[延期26/3發售] 八達通今日(25/3)起推出全國通卡

kei_hk 發表於 2024-3-26 14:17
我真係唔知大陸有分不同的卡種﹐可否講解一下﹐或者指示一下邊處有得睇。

照你所講﹐大陸的交通卡在跨市 ...

照你所講﹐大陸的交通卡在跨市使用﹐真係要用家慢慢試才知道?

係啦，只要係交通聯合全國一卡通咭都係噉，當地啲機唔更新數據，就滴唔到咭，反正@西dorsi 測八達通·全國通卡已經奶嘢喇，佛山除咗廣佛綫、廣州7號綫順德段嘅廣州地鐵閘機，其他機都碌唔到，好彩佢冇搭去順德歡樂海洋站，否則又要山長水遠返北滘公園站出來再用其他方式過去

Danny.lin 發表於 2024-4-4 12:04
係啦，只要係交通聯合全國一卡通咭都係噉，當地啲機唔更新數據，就滴唔到咭，反正@西dorsi 測八達通· ...

其實只係未更新， 比d 時間更新就解決啦， 小問題

HHHyyMM 發表於 2024-4-5 13:52
其實只係未更新， 比d 時間更新就解決啦， 小問題

如果真係收費終端機的更新問題(軟件/data)﹐即係反映緊有系統性問題﹐所以上面有人講﹐連國內人都要慢慢去試伏。

無理由每推出一款(類)卡﹐就要更新才用到。

又或者講﹐針對八達通這張卡來講﹐由於係全新產物﹐卡內新增了匯率及對兌功能﹐由測試去到推出﹐都用左最少1年。
有乜理由仲有地方未更新收費器

真係唔知係人力物力問題(真係太多收費器所以做唔切)﹐定係山頭主意問題了。
前者﹐都幾明顯係監管不力﹐無去定出時間表去執行﹐令到新卡推出之時﹐已經更新所有收費器。
後者﹐國內文化﹐不能評論。

昨天看到這條影片，提及如果第1程車是搭了收費機無駁上網的交通工具（例如：巴士）便會出現無法辨認的問題，另外如佛山市無法使用：
https://www.youtube.com/watch?v=XuL_OfGQmJo

hkaiw 發表於 2024-4-7 17:00
昨天看到這條影片，提及如果第1程車是搭了收費機無駁上網的交通工具（例如：巴士）便會出現無法辨認的問題 ...

另外如佛山市無法使用

  唔只，仲有其他車迷測到廣州地鐵集團旗下廣東城際公司嘅幾條綫路唔支持：18/22號綫（4月復活節假期結束前碌唔到，但後來又得咗）、廣清城際綫、廣州東環城際綫、佛莞城際綫、莞惠城際綫（城際鐵路綫嗰度話等四綫聯通時一併升級） 。

提及如果第1程車是搭了收費機無駁上網的交通工具（例如：巴士）便會出現無法辨認的問題，

    深圳公交車嗰個唔係聯網問題，主要都係咭晶片判別識別問題，深圳通有一批咭係同八達通一樣用Felica晶片，導致有識別問題，同廣州羊城通公司出嘅嶺南通·羊城通·八達通·全國一卡通咭一個情況，需要喺其他交通工具碌一次先可以用，而深圳通公司出嘅互通行·全國一卡通咭係設置咗複雜嘅邏輯先可以避免衝突，八達通嗰度都冇深圳嗰一種設置，自然先有噉嘅情況。

         不過都比之前未更新機器時好好多喇，之前因芯片識別問題導致用唔到，先搞到廣州羊城通公司出嘅嶺南通·羊城通·八達通·全國一卡通咭嗰時要標註：「深圳地鐵除外」