九巴仔啲 79K 宣傳真過癮

jpoon 發表於 2024-5-24 02:25
有59K/59S都上咗小巴先啦
近坪輋路嘅仲有52K
79K都係執雞多

問題係 52K 你上到車先算

asv98.kw131 發表於 2024-5-24 06:33
問題係 52K 你上到車先算

52K以前都幾密，所以79K都係執雞（唔計沙頭角公路）

學城巴咁喺路線號碼上或下面加返「口岸」又得唔得呢

12Lane 發表於 2024-5-24 01:42
事實唔係PTI一部份，但事實都係行到過去，而口岸亦係附近最主要地標之一。冇strong reason，亦唔代表冇rea ...

第一，「行到過去」同實際總站位置始終係兩回事，混吉唔expect你一條local路線走去做埋佢哋招標B線嘅功能。
而且，師兄你都識講九巴蠢蠢欲動想食呢班平客，咁九巴係咪可以咁均真喺你提及嘅地方先至寫「香園圍口岸」？
係嘅就冇所謂啦，但事實上九巴絕對唔會啦，混吉亦都好清楚佢哋脾性。
唔阻止佢咁做，佢就打住呢個旗號喺粉嶺站咁樣叫人搭車去香園圍口岸。
咁混吉招條B7嚟做乜？同挑戰緊混吉本身嘅計劃有咩分別？
作為做客嘅唔反對你加車，不過你加車同原有要run呢條路線嘅目的有出入，而最後影響到我，我都唔會likey囉
即係咁，成車都係喼，又行李，喺中間站坪輋落車，又要同人迫、同人撞，真心一啲都唔過癮。

hkt133 發表於 2024-5-25 21:55
第一，「行到過去」同實際總站位置始終係兩回事，混吉唔expect你一條local路線走去做埋佢哋招標B線嘅功能 ...

實際位置唔同，但我見唔到一個喺口岸隔離且步程極短可連接口岸嘅車站，同樣叫使用口岸名稱作輔助甚至改埋名係有咩問題。我唔係話叫松園下係錯，而係why not both。
而你講到過左粉嶺站先show口岸就冇問題，更顯奇怪，本質冇變，總站位置冇變，但做法需要有別，邏輯何在？事實條線一樣係去到口岸而且步程合理，斟酌字眼會令件事本質有異？

混吉唔「expect」，但79K唔係村巴，唔係只准居民上車。運吉阻止，最大理由只不過係保護現有投標者，假設B7同79K本身就係同一間公司做，呢一點已經冇野值得講。最多都係淨番閣下講嘅資源分配問題。

至於加車目的同原本run線目的有冇出入，借問聲部車係咪去唔到口岸先？事實係去到，咁目的已經有出入，乘客亦因應口岸增長左，加班車亦已存在，鐵一般嘅事實。

確保沿線乘客上到車係巴士公司責任，但唔代表同條線目的一定有相違背架喎。可唔可以係存在一個scenario，係口岸人潮對路線有所幫補，而沿線居民受惠於班次增加，而又冇出現B7客（唔知為左咩）去大量轉投79k致其中途客上唔到車嘅狀況？而probably而家相信就係接近平衡呢個scenario。
B7本身就係喺自由市場入面較受乘客稱徠嘅一方，市場會自己調節佢同79K or even 59s/k嘅關係，B7服務越到位，自然越少人會去搭79K，B7冇車斷纜嘅，你亦阻止唔到人去上79k，就係咁簡單。

12Lane 發表於 2024-5-25 23:48
實際位置唔同，但我見唔到一個喺口岸隔離且步程極短可連接口岸嘅車站，同樣叫使用口岸名稱作輔助甚至改埋 ...

先講粉嶺站呢個位置：

我講實際唔同，呢個的確係factual嘢，無得拗。而且香港有好多客係連行兩步都唔肯。
步行距離合唔合理，唔係我同你而家喺網上討論就可以判斷到嘅嘢嚟。

假若混吉准許九巴寫79K往香園圍口岸，除咗你講過嘅中途鄉郊地方外，佢必定名正言順、大大隻字喺粉嶺站寫79K去香園圍口岸啦。
一嚟，同B7嘅功能重複咗，咁招標嚟做乜？
二嚟，地理位置上只係鄰近，而唔係到「香園圍/蓮塘」，仍然係需要步行。

而樓主張相嘅宣傳，雞乸咁大隻字表達架車去到口岸，相對較為細嗰行字先寫番係要步行
for客嚟講的確係混淆，究竟揀邊架車先係真係最方便上樓過關呢？
我作為客，落樓一望呢啲咁宣傳性質嘅指示牌，只係轉眼間嘅事。A公司又話佢去到，B公司又話佢去到，真心好混亂，都唔知聽邊個先好。
正如城巴962X一樣，「經屯門市中心」嗰句嘢都要戴頭盔，加番個括號（新都大廈），你唔係exactly經緊屯中嘛。


的而且確，喺粉嶺站出發去香園圍/蓮塘過關，B7一定係最方便乘客嘅選擇嚟。
正如有個人要喺灣仔上車去愉景新城，我相信你都會叫佢坐930X，而唔係第一下就叫佢去坐934/934A吧。呢個位如果混吉容許巴士公司隨便表述，如果有投訴，佢哋亦都難辭其咎。

