Delta Air Lines 明年開辦 SEA-TPE 直航

ccicoltd 發表於 2023-12-8 18:02
似乎沒提及跟 CI 有否 code share。

斷估就會有

但 DL 同 KE 有 joint venture，佢地立場一定係優先將轉機去東南亞既乘客送去 ICN 而唔係 TPE

~誰@359~ 發表於 2023-12-9 14:55
A330飛到咁遠

A330-900neo 既續航能力同 A330-200 相若，當年 DL 都用過 332 飛香港

但就算係 333，早期同晚期版本既表現都好大分別

台灣同美國嘅聯繫咁強，若非平均入息低香港一截，
航班數量有機會以倍計。

如果連歐洲航線都超越香港，咁就真係變遺址啦。

s3n370 發表於 2023-12-13 18:34
台灣同美國嘅聯繫咁強，若非平均入息低香港一截，
航班數量有機會以倍計。

記憶中好耐之前望過下數據（但呢一刻搵唔返），疫情前 LAX-TPE 客數同 LAX-HKG 相若；SEA-TPE O/D 客數目亦同 SEA-HKG 相若，一日單向百幾個客

而 SEA-TPE 呢一刻本身有長榮做緊直航，SEA-HKG 無，DL 選擇做 SEA-TPE 而唔係復航 SEA-HKG，本身就可圈可點

個人估計兩地科技業界連繫幫到條線唔少。另外就係台灣人可以免簽證入境美國，相對香港人而言，踏足美國既意欲同機會都比較多

S3BL100 發表於 2023-12-14 06:29
記憶中好耐之前望過下數據（但呢一刻搵唔返），疫情前 LAX-TPE 客數同 LAX-HKG 相若；SEA-TPE O/D 客數目 ...

BR 起 SEA 個 market share 向來都唔細，
唔計美國國內甚至北美航線黎講，長途線佢好似已經係 Top 3。

我搵到份 2016 - 2017 年嘅 data (Page 13):
https://www.portseattle.org/site ... conomic_impacts.pdf

當年唔計北美籍航空公司黎講，BR 只係排 EK 之後。

----

我係諗緊當年 BR 應該係食到好多大中華地區，甚至東南亞嘅轉機客，甚至而家都係。

先唔講香港已經玩完呢回事先，
我直情認為香港最大問題係成也 CX 敗也 CX。
成個香港機場比 CX 主導哂，CX 仲要係 oneWorld 會員。

除非 HX 入 SA 或者 ST，否則都唔見得北美籍航空公司會開線黎 HKG 駁客，
SA 黎講，UA 向來就玩開長途市場，最起碼佢而家都已經起 HKG 插旗。
至於 AC 本身就加港客多，加上 YYZ 有排都未開返線就加 YVR 班；實屬正常。

對於 DL 黎講不如去 ICN 駁 KE，甚至自己繼續起 TYO 玩大佢。
你要佢做轉機客生意，邊個會幫佢拉客？大中華得 MU 同埋 CI 係 ST 會員，前者而家仲半鎖狀態，揀 TPE 駁 CI 真係好正路。

至於作為 oneWorld 成員嘅 AA 向來都唔係好玩開亞洲市場，
就算當年玩 DFW / LAX - HKG 都係近呢十年八年嘅事，
AA 作風係搵 JL 同 CX codeshare 算數，自己玩拉美甚至歐洲多。

咁搞香港就自然少機到，加上 oneWorld 起三大聯盟中已經唔係多會員個一間。
或者期望下 HA / AS 合併完之後會唔會走黎 HKG 駁 CX，話哂 HKG 都叫 oneWorld 大 hub。

提外話：
我而家成手 Aeroplan 想換張機票 HKG 都難到登天，某程度上就因為 HKG 唔係 SA hub。
換去 TPE、TYO 係好易換 (唔換 AC 未換 BR / NH，AC 個 system 本身就可以咁做)，甚至換去 BKK 或者 SIN 都易過換 HKG 多多聲。

AVD1 發表於 2023-12-14 07:58
BR 起 SEA 個 market share 向來都唔細，
唔計美國國內甚至北美航線黎講，長途線佢好似已經係 Top 3。

之前睇過D分析，話對美國嘅航空公司黎講，
trans Pac比trans Atlantic飛得遠D又無咁賣得。
唯一係好在亞洲區淡旺季之別無歐洲果邊咁極端。

而對亞洲嘅航空公司黎講，飛北美就只做到亞洲往返北美加部分南美客。
飛歐洲仲可以做去袋鼠航線加往南美同非洲客，
雖然呢舊客比中東三大搶佐好多，但係勝在件餅夠大。

所以歐洲機不論陣營都鐘意黎香港，美國機就好睇demand。會做但唔會盡力。

s3n370 發表於 2023-12-14 22:39
之前睇過D分析，話對美國嘅航空公司黎講，
trans Pac比trans Atlantic飛得遠D又無咁賣得。
唯一係好在亞 ...

