|
本身樓主正經問一條問題，始終係有人扯開話題講，問緊幾多比例既路線係12分鐘一班以內， 就話即使寫7-10，中途站20分鐘都無車，同條題目有咩關係？唔通寫20，總站開20，等於中途站20分鐘一定有車？ 又話有ETA，非繁30分鐘一班就唔叫疏車。疏車，即係班次少，同提供幾時有車既資訊，即係ETA，比乘客，亦都係完全兩個概念，拉埋一齊講當其他人都係無邏輯?
粗略根據運輸署截至2023年10月既資料計算，平日中午1200-1300一小時，每條線(以號碼計) 兩個方向再以最密既既一個方向計，唔計聯營路線： 城巴同九巴分別有大約18% 及 27%路線既班次係12分鐘或以內（百份比既分母以1200-1300有班次既路線計，例如兩味線通宵線係無計落分母）。
該時段城巴最密既頭兩條路線係98 (6/7分), 10 (8分), 其餘包括 72, A21 (紅磡方向)等。 由於每條路線應該係服務唔同既人, 所以唔存在70「系」密, 因為拆左70同70P, 必定要搭70/70P既乘客係要等20分鐘一班車。 該時段九巴最密既頭兩條路線係211同273, 其餘包括 268C, 44等。 至於再上一級，班次15分鐘或以內既路線，城巴同九巴分別係38%同44%。
| 
