[擴展網絡] 建議開辦 266 大棠<>石籬、微調68E/68M

Tre89 發表於 2024-1-21 18:22
又嚟，呢度好多人講嚟講去最叻就係講乜乜邨人口老化呢啲爛大街論點。70年代尾、80年代頭同期荃葵青大把屋 ...

長安本身雖然人口老化，但係仲有青衣站附近嗰間新屋苑其實係可以行過嚟坐車，本身長安亦都係一個轉車站，條件已經同石圍角唔同

另一邊，你話荔景山有兩條線去欖隧，但其實只不過係葵芳冇位，兼且拉上去唔太遠啱做總站先至可以叫做黐到葵芳有線，並唔係特登開俾佢哋，福來邨同樣道理，只不過係啲線咁啱經過並唔係特登serve佢哋

Sorry睇返樓主條走線對石籬又唔算太難頂，石圍角直上公路係OK嘅，但係我會着眼係究竟有冇必要特登開條欖隧線比佢哋轉車
一嚟本身大窩口荃灣已經基本上集齊欖隧線去到天水圍元朗大部份地區
二嚟呢條線會唔會夠客都好大疑問
直達需求應該唔會太多，咁嘅情況下都未必開到密車，對轉車客吸引力會大大降低，最尾都係有可能會返荃灣或者大窩口先轉，而唔係喺隧道口等呢架車

我自己個人覺得呢一類線本身可以係類似屋村加大區咁做，正如你舉出嘅265M同269M一樣，可以靠大區維持到一個相對合理嘅班次，同時又唔會需要特登加好多資源特登開一條線，而係將附近嘅路線順手拉上去。
石圍角如果搞得掂總站位嘅話其實60M/68M個人覺得會係好選擇，兩條線都去到屯門／元朗市中心位，本身對石圍角嚟講吸引力都會比較大，不過唔知拉上去使唔使用多好多車，畢竟佢哋班次都算密（尤其68M）

支持石圍角繼續爭取出附近區／旺區更好嘅巴士服務（如40P加班，改善32服務等等），但個人而言樓主建議嘅路線客量同吸引力都未必足夠，爭取呢條線嘅效果成疑，倒不如試吓用其他方法方便居民去大西北會好啲

castanopsis 發表於 2024-1-18 02:58
東北葵居民轉車入新界西
69M/269M十點前入天水圍，開緊25分鐘一班，有等於無
68M開15都唔算密，而36/31/東 ...

咁首先要睇究竟東北葵係咪真係有咁大需求入元天
其次最多人去既元朗市又係唔係真係咁唔方便
東行係大涌道轉235係不完美但可接受

論優先既我會覺得滿足元南出入到荃灣或者葵涌道
緊要過俾東北葵直上大欖

Snoopy@FB8617 發表於 2024-1-23 14:19
咁首先要睇究竟東北葵係咪真係有咁大需求入元天
其次最多人去既元朗市又係唔係真係咁唔方便
東行係大涌道 ...

象石梨/東北葵<>元天需求，都係靠估
但參考隔離做得半個青衣既68E/279X客量分佈，我估有返咁上下基本盤

至於吸引力
就算睇官方ETA，266條路都比68M>235快10分鐘
但搭過235既都會知，沙咀道國瑞路，一多客上落，車程可以好可怕
如果夾埋中間步行，繁時68M>266，比起68M>235，快25-30分鐘係一啲都唔出奇
西行車程好啲，但就輪到68M等車時間長

另外想問，象山/石圍角/石籬 點算？
31/36無一個站同68M有關係，要人從戴麟趾行去荃灣站上車，班客實掉轉頭落西鐵站

論優先既我會覺得滿足元南出入到荃灣或者葵涌道 緊要過俾東北葵直上大欖

睇返251M，運輸署數據係近50%欖隧落車
欖隧<>荃葵得返半車，同其他M線一齊浪費運載能力
大棠元朗南轉鐵有免費K66，266出荃灣接駁功能，只會比251M更弱

另外留意，石圍角/梨木樹係一個幾好既轉車站
轉 43X去石門馬鞍山、43P去大學站科學園、46X去大圍、73X去大埔
對元朗南居民而言，轉一次車覆蓋全個新界東，係有實際用處

castanopsis 發表於 2024-1-23 21:48
象石梨/東北葵元天需求，都係靠估
但參考隔離做得半個青衣既68E/279X客量分佈，我估有返咁上下基本盤

首先個人認為266注定難做大，十八鄉同東北葵兩邊住宅區近乎冇直達需求，只靠轉車客能否撐起全日大部分時間15分鐘一班？參考68E大部分時間皆30分鐘一班，266比盡20分鐘一班已經好好，但對轉車客吸引嗎？
至於象石可以喺荃灣搭小巴轉，唔一定需要巴士轉巴士，係梨木樹可能麻煩少少

最後想問吓266大棠山路係68R站？嗰度唔算係合適嘅巴士站，平時亦常泊滿車，附近又人跡罕至，冇乜補給，車長落車休息都幾麻煩，再者喺附近都冇乜人嘅情況下拉上去做總站都好有疑問

ATENU135 發表於 2024-1-25 02:40
首先個人認為266注定難做大，十八鄉同東北葵兩邊住宅區近乎冇直達需求，只靠轉車客能否撐起全日大部分時 ...