其實唔係無客，唔少亞洲國家同美國既聯繫仲緊密過同歐洲既聯繫

問題在於亞洲大多數航空公司運作成本低過美籍航空公司唔少，尤其是疫前根本畀中国三大航空做爛巿，人地下下經中国轉機往來東南亞來回六百蚊美金以下搞掂，呢個蝕本價美國航空公司點鬥？搞到就算 AA DFW-HKG 未摺線而且仲有錢賺果陣，都間唔中見過 HKG-DFW/LAX-XXX 來回唔到七百美金，屋企人坐過一次，而且仲要係出發前唔到兩星期先買。呢個價錢，唔少內陸行程來回都唔止呢個數

除非係西岸，否則美國飛亞洲航班，運作成本係高過美國飛歐洲好多。如果無返咁上下數目商務艙乘客支持，根本無肉食

當然疫後情況唔同晒、中美之間航班數目受配額限制，有排都回復唔到疫前水平，搞到求過於供，今時今日淡季內陸 port 飛亞洲經濟艙價錢，比起幾年前飛商務只係平少少。而疫後 DL 同 AA 各自都提早將成堆廣體機退役，DL 還好少少，AA 根本唔夠機重整亞洲航線網絡，於是機會畀左本來已經最強勢、疫情期間無退過廣體機既 UA，佢地而家連 SFO-TPE 都開緊一日兩班，岩岩又開埋 SFO-MNL

DL 出年開 SEA-TPE 某程度上係追趕緊落後左既形勢，始終唔係所有問題都可以求其掟堆客落 ICN 轉機解決。雖然 DL 同 CI 同屬 Skyteam，但無 joint venture，睇返航班時間，目標除左 SEA-TPE O/D 客以外，似係想做 XXX-SEA-TPE 多過 SEA-TPE-YYY，O/D 以外做美國細 port 往來台灣乘客。雖然亞洲航線需求主要集中美國西岸大城巿，但內陸中小型城巿，加加埋埋，其實都有返咁上下

當然而家形勢，我估 DL 下一步開 SEA-MNL 都唔會輪到 SEA-HKG 復航

如果有朝一日中美航班數目回復疫前水平，遊戲玩法又會好唔同

S3BL100 發表於 2023-12-14 19:05
其實唔係無客，唔少亞洲國家同美國既聯繫仲緊密過同歐洲既聯繫

問題在於亞洲大多數航空公司運作成本低過 ...

都幾認同，而家淨講 SFO，去台北多機到不得了 (date: Dec 16,2023)


相對之下香港和中國一樣，無乜機

以前飛東岸都要 400-500USD，相對飛亞洲只收 600USD，以前飛亞洲真係對美系公司黎講唔抵做
而家無左大陸公司頂爛市，吸引力大左就自然多番機

S3BL100 發表於 2023-12-15 03:05
其實唔係無客，唔少亞洲國家同美國既聯繫仲緊密過同歐洲既聯繫

問題在於亞洲大多數航空公司運作成本低過 ...

大致同意你嘅分析。

其實我一路係比較緊美歐兩邊嘅分別。
比較埋成本相若嘅歐洲線，疫前嘅大陸公司一樣以平搶客，
講緊平過快過三大，如果唔delay的話。除佐識D唔介意經內地嘅親友會咁搭。
無幾耐之前先聽過英國本土成長嘅同事，分享早年貪平經內地往東亞。
响首度踏足中国轉機，嘗試上網用谷歌臉書果一刻，
就極速感受到中国文明进步东升西降...
話雖如此，仍然無阻運作成本唔會低嘅歐洲航空公司飛歐亞線。

疫後有埋俄羅斯入侵烏克蘭，得番同俄國友好嘅航空公司會經俄國呢條short cut，
令大陸公司成本更平，可以平到同你所講嘅飛北美相若。開始有D似疫前亞洲---北美航線嘅狀態。連維珍都放棄，改攻“過塘”線就知乜事...

後話，歐陸嘅航空公司一向都好積極做經香港經歐陸往英倫三島嘅服務。
最近發現有最多直航嘅國泰都做埋一份---
我無打錯，唔少平過直航嘅機票組合，係先搭轉短途去歐陸，再轉CX...

yuenpo 發表於 2023-12-15 15:46
都幾認同，而家淨講 SFO，去台北多機到不得了 (date: Dec 16,2023)

其實睇返 TPE 同 HKG 都係得 UA 一間美籍航空公司玩 (暫時)，
十六號就一日兩班，密度等同香港。

係台籍有 CI、BR、JX。

香港比 CX 玩哂，但係人又唔夠機又唔夠，
HX 又唔生性，HB 有排都唔會飛到出東亞。