港鐵有冇計畫開西九龍站預留月台（月台1-3、19-22）？

AVBWU291 發表於 2023-11-20 16:49
起嚟就係預留日後更多車嗰陣用㗎啦...

而家又唔係唔夠用，開嚟做乜？開多一個月台即係洗多一筆錢。 ...

西麗站動工無期之下，香港更加應該把握機會食多啲班次。依家跨線嘅湛江西都好好客，將來仲有廣湛沿線。

另一方面，即使係超短途嘅福田，班次都係唔平均，例如19-20點可以隔差唔多成個鐘先有車落嚟，但又有短途車孖住行。

kt241 發表於 2023-11-21 13:52
都唔夠客開嚟把鬼

週未八萬客，平日都有五萬，係唔係真係唔夠客呢？

（數字見入境事務處統計）

另外，因為國鐵好多時都係重聯，加上好少情況係一個月台落客另一邊等上客，似乎加長月台重要過短月台。

kt241 發表於 2023-11-23 14:40
阿哥仔，不如睇返啲文件計計數
本身條線預計長遠日均客量16萬，依家一半都未有
邊忽夠客呀

咁一日有冇16萬飛可以賣出街？

假設週未有80000客，開大約180班車，即係平均每個班次有400幾人坐，而一抽動感號個載客量先得579+2，長途車更加要鎖票俾中途站。

個人乘車經驗嚟講，除咗用重聯復興號做短途車會比較多吉位，長途車係有難買飛嘅問題。

CR400AF-1006 發表於 2023-11-24 10:46
其實依家好多短途客都要轉車，所以短途客個乘客量其實有水分，反而長途就真係低估
...

咁重有慳「廣州南附加費」嘅客要轉車，轉都唔一定係長途客，光明、慶盛、坪山都係多數要轉車。

只係答緊樓上話個上座率唔好嘅問題。

kt241 發表於 2023-11-24 13:13
對牛彈琴
客係因 車係果
冇咁多客就自然冇咁多車，咪唔使咁大地方囉

唔好話鐵路，巴士都大把線頂閘留後啦，唔加車條線個客量當然頂頂唔可能再上升。繁忙時間出門口返工上唔到亦唔會因為你頭車仲有位而坐頭車去公司門口等開門。

而自高鐵開咗到依家，似乎都係不停加車（尤其長途、跨線），真係無客唔通仲加？

Ricky403 發表於 2023-11-27 12:33
咁其實有臨客呢樣野嘅
等於巴士堆時間表外加班車

進港車其實都可以跟返上面咁排圖，部分班次係週未先開行。

如果龜真係想做，一定可以買車做，問題係龜個專營權係有時限，你揼錢落去都可以係起咗第二個中環摩天輪出嚟，為人作嫁。

另一方面，加進港車都要海關入境配合，增加個容量，咁大陸當然唔會突登搞，大陸自己車源都唔見得好鬆動，真係多人時間都救咗自己堆線先。

s3n370 發表於 2023-11-29 23:59
如果出佐事至今都要維持限制，即係港鐵無維修，中間仲要因為武肺停運佐以年計。
又或者設計/建造出佐問題 ...

東涌線唔夠電唔夠車用一樣唔係新聞，不如話龜慣性預到好盡。