探討大埔公路 (太和段 及 大埔滘段) 巴士服務水平

GeorgeL 發表於 2024-5-29 20:45
一程做好多段流水
長深荔>大埔道（琵琶山)，
大埔道>沙市，沙市>埔公，埔公>大埔）
睇唔到有咩原因要改72做272E

正如我喺#19嘅推測
大埔道除了同公司81就連小巴都無,
大把正價客見72都照上,至少去返有得
搭鐵嘅區域。九汽失去72升級票價,272E
格硬轉全日,非繁都唔慌密,類似264R vs 64K

講咗好多次大埔道就算中途客
上落,唔會慢得過獅隧或青沙

Steven_BUS 發表於 2024-5-29 21:25
2013年北區重組, 除左上水有少少嬴(76K,77K縮短多左總站車, 277E新線)

其他地方全部係輸哂, 影響範圍:  ...

區間係有客，但係咪夠客就另一回事。一直死都唔肯幫埔公線提速固然係幾趕客，但B8出現埔沙客都係執雞為主，B8 最密時5-10一班可以每車大埔執到十零客，到你開條廿分班嘅線食呢班客似乎都係頂盡幾十客一車，B8執客係bonus，獨立成線就未必會夠做。

12Lane 發表於 2024-5-29 22:51
區間係有客，但係咪夠客就另一回事。一直死都唔肯幫埔公線提速固然係幾趕客，但B8出現埔沙客都係執雞為主 ...

又咁講，如果大埔沙田唔夠餅分，條79就唔會咁畫法，係我知佢要同B8跳就一定要擺大圍，但係佢大埔同沙田嘅走線都幾耐人尋味 (話就話避 stakeholder但其實都有唔少潛力位)，如果齋為左跳車嘅話佢公路直入大圍咪算。

如果沙田大埔客佔79三分一生意我覺得唔過份，分段都唔使比，反正B8價大家都肯比。過多啲客落79，B8又可以開多啲大埔短棍，後者營收同B7粉火短棍有得比架。標都唔駛招直接壓落嚟食區間客收得貴一貴，我睇好有唔少A仔客轉投。

想削大窩西服務？
係咪想當區區議員又要打搞局長？

白石角往返沙中
你同小巴佬傾掂數先喇
不過72A根本係最唔應該撤離大埔公路
山下出九龍需求肯定高過山上

JH_LE4612 發表於 2024-5-29 23:47
又咁講，如果大埔沙田唔夠餅分，條79就唔會咁畫法，係我知佢要同B8跳就一定要擺大圍，但係佢大埔同沙田嘅 ...

79開唔開線同舊餅夠唔夠分有直接關係？你都估係得三分一，咁雞先定蛋先明顯不過。如果冇B8、冇72、72A嘅，79做埔沙應該都有機會掂，但對住一大堆現有對手同服務，係可以有一個scenario係兩敗俱傷，而家只係有人奢望緊塊餅可以變大，如果變得唔夠大甚至冇大到，話唔定你條79要掟番去大埔做總站都未定，呢道仲要先assume皇埔係會夠客。就算好多人係prefer 79高速公路走線入大埔多過條垃圾72A，有車黎應該都係見車就上居多。

12Lane 發表於 2024-5-30 00:34
79開唔開線同舊餅夠唔夠分有直接關係？你都估係得三分一，咁雞先定蛋先明顯不過。如果冇B8、冇72、72A嘅， ...

我意思係至少三份一，皇埔，埔沙，皇沙，三份客入面後者理應最細 (距離遠，住宅區之間需求較細)，咁頭兩者都會佔翻咁上下。戰略上營運上都唔見得79會縮翻大埔調頭，呢層我又冇咁擔心。

餅呢樣野又真係瘦田冇人耕耕開有人爭，806系初開嗰陣其實我都唔睇好，上年搭過次806A飛白石角原來閒日都坐得滿。當然同架小巴鬥又真係冇乜志氣嘅，我都同意市場總會有吸盡嘅一日 (尤其是沿途真係冇新發展)，但係B8其實都證明左客係可以吸嘅，甚至可以養出嚟(唔單只兩蚊，依家好多人都肯豪搭車)，係爭在隻蛋可以孵到幾大隻，起碼我會覺得K巴轉鐵呢個初代平價option 已經唔再吸引。

我絕對唔覺得每班B8十幾廿個埔沙客夠獨立成線，正正因為咁所以我覺得佢拉條皇埔嚟做皇埔沙會有用過憑空爆條埔沙出嚟。79唔需要佢密密做，半個鐘一班已經夠搶，因為佢夾埋B8夠密...

MCMoore 發表於 2024-5-29 20:24
大埔公路都叫做有幾間學校，做多水客，拉落白石角咪同小巴打。如果白石角真係咁多客，圍方都開埋82D點解 ...

或者扯遠少少，白石角人口嚟講我冧值得多過一個鐘三班全日車嘅，不過小巴插哂旗仲可以去邊度先係問題。

大圍82D其實都係用嚟轉鐵用 (行街都去沙市啦)，翻工時間大把直車分客，非繁嚟講做272A，每公里似乎仲收得多過82D，所以82D同281M/80M呢類線有啲似，要谷都有難度。

九東線有74D，一個鐘一班，但早繁後 shoulder peak都冇得加密，呢度係咪有空間做好少少呢？始終多左人遲開遲收，而九東都唔少office 商場。

旺角九西有唯一一條似樣啲嘅272X，旺角大角咀可以轉地鐵可以食飯行街，青沙又叫做有車轉，但係一條線做哂對外功能 (似79X)又成唔成功呢？大子深水埗油尖係未有全日車到，但係都唔見得巴士公司會再肯空降車，始終沙田轉鐵都唔慢。

港島條招標900做多左啦所以唔講太多，只能夠話我欣賞佢有膽識。

個人覺得如果佢肯做嘅話，荃葵/馬鞍山線其實可以做多少少嘅，不過好現實地，冇人冇車冇搞作，而白石角入哂伙其實需求都已經開始穩定，睇怕將來都唔會有太大改善。

JH_LE4612 發表於 2024-5-30 01:16
或者扯遠少少，白石角人口嚟講我冧值得多過一個鐘三班全日車嘅，不過小巴插哂旗仲可以去邊度先係問題。

...

得返沙角大圍，同埋源禾路先至係獨巿。 大會堂係咪就有得抝。呢啲地方加埋其實都夠全日服務，所以先至講過係72A落山

與其諗郁邊條線 倒不如先搞下優景里有沒機會俾巴士行 那時候半段大埔公路+白石角 隨你點行都得

gu9434@24 發表於 2024-5-30 14:58
與其諗郁邊條線 倒不如先搞下優景里有沒機會俾巴士行 那時候半段大埔公路+白石角 隨你點行都得 ...

咁樣唔係唔得嘅，不過又上大埔公路又落白石角；會搞到車程會慢成10分鐘，咁就基本上會倒晒成個大埔去沙田嘅客，甚至連大埔白石角嘅客都做唔到，除非係一啲比較偏遠啲嘅位例如富善蝴蝶呢啲位