（建議）過海隧巴980A線併入982C線

目前兩線由碩門邨分別單向前往灣仔（菲林明道）&西灣河（太康街），惟於廣源邨&沙田圍的客源疑遭分薄，982C線本年度BRPP最高一小時載客率只有約49%，為進一步改善載客率，建議把兩線合併，途經濱景花園、沙田第一城、小瀝源、富豪花園及乙明邨後，取道青沙公路、西區海底隧道直達上環、中環、金鐘&灣仔，告士打道&東區走廊前往北角東部、鰂魚涌、康山和西灣河。行走里數料增至約29.2公里，行車時間增至約77分鐘。

1️⃣. 碩門邨（$22.9）；2️⃣. 新界鄉議局大樓，大涌橋路；3️⃣. 小瀝源草地滾球場，小瀝源路（$19.6）；4️⃣. 沙田第一城；5️⃣. 小瀝源路遊樂場，小瀝源路；6️⃣. 歷奇單車場，小瀝源路；7️⃣. 小瀝源，小瀝源路；8️⃣. 帝堡城，小瀝源路；9️⃣. 黃泥頭；🔟. 廣源邨廣榕樓，廣善街；11. 香港恒生大學，廣善街；12. 牛皮沙新村，牛皮沙路；13. 多石，沙田圍路；14. 富豪花園，大涌橋路；15. 麗豪酒店，大涌橋路；16. 乙明邨，大涌橋路；17. 曾大屋，大涌橋路；18. 西區海底隧道巴士轉乘站（$12.2）；19. 港澳碼頭，干諾道中（$7.2）；20. 中環街市，德輔道中；21. 皇后像廣場，遮打道；22. 金鐘站-統一中心，金鐘道；23. 軍器廠街，軒尼詩道；24. 菲林明道，軒尼詩道；25. 北角消防局，渣華道；26. 北角官立小學，英皇道；27. 新威園，英皇道；28. 船塢里，英皇道；29. 太古城中心，英皇道；30. 太康樓，太康街

碩門邨開出 星期一至五（公眾假期除外）07:19、07:30、07:42、07:55 [全數由城巴派車]

另因應客量變化，擬將碩門邨開出班次至最多7班&增設由嘉亨灣開出之一班回程班次，時間為18:15，填補取消682C線後的空隙，歡迎討論。

則係叫九巴割條線出嚟比晒城巴
之後城巴又會覺得沙田去東區又比咗九巴叉隻腳入嚟
唔易做的

同埋中環去到灣仔停站過多好難吸到東區客

我都唔明點解你想比晒城巴，無好處，日常既九巴月票客點算
去中環就唔好撈埋去東區，正如980X都唔會撈埋988，
沙田區路線又兜，又要上環停到灣仔，返工客實遲到

不過有個問題樓主帶出黎其實無錯
河東去東區太多線但同時間拆散左客量
但係咪要咁改就後話

當初980A係為左儲里數所以先擺石門開，如果依家都拉到東區其實唔需要特別兜路，簡單黃泥頭開，小瀝源路大涌橋路掃到尾已經夠，頂多咪入石門 U turn，反正一城總站又冇入，廣黃都係願者上釣。港島嗰邊976都係中環掃到落東區，但係要平衡速度嘅行海皮似乎適合少少，無謂入電車路。

tina 發表於 2024-3-25 23:33
則係叫九巴割條線出嚟比晒城巴
之後城巴又會覺得沙田去東區又比咗九巴叉隻腳入嚟
唔易做的

一條聯營一條獨營在分配上確會有拗撬，主要原因還是兩線於07:30幾乎同時開車，所以替代方案為07:19、07:30(合併走線之982C)、07:42 & 07:55；若說中上環再到西灣河停站嫌多，由石門邨、小瀝源再返回大涌橋路停站一樣多+繞路，除非980A改由廣源邨/黃泥頭開出，並改行夏慤道&告士打道，否則新走線只能這樣。某個把950、955合併的post都收到不少合線沒必要的反映，當然4條繁時線載客率不相同屬正常，我的出發點本身先是改善載客率，之後才是行車時間和里數問題，950 & 955兩線客量仍有待提升。

106116_1023 發表於 2024-3-26 00:14
我都唔明點解你想比晒城巴，無好處，日常既九巴月票客點算
去中環就唔好撈埋去東區，正如980X都唔會撈埋988 ...

正常，由於1️⃣分屬680 & 682系列；2️⃣脫胎自均已取消的680A & 682X線；3️⃣分別自石門 & 泥涌開出，根本風馬牛不相及，而是因為986 & 989下繁有合併計劃才出post的。你可以看一下我的另一回覆，替代方案是把07:31的980A變成982C，其餘3班依舊是980A。真要想加併988，取消太康街分站，改停「太安街、海晏街 & 愛秩序灣道，筲箕灣道」後跟82X線往藍灣半島方向這般行即可，但這種怪獸走線實難讓人接受+過長，此時要考慮車長精神狀況+乘客乘坐體驗。

zacharyho907 發表於 2024-3-26 09:20
正常，由於1️⃣分屬680 & 682系列；2️⃣脫胎自均已取消的680A & 682X線；3️⃣分別自石門 & 泥涌開出， ...

你由德輔道中碌到灣仔先至上橋過北角入東區
去東區差唔多要坐成個鐘車
咁碌法已經趕走晒啲東區客
原來班客上番大老山轉車好過

kmb71k 發表於 2024-3-29 08:10
你由德輔道中碌到灣仔先至上橋過北角入東區
去東區差唔多要坐成個鐘車
咁碌法已經趕走晒啲東區客

如是者，原先四班車全先停上環至灣仔再到北角，替代方案係只開一班，若不停內街則改停「海港政府大樓&怡和大廈，干諾道中；政府總部，夏慤道；香港演藝學院&入境事務大樓，告士打道」以縮短車程，惟會因海底隧道往九龍入口的車龍倒塞而抵消。

zacharyho907 發表於 2024-3-26 09:20
正常，由於1️⃣分屬680 & 682系列；2️⃣脫胎自均已取消的680A & 682X線；3️⃣分別自石門 & 泥涌開出， ...

你指的986 & 989下繁有合併計劃，係下繁，兩者港島區路線相同，大半車程不太受影響，而下繁放工班次唔同趕返工班次，放工班次車程長少少問題唔大，但趕返工班次遲少少已經好大鑊，所以唔好同986 989比較。
如果你認為980A唔夠客，可以建議減班，可以改路直接走線吸引乘客，例如黃泥頭>廣源>第一城>富豪麗豪>港島。
而唔係要沙田返工客兜中上金灣去東區，人地坐番682/B仲直接。就算你話行海皮，原本982C客都要焗兜廣源同埋等中上金灣客落客，同埋不確定塞車風險，始終同直出北角相差好遠，返工客都係難以接受。
同埋仍然欠理據點解比晒城巴做。原本九巴月票客點算？


樓上有人話「976都係中環掃到落東區」，錯！實際上只係停港碼、海港同國金3個站，並非中環掃到落東區？金鐘灣仔根本無站！