[擴展網絡] 建議開辦 266 大棠<>石籬、微調68E/68M

同意元朗南應該做一條直達轉車站既線
但開到上東北葵似乎意義不大
本身九公市佔應該已經有咁上下
況且全新路線要倒資源落去點都係越少越好

由 68E 變成 266，元朗南出入欖隧係就係唔使再兜形點同朗善邨，
但係唔見得元朗南去東北葵堆住宅同工廠嘅需求會大過去青衣站，
而且東北葵 <> 元天連荃灣站都唔經，欖隧直達石圍角似乎太過冒險？

石籬係可能有需求
你話直行青公大窩口都仲可能OK
象石根本無客(連區內線32B都做唔掂)

但反正去主力位(元朗市、天中)都係要轉車
咁同31/235轉車有咩分別

LAK2 發表於 2024-1-11 16:45
石籬係可能有需求
你話直行青公大窩口都仲可能OK
象石根本無客(連區內線32B都做唔掂)

係都要攞呢條廢嘢嚟講，你話你唔係專登撩交嗌係咩？32B長期有紅小+幾條綠小喺度爭食，仲要疏過又貴過小巴，你知唔知？所以32B冇客、死埋都係應份。

跟住歷史問題，80年代中後期城門隧道工程，象鼻山路要改建累人累物。拜佢所賜，原本同佢接壤嘅石圍角、象山同老圍一帶道路全部都要改埋，搞到有幾年巴士係入唔到石圍角，你又知唔知？所以俾啲紅綠小用車海戰搶咗巴士客坐大，自始條32B亦開始頹落去，就算後尾入返石圍角都無補於事。要追究嘅，唔該搵返始作俑者，造成小巴多年嚟霸佔象石來回荃灣市場嘅係個象鼻山路工程，象山邨甚至因為象山邨西路改成掘頭路變成孤島。我都諗唔明，點解咁大負面影響，兩條邨嘅居民當年咁傻仔（難聽啲叫戇X）任人魚肉，冇人做代表司法覆核當年個政府。

係直到近10年32B換成密啲嘅36（雖然冇咗落山）、43X分段收費下調吸到部分非2蚊客轉投、40P全日化拉落如心，大河道北特快+去到荃灣站一帶小巴去唔到嘅盲點，非繁30分都有人肯就時間等，加埋小巴hea做收車，巴士來回荃灣市場佔比高咗，你又知唔知？

奉勸某啲人呢，唔知頭唔知路就唔好亂噏一通，係咪要我逐條check你回覆睇吓你住咩邨，然後鬧返你先安樂？乜你條邨嘅交通已經好到唔駛理，仲得閒到可以對人哋區指手畫腳嗱？人不犯我，我不犯人；人若犯我，我必犯人，你呢啲人我見一次就鬧一次。

Snoopy@FB8617 發表於 2024-1-8 16:43
同意元朗南應該做一條直達轉車站既線
但開到上東北葵似乎意義不大
本身九公市佔應該已經有咁上下

東北葵居民轉車入新界西
69M/269M十點前入天水圍，開緊25分鐘一班，有等於無
68M開15都唔算密，而36/31/東行235，無同站轉乘，要喺荃市行一大餐先轉到車
251A/251B，就更加要轉上轉

當其中幾區都有小巴/巴士去西站既時候
九巴市佔，應該遠不及想像中高

266加一級價既同時，直接送上大欖同站轉乘
去元朗叫268X/68X/268C/269D/968/68M五飛
去天水圍M線以外，叫埋269C/69X/265B幾飛
成個package吸引好多

SE7378 發表於 2024-1-11 00:47
由 68E 變成 266，元朗南出入欖隧係就係唔使再兜形點同朗善邨，
但係唔見得元朗南去東北葵堆住宅同工廠嘅需 ...

無論68E定266，對元朗南既價值，都唔係去青衣/上葵，而係大欖駁車去全港各區
本身大欖落荃灣係車海，仲要因為有唔少天水圍客短轉長，而有唔少剩餘運載能力
掟去象石/梨木樹/東北葵，嘗試改變下呢幾區既乘車習慣，似乎比較有價值？

另外 石圍角/梨木樹，可以宣傳埋 266<>43X/40X/46X/73X/47X
變咗大棠去新界東，轉一次車已經接近零死角
去新東唔少位，荃市反而無車到

Tre89 發表於 2024-1-11 17:22
係都要攞呢條廢嘢嚟講，你話你唔係專登撩交嗌係咩？32B長期有紅小+幾條綠小喺度爭食，仲要疏過又貴過小巴 ...

