深圳考慮將港鐵東鐵線引入羅湖境內

深圳研北移羅湖站　張欣宇稱東鐵月台逼爆升級勢在必行

深圳羅湖區政府日前表示，長遠考慮將香港東鐵線羅湖站遷入羅湖境內，並在重建後的羅湖口岸實行「一地兩檢」。
立法會鐵路事宜小組委員會副主席張欣宇今早（14日）表示，通關後羅湖站人流高於預計，月台擠滿乘客甚至構成安全問題，故升級車站勢在必行，分別在於是內部整修，抑或要北移連通口岸大樓。

香港01 https://www.hk01.com/article/101 ... utm_medium=referral

TYChow 發表於 2024-5-14 14:12
其實昵件事根本係深圳市羅湖區有個「官長」話：「新建一個『一地兩檢』的羅湖口岸，實現(香)港東鐵從深圳 ...

Jusy saying 如果交椅州搞唔成，閣下嘅幾個從而都唔會發生，而就算推遲幾年都好，完工期近住 2047嘅話，邊境一帶嘅規劃必然會再改。

無論2047之後點都好，都未見得羅湖要食哂嗰頭嘅過境/過海需求，呢幾年羅湖 redevelop唔代表十年後佢仲係主角，調翻轉落馬洲搞完河套之後，福田區/口岸重要性亦會高左唔少。若然香港境內貿然爆多條羅湖向西行嘅線，咁羅湖南本身設計作為南北/東西轉乘站仲有冇必要起到咁大呢？深圳入面東西向鐵路比香港分走左客，又係咪佢地想要嘅野呢？

更甚，假設前面幾個從而都中哂，單係為左完成一條 circle line，而格硬將洪水橋交椅洲鐵路拉到去廿幾公里外嘅羅湖，同北環線完全重疊之餘又 oversupply牛潭尾一帶，同時間元朗南/天北繼續食穀種，又係咪恰當地運用資源呢？

JH_LE4612 發表於 2024-5-14 18:26
Jusy saying 如果交椅州搞唔成，閣下嘅幾個從而都唔會發生，而就算推遲幾年都好，完工期近住 2047嘅話， ...

其實我所指嘅東鐵羅湖西行路線，大概嗰行法會係：
羅湖 - 馬草壟 - 新田 - （穿山） - 蕉徑（蓮塘尾）  - 石崗 - 八鄉南 - 十八鄉 （元朗南） - 洪水橋 ……

所以「牛澤尾」唔會供過於求，而八鄉北、元朗南亦有新增重鐵

但係天北就坳唔到喇！另外元朗附近北面，唔係漁塘就係溶洞，咁樣又點去起隧道呀？

而就算同時有虎地坳同新羅湖站，但係「東鐵西延」（射去屯門）同「北環中鐵」（射向荃灣）嘅角色，其實都係有分別㗎！

rheneaschoi 發表於 2024-5-14 15:21
深圳研北移羅湖站　張欣宇稱東鐵月台逼爆升級勢在必行

其實最主要嘅問題係鐵路車站與過境設施要有較大嘅緩衝區，就可以減少大量過境人潮所造成的擠迫感
如果東鐵北行，過咗上水之後，先轉右貼住「大水管」同文錦渡路，喺嗰度去起「虎地坳站」，由於「北環線」係「東北-西南」走向，故此嗰個位就可以令到兩條鐵路線可以保持平行，方便上下層轉車。（東鐵在上，北環在下）

之後東鐵就轉向北面，再穿過沙嶺，轉左（R=~800m）貼住深圳河（羅湖公立學校地底附近）去起新嘅地底東鐵「羅湖站」（非禁區範圍），上面有個大商場（兼過境緩衝區），東面有個出口去「數碼城」，西面起多條闊橋，俾人過橋之後做一地兩檢返大陸，（唔知係咪重建羅湖「交通樓」），而「R-Train」就可以由羅湖繼續向西行去馬草壟同新田。

（呢個亦都係我反對「R-Train」過河嘅原因，亦要留定空間可以繼續向西行），之不過，「山手線」同台北捷運，其實都要用咗幾十年先至可以併結成環啫！

過境口岸翻修升級係需要，但最重要係合理返列車同乘客嘅走動路線。

（手機系統傳輸錯誤而重複輸入，Sorry！）

搞到咁複雜，落馬洲同蓮塘延長時間同羅湖一樣可以分走堆客，甚至羅湖/落馬洲班次1:1的話，封咁一邊月台慢慢改已經可以。以郁最少基建計，將出閘位移近月台，加上東鐵月台有閘門，已經可以騰出空間緩衝，加上最大努力過唔切都係深圳關過X光機。

即是說東鐵線可直達深圳北部，為將來拆關先行作出準備

唔係好明，香港和深圳都叫嗰度做"羅湖"，根本已經實行咗一地兩檢，兩邊海關腳步距離亦不遠。
個check-in portal 放置在哪個城市的界內根本唔重要，無需為追求形式化，而在羅湖口岸大費周章。

barking 發表於 2024-5-15 20:21
唔係好明，香港和深圳都叫嗰度做"羅湖"，根本已經實行咗一地兩檢，兩邊海關腳步距離亦不遠。
個check-in po ...

一地兩檢係講緊兩邊檢查都係同一建築物之下

其實呢樣嘢2021施政報告咪講咗，而家再拎返出嚟講好似開心大發現咁
比較關心嘅係搬咗之後深圳一邊交通配套會係點，始終而家一過關就有晒火車地鐵大巴方便好多