減班後的九巴96線

asv2 發表於 2024-5-3 14:51
你都識講廉價，九巴做大佢做乜？

齋靠白石角來往將軍澳，假日應該一個鐘一班都畀多咗佢🤭
大埔基本上對家開79之後就腹背受敵，無得搞

AVBWU291 發表於 2024-5-3 15:40
特工聲稱九巴想開條唔經白石角，同埋兩邊走線有調整（冇記錯嘅話）嘅 96X，不過價錢就去返正常水平，結果 ...

大埔段應該係入番廣福道然後跟一般路線咁入大埔中心

依家呢個走線對街客而言根本同冇係冇分別
結果都係繼續塞爆74X

基本上30分鐘或以上一班嘅車，都一定係睇ETA先會考慮下等，否則一般唔會放入考慮list
上面有講，走線又bug，價錢低又累死九公，而且玩到TD依家唔比賤價入標，部份新區硬食貴到飛起嘅屎水，對乘客根本得不償失。
好心唔好乜都招標，次次都搞到亂七八糟

Fuk19805 發表於 2024-5-3 13:42
96個問題係佢入白石角，但係又完全放棄晒大埔客倉：大埔嘅客倉主要係大埔中心同廣福邨廣福道，而家條線係好 ...

大埔特登避開74X沿路客倉
不過招標線無可避免，一日未開標都話搶原有舊公司客
但做客倉又話兩條線區內重疊爭客
究竟客倉用兩條線一齊做好
定係
新線獨市位發掘新客同時改善以往冇74X直達嘅個別大埔地區嘅交通好
都有排拗
如果唔係收得平
74X/96兩線連埋90/97/其他大老山轉乘可以補足所有弱點，增加覆蓋範圍

96 平日可靠科學園打爆，假日則純粹遊車河線，和白石角 - 大埔流水。

tx96 發表於 2024-5-3 14:04
798到沙田站駁鐵較快, 96駁鐵要到大埔墟站先可轉乘較耐;
96兜入白石角方便科學園一帶公司及居民,但導致去 ...

而且寶琳、坑口搭798明顯快過96上觀繞

好明顯96將軍澳嘅主要客源來自將南，798就通殺，如果同一時間喺銀澳路/煜明苑開出，基本上都差不多時間到大老山

ccchhhuuunnn 發表於 2024-5-3 18:20
大埔特登避開74X沿路客倉
不過招標線無可避免，一日未開標都話搶原有舊公司客
但做客倉又話兩條線區內重疊 ...

講真其實唔會發掘到幾多新客倉

汀角路嗰邊唔係工業村繁忙時間其實係得小貓一兩隻，出到去大埔舊墟與其等班45分鐘嘅車不如行去大中搭其他巴士，又或者行去太和火車站，跟住去到大中一田已經係大埔最多人上車個站，之後南運路冇乜居民又係遊街，最後運頭塘又係大大條鐵喺隔離，死路一條，到白石角又係冇乜人坐，純粹入去陪等燈，成件事其實有啲雞肋，可以話係74A 2.0，洗濕咗個頭基本上冇得返轉頭，大埔-將軍澳、白石角-九龍東，呢2 part已經搞到條線焗住繼續做

反而我一直覺得與其成日大埔中心大埔墟、富亨富蝶、白石角 三派成日互相嘈，不如有啲大線拆吓佢哋，3條富經新興直出入白石角，另外拆條大中大埔墟嘅線，反正富蝶咁多居民都始終有需求，富亨又成日嫌大埔兜足半個鐘，廣福又嫌富亨車出到富亨冇位上車，不如順便疊埋富善一齊出白石角，反正入白石角點都快過兜晒全大埔，對全大埔都有利。個人覺得可以74X或者96開條分支，再加271B/272X，用2條全日線咁樣行，一次過搞掂晒富蝶概念股同白石角黑洞兩個問題

GK3258 發表於 2024-5-3 18:09
基本上30分鐘或以上一班嘅車，都一定係睇ETA先會考慮下等，否則一般唔會放入考慮list
上面有講，走線又bug ...

唔俾賤價入唔等於要開貴價，而且低價又唔等於會中標
睇唔到 TD 有需要禁

而且 96 個 case 唔係低價唔肯加班
而係加咗但生意淡薄
其實佢行車時間唔差，但需求真係低都無辦法

FBI2 發表於 2024-5-3 15:05
日後TD必須阻止巴士公司以平價入標，然後冷待服務的情況。

唔揀個平嘅唔通揀個貴嘅？
假日，唔好搞埋入白石角呢啲狗屎野，或者識入埋大尾督之類收貴一倍我都信有人搭。但父子騎驢，到時就又有人出黎話點解有十蚊唔揀要揀部廿蚊架啦。
當初個個拍爛手掌，招標好呀有平車坐，一搞半全日就露晒底。唔龜縮番去做平日番放工算係咁。