城巴推出無廣告簡易版應用程式「城巴易」

KE7066 發表於 2024-4-23 00:47
價錢基本上唔會變，明顯次要過緊急告示好多，個道理唔係一樣

其實我覺得係有個更加簡單嘅原因：唔記得加
可能真係純粹 UI/UX design 嗰邊冇為意價錢呢個問題，畢竟主 app 都只係用好細嘅空間去 show，可能真係冇為意要加。即係如果而家要你講出城巴 app 入面所有 variable，你都應該唔會講得晒。

以之前城巴唔小心喺 Play Store 上架錯咗華為版 app 搞到全世界死機嘅經驗，呢啲低級錯誤絕對唔係冇可能發生。

況且，既然緊急告示同通告咁重要，咁佢好應該開放個 api 俾第三方用，一陣啲人唔知改道其實都好大鑊。

asv98.kw131 發表於 2024-4-23 03:02
其實我覺得係有個更加簡單嘅原因：唔記得加
可能真係純粹 UI/UX design 嗰邊冇為意價錢呢個問題，畢竟主 a ...

唔好用自己角度去諗呢個問題
你又不如問下身邊/識既長者究竟有幾多人係真係會睇錢上車
而且巴士公司成日都想人係貴車短搭..唔寫價錢俾你自己決定上唔上A車有機會賺多幾蚊唔好?

有其他ching覺得呢個app冇寫價錢唔應該既
你咪去用番主app睇廣告囉
而家又唔係冇得俾你揀
家下整多個app for長者明顯俾佢地睇ETA同改路資訊
個個人需求唔同唔滿意咪自己寫個app自用囉堆野咪又係open source

asv98.kw131 發表於 2024-4-23 03:02
其實我覺得係有個更加簡單嘅原因：唔記得加
可能真係純粹 UI/UX design 嗰邊冇為意價錢呢個問題，畢竟主 a ...

唔會啦

(小弟曾參與過APP開發項目)

基本上spec/requirement/UX
一開波已經傾好晒
之後先可以交比development

同埋唔好講到加個價錢牌好簡單
development要做幾多野可能超出大家想像
另外SIT都要COVER價錢牌都用多左effort

不過有樣可能性係
隻APP有預留價錢牌
但只係OFF左佢唔SHOW
如果有做只係turn off
基本上開左就得

asv98.kw131 發表於 2024-4-23 03:02
其實我覺得係有個更加簡單嘅原因：唔記得加
可能真係純粹 UI/UX design 嗰邊冇為意價錢呢個問題，畢竟主 a ...

況且，既然緊急告示同通告咁重要，咁佢好應該開放個 api 俾第三方用，一陣啲人唔知改道其實都好大鑊。

要推動智慧城市用 GTFS Realtime 提供資訊比第三方我支持架

但唔認同呢樣係提供 ETA API 連帶嘅責任

kay 發表於 2024-4-23 07:09
唔會啦

(小弟曾參與過APP開發項目)

咁的確都有呢個可能性

sunhoo 發表於 2024-4-22 17:33
「無廣告」呢個賣點真係捉住對家弱點來打

App 1933 真係刷新三觀: 夠膽死 load緊全頁廣告嗰陣 喺面頭彈多個全頁廣告
仲要交叉位置唔同, 成日唔覺意撳咗入去
再加上有啲頁面(例如「車程」)係指定必出廣告, 最犀利試過4層full page ad, one on top of another

魔雪巴士頻道 發表於 2024-4-24 06:13
App 1933 真係刷新三觀: 夠膽死 load緊全頁廣告嗰陣 喺面頭彈多個全頁廣告
仲要交叉位置唔同, 成日唔覺意 ...

其實最好笑係九巴班USER覺得無問題
換轉其他公司一早FIX左

反而植入式廣告
之前既麥炸雞咪好少少
玩花個地圖但起碼唔會阻住人用

首先要明白點解佢無啦啦會整多個 app 出嚟。樓上已有版友講咗，好明顯係喺某啲 project 底下，份新聞稿亦都喺第二句就清楚講明「為長者及傷健人士度身訂造」。如是者個 project manager 或者寫 requirement 嗰班人就一定係圍繞住呢班 target user 嘅需求嚟寫，咁價錢咪因此而飛走咗。

而有版友提及話 show 通告難過 show 價錢。如果有留意仔細啲，應該會發現無論係特別提示定係乘客通告，甚至係班次，其實都係 call 緊現有網站，即係你喺城巴網站見到嗰啲（城巴網站只係喺一個 interface 下 fetch 唔同嘅網站），而價錢如果佢要再 show 出嚟，技術上係煩好多。當然呢樣嘢就唔應該成為藉口，但既然趕住起貨，咪 skip 咗呢樣嘢。

但有樣嘢真係差，要喺度提，就係個班次 show 唔到係咩走線。你㩒條而家冇車嘅走線出嚟，喺啲重疊嘅站都係有時間出，會令人以為而家有車。攞條 73 嚟講，朝早你㩒條去數碼港嘅走線出嚟，喺赤柱至華富各站都會有即班車嘅時間，但呢堆車全部都係去華富，唔入數碼港，唔熟呢條線嘅人，咪會覺得呢堆車去到數碼港，因為上面條走線係寫住去數碼港㗎。

既然都顯示到距離（which 我覺得唔會重要過價錢），點解唔顯示班車嘅走線？

app點賺錢? 賣廣告 宜家賣唔到廣告，點賺錢? 就用唔顯示價錢 令啲客搭啲車俾多少少錢 賺番黎囉，呵呵

AVBWU291 發表於 2024-4-24 09:18
首先要明白點解佢無啦啦會整多個 app 出嚟。樓上已有版友講咗，好明顯係喺某啲 project 底下，份新聞稿亦都 ...

但有樣嘢真係差，要喺度提，就係個班次 show 唔到係咩走線。你㩒條而家冇車嘅走線出嚟，喺啲重疊嘅站都係有時間出，會令人以為而家有車。攞條 73 嚟講，朝早你㩒條去數碼港嘅走線出嚟，喺赤柱至華富各站都會有即班車嘅時間，但呢堆車全部都係去華富，唔入數碼港，唔熟呢條線嘅人，咪會覺得呢堆車去到數碼港，因為上面條走線係寫住去數碼港㗎。

走線應該好早期已經比官方排次序排到好後

事關城巴自己公開 API 都只係得目的地資訊
最多應該只係分到短程
複雜到 6 號果隻 spaghetti 就似乎無考慮過

反而見到一個明顯 bug 係揀路線個預設走線走曬樣
依家一點幾㩒 73 往數碼港會 default 黃竹坑短程
95C default 鴨脷洲邨 <-> 置富