探討中九龍幹線

天空之神 發表於 2024-4-29 00:33
https://maps.app.goo.gl/A3D7czSoPYm3NmfY8?g_st=ic

一係就要咁樣劃足哂線咪得

呢度咁畫無問題，但拎去皇后大道東就會出事。

解釋之前，先講响乜正常非緊急情況下可以過雙白線：

又係374G嘅時間：

11.雙白綫
...
(3)凡在車路上放置連續雙白綫或附有虛綫的連續白綫，則車輛的司機在必要時可讓其車輛在連續雙白綫或附有虛綫的連續白綫上行駛，或駛越或橫過該綫，以便 ——
...
(c)除第(4)款另有規定外 ——
(i)如該車路組成一條靠左駛道路，或包括在一條靠左駛道路內——右轉駛入或駛出任何與該車路毗連的道路、處所或地方；或
(ii)如該車路組成一條靠右駛道路，或包括在一條靠右駛道路內——左轉駛入或駛出任何與該車路毗連的道路、處所或地方。 (2017年第63號法律公告)
(4)凡道路標記是將朝同一方向行駛的車輛分隔，則第(3)(c)款並不授權任何司機在連續雙白綫上或在附有虛綫的連續白綫上(如該連續白綫距離該名司機的車輛較近)行駛，或駛越或橫過該綫。 (1986年第221號法律公告)

柯士甸道廣東道呢條雙白線，
唔會影響廣東道直去（條線並非分隔廣東道直行嘅車），
廣東道北行右轉入柯士甸道，及柯士甸道西行右轉入廣東道
（符合(c)(i)合法越過嘅情況）

而若果皇后大道東及黃泥涌道交界都咁劃的話，
咁皇后大道東嘅車就不能合法轉上堅拿道天橋，只能去摩利臣山道。
因為皇后大道中同黃泥涌道都係靠左駛，
而皇后大道東上橋係左轉。
第(4)項直頭畫公仔畫出腸。

你再比較下呢個路口前少少，厚德里對出條線點劃就明。

castanopsis 發表於 2024-4-29 12:03
我錯有乜所謂，係人都會錯，無死撐
純粹係想講，版友提醒話又雙白線之後，我一直都唔認為巴士可以咁行，所 ...

我估你問得分分秒秒都發生緊嘅事，應該唔係單純犯唔犯法。
而係你認為因為大把人做緊，所以呢個做法有問題，
易引人誤會有灰色地帶？

Mean嘅答法係，呢D司機連例都唔識，個牌淘番黎架？

積極嘅答法係，你話分分秒秒都發生緊，
即係多數人都錯定只有少數人會？
係咪條例、守則唔清晰，定係明知故犯？
（下刪N條問題）

唔同人、唔同位置、唔同時空都可以有唔同原因架喎，先至可以對症下藥。唔同人嘅睇法、要求甚至有時會mutually exclusive，咁就考起做嘅人啦。
是故交通運輸唔係剩係計死數，仲要只係計死一兩個parameter囉。
話時話，成日都聽到政府會針對超速、酒後駕駛、遵守交通燈號，甚至著車頭大燈做宣傳，印象中好似無針對唔跟箭咀/強行修正嘅宣傳（有錯請指正）
咁其實係咪真係你講到咁普遍呢？

其實問題核心係，迴旋處內無雙白線時，係無論在迴旋處內點cut線都合法，定係只有依照入迴旋處前的道路指示去使用迴旋處先合法？

假設入迴旋處前嘅指示有講直行/左轉/右轉分別應該點行，但係無講埋u-turn。咁係埋在呢個迴旋處u-turn就係違法？

sunhoo 發表於 2024-4-29 13:08
其實問題核心係，迴旋處內無雙白線時，係無論在迴旋處內點cut線都合法，定係只有依照入迴旋處前的道路指示 ...

無禁止的事便是合法

利申:無車牌


大家講咁耐，我又好似無見過呢個迴旋處有迴旋處標誌
又順手睇下街景

s3n370 發表於 2024-4-29 21:11
無禁止的事便是合法

認同呢個準則。入迴旋處前嘅指示，如果以地面箭咀畫出，就係禁止唔跟箭咀嘅行法。如果以路牌方式畫出來，唔代表禁止無違反其它規則嘅行法。

好似呢塊牌無畫埋u-turn出來，唔等於呢個迴旋處禁止u-turn。

1181174166 發表於 2024-4-29 21:17
利申:無車牌

塊牌咁畫，應該唔會再有爭議啦吧

sunhoo 發表於 2024-4-29 13:19
認同呢個準則。入迴旋處前嘅指示，如果以地面箭咀畫出，就係禁止唔跟箭咀嘅行法。如果以路牌方式畫出來， ...

無被禁止嘅事係合法的，係普通法嘅重要原則。
有興趣可以睇前港大法律學院院長陳文敏呢段片（https://youtu.be/nnI0hrufLRY?si=J8hQmdABb-XLFy0w）

你呢塊路牌屬提示性質，大多數情況下唔會有限制事項。除非好似樓上加佐圓形指令牌。

另外順帶講下道路使用者守則，除非完全足不出戶，
否則一落到街，人人都係道路使用者，
呢份守則其實包哂所有人，無論有冇車牌都值得睇睇。

s3n370 發表於 2024-4-29 20:43
我估你問得分分秒秒都發生緊嘅事，應該唔係單純犯唔犯法。
而係你認為因為大把人做緊，所以呢個做法有問題 ...

事先聲明
呢度已經同櫻桃街既討論唔相關
個度大家有agreement，唔使再討論

我估大家覺得confusing既係
如果無燈位，迴旋處之前有箭咀
發現行錯線，入到迴旋處之後，打燈切線修正
呢個做法有無問題

你上面#91，quote咗呢條例

道路標記 方向箭嘴
此等箭嘴向交通車輛顯示適當的行車線。在它們用於通往髹有第506、507、508號圖形所示橫線的路口交匯處的道路上時，各條行車線上的車輛在駛過此等橫線後，須按箭嘴所指的方向行駛。

係咪只適用於燈位橫線？迴旋處讓線，係咪唔適用？

我#96嘗試理解條文釐清：

跟你quote既條文，即係個重點係因為有燈位

然後你#99就開火話我亂up一通

Quote哂條文都仲可以亂up一通...
重點唔係迴旋處，亦唔係有無燈位，而係停/讓線前有無箭咀呀。

究竟重點係有箭咀，定燈位橫線？

真心求教
以下呢個例子，入錯咗線，迴旋處係咪就算無車都唔可以修正？

castanopsis 發表於 2024-4-30 07:28
事先聲明
呢度已經同櫻桃街既討論唔相關
個度大家有agreement，唔使再討論

係咪只適用於燈位橫線？迴旋處讓線，係咪唔適用？

當然唔係，你 quote 嗰條例都寫得好清楚：

道路標記
方向箭嘴
此等箭嘴向交通車輛顯示適當的行車線。在它們用於通往髹有第506、507、508號圖形所示橫線的路口交匯處的道路上時，各條行車線上的車輛在駛過此等橫線後，須按箭嘴所指的方向行駛。

樓上已經有講 506 係燈位停車線，而 507 係停牌雙白線，508 係讓線

究竟重點係有箭咀，定燈位橫線？

你再望清楚上面條文點寫，應該就會明白兩樣都係重點