1989年5月九巴蝕錢路線統計

KC3555 發表於 2023-12-4 15:38
禁區三寶大熱上榜係必然，78K路線最長，又比較塞車，當然蝕得最甘，排19 ($245,200)
79K第二長，班次最疏 ...

大老山同城隧通車之後，真係令沙田廠堆線靚仔番唔少，起碼48、48A響89年紅噹噹，到變成三條X線後就財源滾滾

天空之神 發表於 2023-12-4 20:37
自古以來沙田線仲衰過市區線

又要塞車過隧道

又咁講，沙田講塞車都幾十年前已經講緊，你見排位某幾條沙田線淨係以客量計一直見得下人。但點解啲成本7除8扣之後排名會突破天際，我就覺得點都同堆區內K線有關。
就咁表面睇，同樣有屯公塞車影響嘅屯門元朗、但上得榜嘅似乎冇新界東堆線誇張地多，唔排除同當區有輕鐵專區存在有關，以營運成本計、只會焗限於對外線嘅加減，加上當年市區線排位亦比唔少人心中嘅排位更低嘅時候。唯一有分別嘅、就係其他區都冇咁盛行嘅區內線。而KC兄亦有提過沙田除咗區內K線線，過得隧道嘅幾乎係蝕錢，我估計係因為堆區內K線攤分咗收入，以單獨路線去計，新界東堆隧道線幾乎一塞車盤數就變負，好大機會係堆區內客比堆K線食哂，根本冇方法減低塞車帶嚟嘅成本，加上嗰年代冇啲咩劃一分段收費概念、分段收費差距大細係好影響到唔同路線錢箱收入。

S3BL100 發表於 2023-12-3 22:01
想知而家巿區頭三位係 1A 26 27 定係 1A 27 214？定係 26 214 都無份？

另外想請教，「跌落神壇」係純粹 ...

而家唔知，不過市區線搵到錢真係寥寥無幾。我果陣睇到就係1A、5C、6C、27、215X頭幾位，5C、6C你見到而家既貓樣，都估到條數唔會標青得去邊度。214我覺得會係頭幾位搵到錢既市區線

superbus 發表於 2023-12-4 21:51
大老山同城隧通車之後，真係令沙田廠堆線靚仔番唔少，起碼48、48A響89年紅噹噹，到變成三條X線後就財源滾 ...

當年48X,73X,74X,89C/D等路線要行大運之餘仲要胞受獅隧塞車痛苦,但改行大隧和城隧後行程短咗兼唔受塞車問題所以盤數好咗.

superbus 發表於 2023-12-4 22:09
而家唔知，不過市區線搵到錢真係寥寥無幾。我果陣睇到就係1A、5C、6C、27、215X頭幾位，5C、6C你見到而家 ...

6C,5C都經歷屯馬通車後數度減班後,已經未必再係線皇級別了.

superbus 發表於 2023-12-4 22:09
而家唔知，不過市區線搵到錢真係寥寥無幾。我果陣睇到就係1A、5C、6C、27、215X頭幾位，5C、6C你見到而家 ...

其實 5C 都老早蝕緊錢

1A 214 都幾肯定係鐵膽
車程長但銀碼大流轉高

miklcct 發表於 2023-12-4 21:15
有無58M？

排113 ($64,900)
當時繁忙時間係15分鐘一班。

RyanPun 發表於 2023-12-4 22:07
又咁講，沙田講塞車都幾十年前已經講緊，你見排位某幾條沙田線淨係以客量計一直見得下人。但點解啲成本7 ...

其實屯門元朗真係無上榜，應該只有59X, 60M, 60X, 66, 66M, 66X, 68, 68M, 68X。
輕鐵通車，區內線限制上落客，流水性全無。再加上協調政策，限制出行範圍，導致當年屯門市中心總站幾乎必定上滿客的情況。以往一掛個塞車牌喺站頭，X線客就跳槽去隔離坑坐M線。屯門區大站，幾乎只有市中心，華都花園，友愛安定。而大興山景加新墟剛好自給自足，兆康青山公路走哂去坐68，68M同68X。當繁忙時間呢三條線爆到七彩（連洪水橋都上唔到車），屯門北由洪水橋開始所有人都係撲去市中心坐車。

情況同沙田唔一樣，沙田當年每小區一定有85系，86系，87系，89系或80出九龍區，又有M線去九龍塘。東鐵電氣化連M車都無少仲有咁多K線命脈。塞車倚靠鐵路，重心全部偏移去K線，然後70萬人，各自小區去到九龍不同目的地，比起屯門元朗90萬人，當年集中兩三條線出市區。兩邊都係塞車，票價方面，載客量方面，營運平均車速，都係屯元優於沙田區。

現今情況又唔同，沙田同屯門都無以前咁塞車，但人口老化急劇，K線重要性因道路網，鐵路網加上人口因素急瀉，沙田各小區風光好多都過去，屯門舊時風光區已去，人口稍有增長只剩良田區一帶。只係巴士公司推崇轉車站，道理其實跟屯門舊時營運環境一樣，沙田轉車站不見太大作用同起色，屯門元朗天水圍取代以前輕鐵轉車角色，改推乘客去轉車站，所以淨睇客運模式及習慣，不能怪九巴熱愛投放資源俾屯元天三區。

KC3555 發表於 2023-12-4 21:02
呢四條線的確無人問過，的確存在感奇低，尤其是73。
#26 - 73 ($208,600)
#37 - 70K ($178,000)

再嚟多兩條塞車綫 5D, 12 (上海街年代)
反而有興趣想知121, 122 呢兩條綫當年旺唔旺場？

KC3555 發表於 2023-12-5 01:23
其實屯門元朗真係無上榜，應該只有59X, 60M, 60X, 66, 66M, 66X, 68, 68M, 68X。
輕鐵通車，區內線限制上 ...

新界東一直都有東鐵，本來就極容易因為塞車而跌落東鐵，但兩者分別在於新界西點都跌返落自己堆M線、但新界東一跌就跌走咗。而票價高低收入確實幾影響到實際利潤，尤其沙田堆線本身已經唔係特別貴、又有一堆區內線爭做生意、加上新界東習慣於鐵路（轉車）/巴士（直接）兩邊走，好難以新界西嘅劃一轉車模式引新界東堆客持續留喺巴士入面，其實變相要用更高風險同成本、先做到新界西嘅效果。