顯徑邨全數出售後新聞報道名稱會否有改變？

雅寧苑由入伙day 1開始就改做出租公屋，按樓主嘅邏輯更需要改名

li1872903 發表於 2023-11-2 16:43
咁天利苑你會唔會仲當係公屋？

不如你講下有咩人咁在意屋苑個分類先

tkglobe 發表於 2023-11-2 17:04
天利苑收回係同邨安置，之後先再翻新，同顯徑邨唔同，你唔可能迫人哋唔買就要搬走

如果問新聞報道使唔使 ...

天利苑收回賣出同顯徑邨收回賣出本質係一樣，業主有權決定唔再租個單位比你，如果係唔容許嘅話就唔會有天利苑嘅出現

li1872903 發表於 2023-11-3 11:58
天利苑收回賣出同顯徑邨收回賣出本質係一樣，業主有權決定唔再租個單位比你，如果係唔容許嘅話就唔會有天 ...

有什麼誘因﹐房委會要收回相關出租單位﹐再賣番相關單位出去﹐以達成100%居住單位全數出賣?

如果無﹐就不用再講廢話。

kei_hk 發表於 2023-11-3 12:29
有什麼誘因﹐房委會要收回相關出租單位﹐再賣番相關單位出去﹐以達成100%居住單位全數出賣?

如果無﹐就 ...

有什麼誘因要將單位賣出？你就要問房委會點解要搞租者置其屋計劃，如果房委會係唔想賣埋未賣既單位就唔會將呢兩年收返既單位放響居屋比綠表人士購買，如果你問我就答你全數賣出房署就唔洗再參與屋邨管理事務全數交比居民決定，亦都可以幫政府減少支出，我睇唔到點解房委會係唔想全數出售租置單位

呢個討論混淆了幾件事，即「政府分類」、「傳媒稱呼」及「樓宇名稱」。

政府分類係「租置計劃屋邨」，涉及背後複雜歷史，個別單位性質各異。如啟鑽苑等從一開始就有分類，可以講個別座數時再細分。

傳媒稱呼做乜野好難控制，呢個係傳媒質素的問題，豪裝公屋佢應該查證清楚，係租置就講明租置。

樓宇名稱，如前人所述，牽涉大量法律文件及居民觀感，茲事體大，唔改好過。

li1872903 發表於 2023-11-3 14:15
有什麼誘因要將單位賣出？你就要問房委會點解要搞租者置其屋計劃，如果房委會係唔想賣埋未賣既單位就唔會 ...

唔知你係唔係忽略了前面 #5 提及的事﹐賣的只係住宅單位﹐一座公屋入面仲有非住宅單位的﹐例如昔日的互委會﹑議員辦事處﹐以至去到一些社區設置(eg. 幼稚園﹑日間老人中心....)。

就算你見唔到這些設置﹐地下一層你見乜都無﹐只係無間牆兼未有特定用途﹐其實都係一個個的非住宅單位。
有需要就可以間牆做番XX辦事處﹑XX老人中心.....。


既然無可能賣晒出去﹐這些業權都係房署﹐房署的責任都係走唔甩。

即係﹐繼續為這堆非住宅交管理費﹐繼續派1位代表去屋村的業主會。
賣唔賣晒住宅單位﹐都唔會改變這個安排。


你講的誘因﹐就完全不成立了。
根本慳唔到錢﹐亦慳唔到所謂的屋村管理事務。
註 : 房署自己做屋村管理的成本﹐仲貴過為每個單位交管理費

仲有你未必知道﹐就係賣左的住宅單位﹐房署依然對相關單位有管理事務。
最多人知的﹐就係單位買賣及補地價。
無乜人知的﹐就係同居屋一樣﹐大廈結構唔係由屋宇署負責﹐係由房署負責。
連帶昔日賣給領匯(現稱: 領展)的商業樓字﹐都係由房署負責的。

所以﹐你話唔需要再參與屋村管理﹐其實係錯的。

kei_hk 發表於 2023-11-3 14:54
唔知你係唔係忽略了前面 #5 提及的事﹐賣的只係住宅單位﹐一座公屋入面仲有非住宅單位的﹐例如昔日的互委 ...

到底租置計畫最終目的係乜嘢？如果房委會唔係想將單位全部出售咁點解唔停止再出售單位而係每年都翻新收回單位再推出綠表市場？

del

DIH 發表於 2023-11-3 14:51
呢個討論混淆了幾件事，即「政府分類」、「傳媒稱呼」及「樓宇名稱」。

政府分類係「租置計劃屋邨」，涉及 ...

我發覺而家好多傳媒都誇大報道吸引人去睇，之前有好多單新聞話有人豪花過百萬去裝修公屋單位，正常人會諗點解住公屋會用咁多錢裝修，又好多人鬧佢咁有錢霸住間公屋，點知原來係租置單位，即係佢用1千萬裝修都冇人管到，但同樣新聞如果係居屋或者私樓就冇人會理，唔會有人鬧個業主咁有錢仲霸住間私樓架嘛，到底呢啲傳媒居心何在？