小巴唔掂。第一，價錢問題。咁樣小巴轉巴士法冇任何優惠，無啦啦收多咗4個幾，我諗應該冇人會咁玩。

第二，小巴經常收車。邨內fb群組居民都有講過，綠小啲車經常攞咗去做城門水塘條線，雖然係咪都經石圍角，但如果你叫佢較返個短途收費，小巴佬個眼光好似欠佢幾百萬咁，擺明係為咗掠水（有居民親身經歷，所以我個人係從來唔搭小巴嘅），最誇張可以收到30分鐘先有一班，仲疏過以前32B日中嘅25分鐘，你上面都疑問266開20分鐘對轉車客係咪吸引，但不定時發作收車嘅小巴明顯問題更大、更唔吸引，至少冇可能好似你咁講用嚟充當轉車功能。

至於紅小，上車地點喺中聯（荃立方），同大西北線行嘅青山公路相距太遠，問題同上面樓主提到嘅36冇個站同68M有關係一樣，只可以話毫無關係，所以不作考量之列。

ATENU135 發表於 2024-1-25 02:40
首先個人認為266注定難做大，十八鄉同東北葵兩邊住宅區近乎冇直達需求，只靠轉車客能否撐起全日大部分時 ...

其實如果拎返當年264M/251M同埋68E青衣版黎比
就知九巴唔LIKE少客轉車線去太遠或太兜路

251M以前經荃灣去青衣
得返朝早直頭青衣都唔去
68E出去就變左直達青衣

其實日間非繁好似265M都係得15-20分
如果預期少客過265M咁點開15-20分...

castanopsis 發表於 2024-1-23 21:48
象石梨/東北葵元天需求，都係靠估
但參考隔離做得半個青衣既68E/279X客量分佈，我估有返咁上下基本盤

如果用青衣做參考
不妨睇埋九公個處理手法
其實都係踢人去長安一帶轉車就算

唔係話東北葵有得直上公路入大欖唔吸引
問題都係有多幾多客令九公會倒多兩三架車落去做
同樣地元朗南係梨木樹轉車入新界東北可能比起269D吸引
但又係為左serve極少數既客源囉

正正係對手有K66/紅小轉西鐵出荃灣
有咩理由最大塊餅唔去爭
走去做東北葵令條線天生再少一半客?
明明落荃葵就做到大部分你心目中元南既客源
係252先可以無對手夾班客去荃葵都肯轉

ATENU135 發表於 2024-1-25 02:40
首先個人認為266注定難做大，十八鄉同東北葵兩邊住宅區近乎冇直達需求，只靠轉車客能否撐起全日大部分時 ...

分返開兩邊，呢度講住十八鄉先

應該咁講，十八鄉只夠客開一條接駁線
無論過欖隧之後擺去邊，直達需求都好細
就算你擺荃灣，最後都會係七八成欖隧落車，轉去 過海/東九/油尖旺/長深荔/沙田/青衣
直達需求確實會影響東北葵一端既客量，但十八鄉呢邊，影響好細

你話68E客量一般
我會覺得係條線欠缺吸引力，要塞入元朗市甚至高埔，我點解唔村巴/K66轉鐵？
掉返轉266一上車就直飛欖隧，欖隧落車，村巴分分鐘連元朗站都未到
咁先真係搶到客

另外，粗略做咗一次人口統計
元朗公園至馬田村68E沿線1.8萬，大棠路K66沿線人口約2萬，蝶翠峰/尚悅另有1.5萬人
考慮到元朗公園有差唔多一半，可以直接行出大馬路搭車
塊餅最大既其實係大棠路，呢度68E做唔到

擺大棠山路，主要係考慮到無其他總站位，順便做下郊遊/大欖管理站返工客
如果你覺得唔理想，有無其它提議？

Snoopy@FB8617 發表於 2024-1-25 17:47
如果用青衣做參考
不妨睇埋九公個處理手法
其實都係踢人去長安一帶轉車就算

又想了解下，點解你會覺得
元朗南去荃葵，欖隧同站轉M線車海，會趕客
東北葵入元天，31/235兜圈、沙咀道行去荃灣站、早繁15-25分鐘一班，就唔會趕客？

同樣地元朗南係梨木樹轉車入新界東北可能比起269D吸引
但又係為左serve極少數既客源囉

石門/科學園/中大加埋，返工客未必真係咁少
不過另一點需要留意，元朗南係棕地集中地，掉返轉會有新界東居民入十八鄉返工
實際上朝早入元朗市班通勤客，我估唔係去元朗工業區就係去元朗南
當然，要行十幾分鐘之下，266對最多棕地既白沙有無吸引力，就後話

Tre89 發表於 2024-1-25 10:08
小巴唔掂。第一，價錢問題。咁樣小巴轉巴士法冇任何優惠，無啦啦收多咗4個幾，我諗應該冇人會咁玩。

第二 ...

咁68M點都平過西鐵既.....
其實我條266都特登收貴咗幾蚊，去增加開線誘因
價位應該點定，無既定答案