九巴84M、284減班

12Lane 發表於 2023-11-15 10:02
40分變番30分鐘一班82K叫「做好區內客」？而家85A都25分班啦你真係講經。
又當幾分鐘一班803/804係死嘅？ ...

請問新田圍有其他替代品嗎？803 804 同鐵入到邨嗎？

點解我話想做好區內客就不如加密返 82K？正正就係新田圍。85A 都做到但站位明顯差過 82K 唔少，82K 仲可以方便埋往來同樣無鐵既美林，區內運輸角度好明顯比起 85A 有用

同埋你知唔知點解 82K 會出現 40 分一班？唔係因為無客，本身由火炭搬去黃泥頭果期起初係三部車開 30 分一班，係之後加時，45 分鐘唔夠跑，又要按新指引加休息時間，唔加車咪 30 變 35，然後 35 變 40 囉。論客量，分分鐘而家 85A 同 89B 都差過佢

唔止係起唔起死回生問題，而係開 25 定 40 都一定差過定點 30 分一班。十年前施將軍果期已經明白呢個道理，雙位數班次一定要除得盡 60，所以當年 14X 開線點都要死多部車畀佢 40 變 30，係後尾摒棄左呢個原則越搞越衰。當年所謂定點班次根本唔會同你玩 25，一係 20 一係 30，頭尾幾班除外

由得班客等 40 分一班車就真係唔見得有幾好

1181174166 發表於 2023-11-15 10:06
唔畫bus zone隊條密車線落啲流量路段就係拖哂卡咁
亦都因為流量問題又爆唔到條幹線出嚟

我同你講緊既係邏輯問題，bus zone 同有幾多條線重疊緊，根本係兩個問題，風馬牛不相及

大路組合，正常乘客都會想唔需要預時間，< 10 分鐘之內有車，而唔係 25 分鐘來三架車，唔知點等

S3BL100 發表於 2023-11-15 12:03
請問新田圍有其他替代品嗎？803 804 同鐵入到邨嗎？

點解我話想做好區內客就不如加密返 82K？正正就係新 ...

哦，原來只係為左新田圍，281又唔計？
咁新田圍又關85A咩事？
我係回應緊你cut 85A加82K喎，沿途其他客又死嘅？唔好轉移視線啦，喺道講咩40同25都衰過30？合併係由40+25變左一架30喎，整體班次足足少左一半，呢個就係你講嘅加強區內接駁？
而你都係冇答到問題，加82K去30，係咪代表唔比減？邊條法例邊個規管到佢唔好再減？係規管到嘅今日已經可以開番30，同85A已經冇關係。

Snoopy@FB8617 發表於 2023-11-15 11:44
又咁講
以前沙乙-廣源成段流水又真係有收視
與其慢慢由得佢死

咁問題係果位版友果個係咪合適plan?
沙乙去廣源你都話有收視，然後有條友話定點30好過40+25，你話係咪好矛盾啦。你話加到做20，最低限度有甜頭，密過晒兩部一齊，但問題係82K開20分班保唔保證到真係有足夠收視？

12Lane 發表於 2023-11-15 12:11
哦，原來只係為左新田圍，281又唔計？
咁新田圍又關85A咩事？
我係回應緊你cut 85A加82K喎，沿途其他客又 ...

85A 新田圍無擺站？281 又做到美林同威院？

但 85A 唔夠客亦係事實，沙田區部分路線的確坐擁緊同實際需求不成比例資源

表面就少一半班次但好大程度因為站位問題，82K 作為社區有需要路線，比 85A 有用。我就唔知道點解你會認為兩條線做緊同一組區內客生意，但站位完全唔同，好似好好

同埋凱婷雖然都係信唔過，但佢地事實係有權規管，問題係佢地點管，批與唔批咩野。事實係大部分減班申請雖然唔需要擺上 RPP，但一樣要凱婷批准先可以落實，本版就多次傳過有路線減班不獲批准。但另一方面，改師傅表、加時以至符合休息時間指引，都係要跟凱婷果套。如果佢地真係無規管權，巴士公司角度唔係盡用每部車既時間做生意，司機有無得抖就話知你？

S3BL100 發表於 2023-11-15 12:25
85A 新田圍無擺站？281 又做到美林同威院？

但 85A 唔夠客亦係事實，沙田區部分路線的確坐擁緊同實際需 ...

老實講，85A呢啲，如果有一日上RPP要cut到40或者取消嘅，你個alternative plan咪work囉。我睇就好簡單，你建議重組後嘅服務數量唔衰過家陣好多，咪得囉，但25+40變30，sorry暫時唔太接受，到40+40或者85A取消再諗好過。

「事實有權規管」
咁事實係點？就係好多線都跌晒落30甚至更疏，包括你講嘅82K。咁你理想中嘅30分班係咪一個可預見加可維持嘅事實？
唔係嘅話根本「合併會好左」、「合併會密左」、「合併後會有規管」只係空中樓閣，根本support唔到任何改動原因。除非82K加密後條數仲好過以前，但問題係咪真係會咁？

Snoopy@FB8617 發表於 2023-11-15 11:47
咁現實係82X好大部分客又真係廣源出嚟
第一城就區內客為主
唔見得有範圍太細既問題

現時做廣源+第一城當然夠皮，
但上面有人話縮到只做廣源，全日計咁服務範圍真係太細，
睇下當日淨繁時82P搞成點，當年0遠89D兜入去都唔83X全日，而家就算83X全日都要另搭水泉澳。
咁佢出隧道就直上廣源同廣源尾站入隧道，大部分係廣源客好正常架。

S3BL100 發表於 2023-11-15 12:07
我同你講緊既係邏輯問題，bus zone 同有幾多條線重疊緊，根本係兩個問題，風馬牛不相及

大路組合，正常 ...

又唔係無
解決車程不穩先有造幹線嘅基礎去解決重疊問題

又咁講啦有ETA慣咗等就等唔等就算
即使外國一樣係有聯合班次，多線唔係問題，而係香港連聯合班次都一鑊粥

12Lane 發表於 2023-11-15 12:17
咁問題係果位版友果個係咪合適plan?
沙乙去廣源你都話有收視，然後有條友話定點30好過40+25，你話係咪好矛 ...

咁我又無話佢既做法係好合適
但at least好似你上面前半part咁講
合完好左既咪值得試下
合完仲差一截既當然唔唔合理

後半part水晶球問題就無需要諗太多
改動完起碼試到有無得救
好過陰下陰下最後咩都無

S3BL100 發表於 2023-11-15 12:25
85A 新田圍無擺站？281 又做到美林同威院？

但 85A 唔夠客亦係事實，沙田區部分路線的確坐擁緊同實際需 ...

但另一方面，改師傅表、加時以至符合休息時間指引，都係要跟凱婷果套。如果佢地真係無規管權，巴士公司角度唔係盡用每部車既時間做生意，司機有無得抖就話知你？

巴士公司係咪會用盡啲車，呢幾年我睇真係唔係
呢幾年有啲減班動作係寧願擺站開少幾班燒少啲油，減完車同人都無少到