燈位對巴士班次穩定性影響有幾大？

認同香港舊區燈位cycle短，新界連同九龍嘅新發展區cycle太長。
你想提議去改善，就算搬出國際標準話長cycle極大惡化所有道路使用者嘅LOS，運吉都有一萬個理由拒絕你。
偵測流量而放行理論上有幫助，但唔係適用所有位，有D位係几枝燈一齊夾為一組greenwave。
偵測巴士而優先放行只適合巴士疏車同走向單一嘅路口。一旦巴士密少少或互相衝突嘅方向都有巴士行，咁就唔work。

其實巴士行車時間好難穩定呢件事係國際共識。就算在技術上去改善，效果都未必理想。可以做到幾多，基本上取決於當地社會共識：新增投入幾多資源？資源分配可否改變？某些人，甚至可能係部分巴士乘客處境變差，我地又可以點做？

樓主用N241舉例, 同時應該比較下6 6C的分別, 通宵同日間差距可以好大, 路面車輛阻礙橫過燈位問題在深宵時份影響明顯較低.

市區除咗停燈, 仲要諗埋燈位前後違泊或停車上落客, 呢方面新界會比較少見, 而新界路線行經市區, 因為站少, 而且行大路多, 站位編排能夠順住過燈位機會亦比市區線大.

我用九龍東舉例, 牛頭角道西行89翠屏道到淘大, 101物華街到淘大, 後車有兩三盞過到燈尾, 足以由正常班次變成拖卡到啓業.

觀塘道東行雅麗道交界冇兩分鐘都要停分半鐘, 而且車流量大, 綠黃紅怕被影衝燈, 好多師傅唔敢去太盡, 離遠見係綠燈已經收慢, 但離遠見剛好轉綠會加速衝過去.

康寧道北行近物華街災難級設定, 觀塘道同牛頭角道轉上康寧道同樣受累.

協和街南行由秀茂坪道落祥和苑/翠屏道, 人行仲快, 都唔駛形容D燈要等幾耐.

順天總站出站, 好彩嘅停完站即刻轉出, 唔好彩嘅你搭一次試下, 雖然冇樓主講到三分鐘咁耐.

1A尖碼開出, 柯士甸道至窩打老道開始拖卡亦唔稀奇, 呢線同燈位前上落客亦有莫大關係, 例如奶路臣街巴士站等燈轉入亞皆老街, 轉綠燈先有人上車, 上完又變番紅燈, 要再等下一兩轉綠燈, 旺角道呢D等燈等到發慌, 轉綠亦唔一定郁得.

荃灣有啲燈都唔係善男信女
大涌道/沙咀道、大河道/青山公路，其實除咗佔用超過一下放燈嘅方向，都係等得耐，仲要綠燈放嘅時間短
但當中大涌道南行左轉沙咀道東行個設計都係失敗，好多時大涌道南行直行積得多車就會頂住咗，就算香車街啲車守規矩無打橫黎閘住都無用

將軍澳一樣

好大，你睇A46，美林幾盞燈，順燈和不順燈可以差5分鐘以上

Ricky403 發表於 2024-3-18 11:40
荃灣有啲燈都唔係善男信女
大涌道/沙咀道、大河道/青山公路，其實除咗佔用超過一下放燈嘅方向，都係等得耐 ...

昌榮道迴旋處一樣， 青山上路入葵涌道盞燈十秒都冇，38好多時要等兩轉燈

九龍新發展區啲燈基本上都係新界mode, 勁耐先轉一次

290X由寶盈到健明果五個十字路口，極度反胃

busnrail_fans 發表於 2024-3-18 10:07
講起北區，不得不提上水龍運街/新運路交界，同埋新運路近上水站D出口嘅行人過路燈

自從前者喺舊年年頭改成 ...

當局咁想將270同273B合併，估計想係俾城巴56, 56A, B7X加強服務。由一開始將北區最賺錢的B7，B8比城巴，56A、78P又可以爆出來，79直接俾城巴，將收費貴、走高速、行車時間短的路綫比晒城巴。
居民硬食城巴貴價錢。
九巴北區去大埔沙田路綫就繼續行大窩西及大埔公路(舊路)，感覺城巴想點就點。

試過無數次 269D 天富上車 25分鐘都未去到天祐苑 (天水圍尾站) 有時司機係車手嚟
亦都試過 81 沙田開 一上大埔道就比後車追