九巴286A開辦消息

kay 發表於 2024-5-2 11:33
拆東牆補西牆其實都預左有問題

不過諗去點樣重組

九巴比心機去拆牆的 270 273B 70K 方案都撤回，其實都見到區議會取態係點，尤其是新 270 來往清河翠麗其實係有減價。不過都側面證明到九巴唔係唔會諗拆牆，只不過要連過 TD 同地區唔簡單。

係 86A 變 286A 呢一單，本身有 86C 同 87B support 先至改得咁輕鬆。

286C 問題係南行太慢，站位又差，反而北行深水埗上車都仲快過 86C，欽州街總站上車站位又唔差。86 呢一組，反而要諗的係白田石硤尾有乜係 essential 冇得 cut。286A 大圍 + 86 沙中威院 + 86C 石門。九巴想要的野，286 填海區青沙特快，加價，斬 86C，286A 加快回車。

跳返出框諗，86 做埋石門 + 286A 基本上處理左石硤尾需求，286C 南行沙田醫院直出行沙瀝紅梅谷就可以抽走 86C 馬鞍山段，剩返黃泥頭富豪花園就夾沙中砌一條 286 做填海區特快，沙田事沙田了，唔需要諗河西 72 81 86 麻煩問題，已經簡單好多。

kay 發表於 2024-5-2 03:33
拆東牆補西牆其實都預左有問題

不過諗去點樣重組

我覺得大方响傾向priority先，定佐大方向定細節就會諗limitations。

是但一邊砌唔掂，do nothing隨時會係更佳選項。

舉個唔係太現實嘅例，經大老山出黃大仙嘅接駁線，
步緊九龍塘M線嘅後塵。
Priority就係搵D新客返黎，或者收咁D車。

如果條86改為濱景開跟82X出到黃大仙，再跟2F或214條路去美孚，
可以食埋86呢水嘅客。兼且收起82X嘅車做其他野。
如果跟2F行，甚至可以幫2F全線改特快。
呢度就係vision。

到細節，源禾路市中心無86，哦咁就調86C啦；
若果跟2F行，廣源黃泥頭會快少少，但係愉翠苑第一城會慢幾分鐘，定係中間停少幾個站/頭段跟2F、尾段跟214出長沙灣道追番D時間？
搭開2F 82X嘅客貴佐會嘈喎，整雙向分段補數？
若果跟214，全部客都快佐，但兩線會唔會互相𠝹客呢？
深水埗黃大仙客多到原本嘅入沙田客上唔到車，搞到客量大細邊呢？
慈雲山客會唔會眼紅自己無特快份？

原來咁多問題，都係以不變應萬變乜都唔好做啦。

九巴青沙快線286A周日投入服務 每朝大圍特快前往美孚長沙灣

九龍巴士（一九三三）有限公司（「九巴」）將於5月5日（星期日）起開辦全新286A線 [沙田圍 – 長沙灣（循環線）]，每日上午服務，往九龍方向取道青沙公路直達美孚，為沙田圍及大圍一帶乘客提供特快前往荔枝角商貿區的出行方式，預計由大圍前往美孚只需約10分鐘*

https://www.kmb.hk/news_detail.html?id=897&year=2024

運吉通告: https://www.td.gov.hk/tc/traffic_notices/index_id_75476.html

rheneaschoi 發表於 2024-5-2 15:57
https://www.kmb.hk/news_detail.html?id=897&year=2024

九巴係唔係漏左 87B 轉 2B 2F 214 86 86C 轉乘比世界花園？

s3n370 發表於 2024-5-2 15:36
我覺得大方响傾向priority先，定佐大方向定細節就會諗limitations。

是但一邊砌唔掂，do nothing隨時會係 ...

214 在欽州街再等右轉出長沙灣道追時間呢一下係咪追番時間好有保留，好多時第一支燈都過唔到

s3n370 發表於 2024-5-2 15:36
我覺得大方响傾向priority先，定佐大方向定細節就會諗limitations。

是但一邊砌唔掂，do nothing隨時會係 ...

