去聯和墟做下返學放學買餸就岩岩好

而唔係依家咁去上水轉乘大站
變相將跨區客倒埋落去

情況等於安達泰
如果搵條小巴主力做落彩虹果邊
結果一樣會係益智

就黎有56A搭番學喇  話俾同學仔聽都威啲...  不過家長就未必太滿意（個時間買番黎既金錢代價）

Ohm 發表於 2023-10-27 14:51
78X 79X 無得入聯和墟，本身就已經難做

其實做緊聯和墟嘅 278A 甚至係聯和墟去九龍西嘅 270C 270D 成績都唔係好靚 277X 非繁都係要靠粉嶺南客倉先得，主力做聯和墟嘅 673 平日非繁客量有得你睇。
雖然做沙頭角公路絕對唔會好好做，但係唔見得入埋聯和墟會令條線有能力去到繁時 10 - 15 分鐘一班。

其實54區同皇后山兩張標書，無論定線同人流估計，反映左運吉係有嚴重錯誤估算。
1）78X/79X/50/56 定線嚴重錯誤，辜勿論係保護既有營辦商定真係唔識劃線；垃圾走線對乘客吸引力一定減少；
2）以保鐵政策為首，根本無可能估算唔到78A/K54 呢類線嘅需求；而呢類「膽拖線」係呢組標嘅重中之中，無短線客量幫補，新營辦商點會為到數去維持其他服務？
3）所以十四鄉全組批出先係基本合理嘅投標

掉返轉講，以九巴地區服務咁穩健，有200人等條短途線都要等10分鐘，唔好講話賺唔賺，似乎都唔係好盡力擺車落去清呢條龍喎