同埋點解九巴要偷偷摸摸，放宣傳都放到好似做賊咁？樓主張圖嗰啲宣傳，九巴已經要即日收走
倘若寫到明「乘搭 79K 總站落車後，步行往香園圍口岸過關至蓮塘」，我相信都無咁大問題，最多咪試吓執唔執到雞。
不過執唔執到就後話，分分鐘都未必執到，因為要行吖嘛。
之前喺沙田/大埔見到某啲城巴B8啲巴士站，城巴極其量都係寫 接駁深圳地鐵(蓮塘口岸站)
佢B8直接去到香園圍口岸個PTI都未話自己可到蓮塘啦，咁79K又何以見得可以寫「往香園圍口岸／到蓮塘」呢？
字眼表述真係好重要。

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

再講其他位置：

九巴係咪可以喺你講嗰堆「聯和墟、沙頭角公路、坪輋」地方set牌寫「香園圍口岸」，我只係提假設性嘅scenario
同埋你都識得講如果過咗粉嶺站先show香園圍口岸係更顯奇怪
咁大家清楚明白九巴如果有呢個機會，就點都唔會放過㗎啦，咩站都清一色寫「79K 往 香園圍口岸」，咁咪掂晒。
所以混吉咪索性一刀切，直頭邊道都唔准佢哋寫「79K 往香園圍口岸」
不過你問我，for乘客嚟講，中途站冇其他主要路線去到口岸嘅話，咁照寫其實都無傷大雅嘅。

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

最後，你假設B7同79K係同一個operator嘅話，咁嗰間一定會focus做B7，直頭唔會為79K搞任何嘢啦，貪過癮咩？
先唔好講保唔保護商家利益嘅問題，呢個都係其次，同時亦要顧埋啲貴客感受。

hkt133 發表於 2024-5-26 00:52
先講粉嶺站呢個位置：

我講實際唔同，呢個的確係factual嘢，無得拗。而且香港有好多客係連行兩步都唔肯 ...

「步行距離合唔合理，唔係我同你而家喺網上討論就可以判斷到嘅嘢嚟。」呢個唔係討唔討論，而係大有相近例子，呢個距離我諗只係大埔墟站行去64K站頭咁嘅概念，松園下步行至口岸係合理步程，甚至名正言順可視為合理抵達口岸之車站，呢個相信冇人會質疑。

「同B7功能重複，咁招標黎做咩？」我諗要搞清楚一點，無論79K頭牌寫咩，總站都同樣能夠抵達口岸，係唔會因為寫咩字而改變。功能重複之說亦不盡同意，就正如有人可以搭53荃灣入元朗，但相信冇人會覺得佢同68M有主要角色衝突。交通程式，甚至九巴城巴都清楚列明B7/79K所用行車時間，邊個吸引選擇邊個，配合自己需要選擇所乘路線，係好正常。就正如搭E車唔搭A車去機場/出市區，相信冇人會覺得係有咩大問題。

B7係最方便選擇，請問同79K去唔去到口岸有咩衝突？咁係咪53又唔可以頭牌寫元朗，以免乘客同68M混淆？人地寫到明車程，下車步行時間，除左「蓮塘」兩字不盡準確，我又睇唔到有咩咁大問題。明買明賣，願者上車，車程/所指班次/步行路程亦無虛假描述，完全唔知問題喺邊。

不過對家 / 運吉係投訴，係唔比嘅，咁冇辦法，但作為乘客我就睇唔到本質上件事有咁大問題。

一條搭15分鐘、車密密開，行1分鐘就上口岸嘅B7；會覺得一條搭半個鐘，車疏，行3分鐘嘅79K，係會因為描述實際資訊而對B7構成威脅，確實點講都講唔通。九巴識宣傳，城巴都一樣識，好多地方都唔止一條線到，混淆之說似乎理據頗弱。講到尾就係運吉要所謂「顧全大局」，但又阻止唔到79K同樣去到口岸呢個現實。對乘客黎講，兩線資訊網上/現場已經列明，清晰可作比較，多架車做backup著實冇壞。

反而我會睇一樣野，「特別班次」不停私底下加班嘅合法性，前段講左B7/79K最大角色分別係咩，而字面/頭牌本身就唔係區分角色嘅有效方法。

但如果「特別班次」都可以密密開，咁係咪有一日又係咪可以開一站直達松園下特別班次？假設行車時間慢慢同B7收窄，而且站越飛越多，呢下就真係同B7有實際角色衝突，而唔係喺道拗個字係咪寫口岸。

今日需要去蓮塘口岸
剛巧在粉嶺站見到79K
做左一個乘車報告

粉嶺站：8：13
軍地：8：27
粉嶺浸會園：8：31
打鼓嶺總站：8：45

粉嶺站只有3成滿
到左軍地後就全車坐滿

反方向
在逸峯見79K都係4成滿左右

坪峯路附近不時有紅小和綠小

因此最多人上車果段都係沙頭角公路果面
為78K執雞

其實九巴都好慘，79K咁多年都蝕錢。運吉就將北區最賺錢路線B7批俾城巴