城巴78P開辦消息及城巴78X調整班次

天空之神 發表於 2024-2-14 22:49
一係就用太子道東入啟德碌落去九龍灣

其實重點係觀塘嘅客車程會慢咗，為咗九龍灣嘅客而令觀塘唔 like 嘅話唔見得係好事。
我覺得 78X 78C 行觀塘先其實係優勢嚟（尤其 78C），而家 78P 得返做到皇后山同馬尾下直出呢個優勢，如果唔係嘅話啲人應該會搭 277A。

唔排除 78P 就係想搶埋 277A 僅剩嘅客，或者只係方便皇后山返工返觀塘道嘅人，始終呢班人而家冇得搭直車。

78P 係觀塘停既位, 令個晒好多返大西北既線

sunhoo 發表於 2024-2-14 14:57
最奇怪係，點解係早繁入觀塘道，唔係非繁入觀塘道？早繁想改順走，都應該跟X89D咁入商貿區先啱，唔係去停少 ...

78X商貿區站位稀疏, 例如觀塘碼頭同巧明街之間, 因巧明街站靠近勵業街, 78P停觀塘市中心, 落車過天橋入駿業里 駿業街 巧明街呢度有大堆工商廈, 牛頭角站落車過天橋就係創紀之城1 2 3期 美亞, 巧明里入去The Millennity, 穿過去又係大量工商廈, 其實唔好話商貿區入面, 根本觀塘道以南沿途全部係工商廈, 又何須著眼於一個九龍灣站呢?!

ATSE40 發表於 2024-2-14 23:15
早繁仲塞得少過日間非繁，同埋早繁係成條線最多人嘅時間，唔通非繁每邊兩個鐘一班？ ...

非繁應該全部行觀塘道

EX-TL 發表於 2024-2-15 09:06
78X商貿區站位稀疏, 例如觀塘碼頭同巧明街之間, 因巧明街站靠近勵業街, 78P停觀塘市中心, 落車過天橋入駿 ...

認同78x觀碼同巧明街兩個站隔太遠，但係，呢個係因78x逆走造成。在偉業街順走，個巧明街東行站位就好好多。以早繁返工來講，觀塘道順走的確係現時主流行法，但呢個唔係最方便商貿區嘅行法。小弟認為最方便商貿區嘅行法係偉業街順走，停巧明街后唔入觀碼，而係入敬業街停兩個站。

sunhoo 發表於 2024-2-15 10:03
認同78x觀碼同巧明街兩個站隔太遠，但係，呢個係因78x逆走造成。在偉業街順走，個巧明街東行站位就好好多 ...

797康城方向觀碼都唔停。。

0q9w8e 發表於 2024-2-15 10:32
797康城方向觀碼都唔停。。

78x一開波都無觀碼

78P 觀繞直落觀塘道
即係跟 277E 同早繁 80X 89C 特車同 89P 個行法
呢個位平日好惡塞下 正如上面有提過往啟祥道平日朝早係好塞車
嚴重起上黎試過好幾架 89P 塞哂係橋
甚至 89D 有時追得返/爬埋 89P

其實只係方便咗九龍灣客 兜少D但落車要行多D
觀塘只係方便咗近觀塘道果邊既客 但車程
內街客基本上一定係照搭返78X

asv98.kw131 發表於 2024-2-14 23:41
其實重點係觀塘嘅客車程會慢咗，為咗九龍灣嘅客而令觀塘唔 like 嘅話唔見得係好事。
我覺得 78X 78C 行觀 ...

真心而家 78P 先係正常

唔like 咪又要搭 78X 78P
你唔會行去搭 277A

但搶到 277A 去九龍灣果班，贏左

天空之神 發表於 2024-2-15 11:58
真心而家 78P 先係正常

唔like 咪又要搭 78X 78P

都係，反正都要焗搭。同 79X 一樣，經南昌都要照搭。而家 79X 不但冇流失旺角嘅客，仲食埋南昌站轉車嘅客，而且唔少人喺呢個站上落。

睇嚟城巴想將 277A 僅有嘅乘客都拉埋。九巴唔知會點部署？到底係諗辦法迎戰、維持現狀躺平，定係收起返條線？
又或者會唔會諗住拉 270C / 270D 入沙頭角 / 打鼓嶺（唔經皇后山），轉戰鄉郊 - 九龍西嘅生意呢？反正之前拉 270C 上皇后山又 ban 咗，聯和墟又冇全日線出九龍西。