[新聞]政府已要求港鐵研究北環線與中鐵線連接的安排

Ricky403 發表於 2024-5-3 23:29
市區線紅綠藍已經開到最大運力
紫如果維持2+1亦係最大運力

就東鐵而言，目前係未夠車嘛
仲有空間開到最密29班+額外投資擴展到10卡
加唔加車背後係成本效益考慮，唔係見有人上唔到車就要額外投資買車改訊號系統

簡單舉個例子某站周一至周五朝早繁忙時間有半個鐘頭直情迫唔到上車
而因為咁就要額外買車？
呢個情況每星期加埋先2.5個鐘，先佔整個星期168個鐘頭入面嘅1.5%時間
其餘98.5%時間成架車就多餘咗
咁呢個投資係咪合理先
反而用其他方案錯開客流會唔會更善用到現有資產？

同樣出面自由市場會調節返個需求
飛機票價會上下浮動、用電有高峰低谷電費、call車有繁忙時間收費

kt241 發表於 2024-5-4 16:06
就東鐵而言，目前係未夠車嘛
仲有空間開到最密29班+額外投資擴展到10卡
加唔加車背後係成本效益考慮，唔 ...

你呢套理論可唔可以無限延伸？東鐵過海都可以唔使起，隧巴逼爆都只係早繁一個鐘，自由市場可以解決到。

好明顯唔可以咁講。原因在於東鐵過海係回報大於收益嘅投資。我想社會應該有共識，買多幾抽東鐵列車去用盡29tph嘅設計能力，非常有機會有正回報，係值得做。

kt241 發表於 2024-5-4 16:06
就東鐵而言，目前係未夠車嘛
仲有空間開到最密29班+額外投資擴展到10卡
加唔加車背後係成本效益考慮，唔 ...

你用24小時 x 7日計無意義
一日24小時當中起碼有4-5個鐘係要用黎保證其餘18-19個鐘服務穩定
而又按你呢個邏輯，咁最有效益一定係只提供一個拉勻全日06-24點呢18個鐘夠載嘅班次，尾班車夠載就過骨
但返放工時間唔係打工仔自己決定到，加埋開市收市銀行開門閂門啲時間定死哂，咁有個繁時 vs 非繁個需求差距，一定無得喺鐵路運作上面咁有效益㗎喎，否則成班打工仔被不合作，黎生想返工但等N班車都上唔到，重演2019塞爆鐵，塞到林鄭都要跪低講明撤回去平息反修例件事嗰種，鐵路公司自己車務運作呢盤細數緊要啲定成個地區個經濟緊要啲？

「自由市場會自動調節番需求」
大部分人都想返放工時間可以自由決定🤔但係你又諗下，當銀行每日海鮮地喺06-24時揀8個鐘開門，政府機構又每日海鮮地喺06-24時揀8個鐘開門，係當日儲齊人返工先話到畀你知嗰種，社會會點樣？

sunhoo 發表於 2024-5-4 16:46
你呢套理論可唔可以無限延伸？東鐵過海都可以唔使起，隧巴逼爆都只係早繁一個鐘，自由市場可以解決到。

...

香港起新鐵路主要係通過更快同舒適嘅車程，增加打工仔地域彈性(geographical mobility)，收鑊經濟效益
令到因為交通唔方便而要求更高人工或勞力供應不足 (例如之前B2版沙田圍返柴灣罷搭986 post，樓主提到因為喺柴灣工業邨所以勞力供應較少推高人工) 嘅情況減少

Ricky403 發表於 2024-5-4 17:00
香港起新鐵路主要係通過更快同舒適嘅車程，增加打工仔地域彈性(geographical mobility)，收鑊經濟效益
令 ...

認同提升交通可達性本身就係好大嘅效益。

kt241 發表於 2024-5-4 07:59
打爆車/有客上到唔車只代表當刻運量不足
唔等同到達線路設計運力上限
最簡單加車加班係可以解決到

請問上繁荃灣綫仲有幾多加班空間？

jpoon 發表於 2024-5-4 20:29
請問上繁荃灣綫仲有幾多加班空間？

好似B1咁開幾架車一齊上客都有個極限，莫講話鐵路要跟通風、信號系統。

巴士的膠 發表於 2024-5-4 00:09
咁都可以向外搬去元宇宙，即係香港請個講北話嘅專才，老闆可能係移咗英美澳加，遙控指揮。

個專才仲可以 ...

每間公司需要用嘅樓面面積減少 租少咗嘅樓面可以租俾而加租緊遠啲地方嘅公司 相當於通勤需要更加集中
特別係如果啲公司用hot desking嘅話，每個辦公空間實際上有人返緊工嘅機會仲多咗

kt241 發表於 2024-5-4 16:06
就東鐵而言，目前係未夠車嘛
仲有空間開到最密29班+額外投資擴展到10卡
加唔加車背後係成本效益考慮，唔 ...

咁你叫d 僱主攪彈性上班時間啦

叫學校攪彈性返學時間咪解決到

天空之神 發表於 2024-5-8 19:56
咁你叫d 僱主攪彈性上班時間啦

叫學校攪彈性返學時間咪解決到

你發晦氣冇用呢個世界好現實乜都睇效益/成本
塞車、搭車迫爆、某啲站上唔到車點都會繼續存在落去
冇效益商業公司唔會做
東鐵新車、屯馬線新購、改裝車全部都係政府食，唔係鐵路公司自己孭條數

要想西鐵加車？鐵路公司一定唔會自己食條數
政府肯包底就擺落屯門南延線、洪水橋站度出數先有得加車


中鐵線擺明畫餅，仲話葵涌加三個站，畫得離譜過東九龍線

同九龍地下城一樣拖拖吓就冇咗件事