32客量差
亦係大家覺得石圍角無得做既主因
但追根究底，主因係條線又慢又行無客既荔枝角道
基於石圍角勉強可以行落荃灣站，你做得咁差好難會有客支持

但呢堆論點，同 石圍角<>欖隧 無關
進一步講，40P+266 做曬 象石<>東北葵 流水
甚至有機會幫手釋放32出來做特快

我覺得條266以老九性格，就算開都應該荃灣西站止步，唔會同你上到東北葵

班次你預同268M差唔多

Tre89 發表於 2024-1-11 17:22
係都要攞呢條廢嘢嚟講，你話你唔係專登撩交嗌係咩？32B長期有紅小+幾條綠小喺度爭食，仲要疏過又貴過小巴 ...

咁過咗咁耐兩條邨都人口老化開始嚴重
尤其象山多老人家
話知你30年前幾風光

而家條線又唔係去旺區
象石又可以落荃灣轉欖隧車
唔見得條線有太大需求

石籬同理
只不過人口老化冇咁嚴重+可能落荃灣相對冇咁方便，變咗要走回頭落葵芳轉
少咗68M兜回頭下可能會多少少人
只不過兜象石又係難啃

ATENU135 發表於 2024-1-21 17:28
咁過咗咁耐兩條邨都人口老化開始嚴重
尤其象山多老人家
話知你30年前幾風光

又嚟，呢度好多人講嚟講去最叻就係講乜乜邨人口老化呢啲爛大街論點。70年代尾、80年代頭同期荃葵青大把屋邨落成，唔講大家可能唔知，青衣VIP區長安嘅年齡中位數係56.5歲，高過石圍角同象山嘅，但咁又有影響嗰度繼續坐擁大量直出線咩？另一例子祖堯年齡中位數甚至高達57.1歲，荔景山嗰邊甚至乎仲有265M、269M兩條線去欖隧添，咁相比之下又公平咩？返番嚟荃灣區，福來邨仲早過象山邨落成，佢門口大把大西北車路過喎，係因為佢冇存在感吖，定係佢喺市中心所以人口老化更嚴重都冇人理？山上屋邨就要同你「過五關，斬六將」先有車？而家搞「種族歧視」，市中心係「白人」奉旨有車，山上居民係「黑人」低人一等？

發覺啲人好得意嗰喎，屯門區就搵大興、山景嚟講，但同時代落成嘅安定、友愛（屯門VIP區）就冇人話佢人口老化嗰喎；跟住沙田區就係新田圍，但山下乙明、秦石嘅年齡中位數明明仲高過新田圍，又係冇人話佢人口老化嗰喎，真係龍門任搬。請問係咪十八區每區都要搵一兩條邨嚟數臭、批鬥吓先安樂？觀塘區係樂華定四順？東區係咪耀東、興東？

跟住下一點，咩叫石籬要「兜」？由石籬角度出發，行下面青山公路係一條路順住去上公路，咁上面行梨木樹至石圍角咪又係一條路順住去，乜唔跟31行法就叫「兜」？，我仲未計行上面可風至老圍大段路基本冇燈，去到石圍角轉出去荃錦交匯處已經可以上9幹，請問係咪行下面慢慢停埋荃灣市中心嗰幾支燈，碌到荃景圍天橋先上公路先叫「唔兜」？真係大開眼界喎。退一百萬步講，就算係兜，咁石圍角同梨木樹32、36B/X、40P、936/A咁多年又何嘗唔係兜埋石籬嗰邊先出城？間唔中一條半條線調返轉行法，你做頭站兜人哋邨就唔得，會唔會大帝咗啲？

另外，我個人從來唔覺得三十年前嘅石圍角同象山邨交通上有風光過，90年代前得32系嗰三條線，覆蓋面單薄到一個點，想去遠少少都冇車到，當年根本就同舉白旗讓晒成個對外巿場俾地鐵冇分別。跟住到起城隧喇，象石成區又封呢封路咁大犧牲先換到條43X，但近近哋去沙市都要轉車兼收貴咗，真正有進步、正常化反而近十年嘅事。