大致同意。但講到 limitations，除左 granular level 有邊個細節位可能唔郁得，或者可能有好多人彈出來反對之外，其實 big picture 本身都有限制，而呢樣野反而係最多人唔為意

就係唔可以一次過搞太多條路線、架床疊屋，大部分情況下亦唔可以將唔關事、唔同區路線溝埋一齊重組

你舉出呢個例子正正可以用來例證呢點。改 86 行大老山搞到源禾路中心要補位，於是就拉條 86C。然後肯定又會有人彈出來問富豪花園、乙明邨搵咩野補，於是又會呢邊有人提出延長條 86A，果邊又會有人提出改條 286C，百家爭鳴。但共通點係拆東牆補西牆，然後又拆北牆補東牆

咁到底應該幾時停止拆牆？一個滾雪球式、牽連廣泛既重組方案，就咁不知不覺間誕生左。大家以為補晒咁多個位就乜事都無，但實際上真係要寫落 RPP，有咩人、幾多人受影響，就算有一程過替代工具，影響人數同幅度都可以好大

而同一時間，地區層面固然會有人捉住一兩個細位嘈，但更大可能係成班人彈出來問點解要搞到咁大。現實係根本無乜人想搞咁多野 all for nothing，至少果班無因此受惠既人一定咁諗

大家以為乜位都要補到十足，但望返過去十年 RPP，更多係細位索性唔補、畀個 BBI 或者叫人行多幾步就算，至少擺得上 RPP 先，亦唔一定過唔到。事實係鑿穿人地一個大窿去補細窿既方案係唔會有機會落實得到，但大家就因為成日見到有人彈出來嘈一兩個細位，而唔記得左呢點比起影響唔太大既細窿，係更大 limitation

當然我就唔係話 86 飛起源禾路沙中係細窿，事實上石硤尾無左車往來沙田巿中心係好大既窿

十幾年前個 6D 40 重組，咁樣將兩個區既線炒埋一碟去做，已經係好極限，擺得上枱都係因為 6D 同改路前 40 重疊程度太高。聞說厹當時無諗過個重組擺得上 RPP，更無諗過最後原來只係因為厲鬼城而差少少通過唔到。但再望返呢十年，自從區域重組名存實亡後，都無試過咁樣做重組了

S3BL100 發表於 2024-5-2 21:24
大致同意。但講到 limitations，除左 granular level 有邊個細節位可能唔郁得，或者可能有好多人彈出來反 ...

其實當年286都玩到好大
講既係86 86C 286C都要改線或減班

不過有樣野真係要問下d重組KOL
拎返當年286建議
九巴似乎無打算搞河西青沙出西九
但因為開左286無受惠下都要減86班

如果話280X上青沙轉車已經代表有選擇
咁其實無必要再度一條線出黎

kay 發表於 2024-5-3 09:00
其實當年286都玩到好大
講既係86 86C 286C都要改線或減班

睇來睇去，九巴搞 86 系列，目標從來只有一個，就係減少河西可以用 $7.1 出城的乘客的同時，唔好跌咁多客去 MTR。

對九巴而言，最理想當然係全部收晒 $10.9，但係收 72 的 $10.6 或者 86 / 86C 回程的 $9.8 都唔差，所以平價 86A / 286A 再擴大服務範圍應該唔係九巴想做的事，要佢減價九巴寧願維持現狀。換言之好多人提倡過的 86 / 86A 河西河東分工都唔太可行。

2076 發表於 2024-5-3 15:11
睇來睇去，九巴搞 86 系列，目標從來只有一個，就係減少河西可以用 $7.1 出城的乘客的同時，唔好跌咁多客 ...

7.1都係平86A少少啫，88K-87B收緊5.2添。

我反而覺得係開發新市場為主，無論240X、286A都係瞄準返工客，呢掏客本身86系列市佔唔高，反而86系列本身做緊堆街坊客、行街買餸客。

另外，行大老山對馬鞍山、小瀝源係快同直接。用返樓上個例子，如果281E改跟82X出入大老山，之後飛天橋，對廣黃愉翠都快咗，條尾仲可以去埋碩門邨。