6月15日起京港、沪港间开行夕发朝至高铁动卧列车

Danny.lin 發表於 2024-6-5 09:23
最重要係D909/10係響東莞落來廣深再兜勻成個廣州樞紐先上翻高鐵綫

不過又甘睇,如果全程行廣深港經廣州南,票價就會跌落广九車既計法,車票隨時貴多$100, 依家甘行,佢只係計佢本來京深路段+港深段價

s3n370 發表於 2024-6-4 16:19
唔少長途車到港後，唔係等一陣就做北上果轉（不論係返原地定短棍都好），
而係下下到港後私走，夠鐘先返落 ...

喺大陸，Z 字頭普速直達特快列車會用 D 字頭動集取代（極速同樣係 160），但好少會用動臥（高鐵）取代直達特快（普速），動卧通常係全新車次

京九、滬九直通車本身係普速列車，Z99/100 車次仍然存在（只係改咗廣州終到）；Z 字頭直達特快直上動臥，食水都幾深下

Waiyin12 發表於 2024-6-5 23:26
喺大陸，Z 字頭普速直達特快列車會用 D 字頭動集取代（極速同樣係 160），但好少會用動臥（高鐵）取代直 ...

咁新時間的確更切合香港人去旅行嘅習慣，要用盡假期嘅一分一秒。進港車一般用車比較好，收得比較貴都係事實。

反而係京滬除咗去廣東，似乎一直無開新線嘅計劃，其實應該考慮吓部份本身跑緊10-12個鐘嘅高鐵組合係咪有空間開動臥，始終20+小時嘅普速如果改到夕發朝至都有市場。

假如唔坐飛機/無直航，坐京港動臥轉第二日嘅車去東北、內蒙都係有一定競爭力。

HU6455 發表於 2024-6-5 15:54
不過又甘睇,如果全程行廣深港經廣州南,票價就會跌落广九車既計法,車票隨時貴多$100, 依家甘行,佢只係計佢 ...

所以點解D910/1 係香港同廣州之間既151蚊車飛被鎖票...

peterkl 發表於 2024-6-6 09:03
所以點解D910/1 係香港同廣州之間既151蚊車飛被鎖票...

費事出現下一站石家莊嘅悲慘情況，外加呢段噉便，就lock住咯

巴士的膠 發表於 2024-6-6 00:28
咁新時間的確更切合香港人去旅行嘅習慣，要用盡假期嘅一分一秒。進港車一般用車比較好，收得比較貴都係事 ...

臥舖車最大嘅問題係列車嘅閒置時間耐，普通座位都仲話可以跑完長嘅再跑轉短嘅。
乘客流轉又做唔到全設座椅嘅列車咁，呢個站有客落就即刻俾到下個客用。
樓上仲話每星期要停三日維修整備，有車都整全座位谷落日頭度啦。
舊日Z97/98/99/100真係跑足全日，甚至西伯利亞行成個星期，列車閒置時間唔會耐。

所以隨住航空業發達，尤其是廉航嘅興起，全球各國純過夜嘅臥舖車近乎息微。
係近年急需減碳排放，先至慢慢開番。

全中國大陸係得京滬至廣東係夠遠開動臥，同時兩邊都夠多人俾得起錢。
其餘嘅唔係距離唔夠遠，四五個鐘到嘅俾張床我做乜。
就係消費力仍然有待追貼，開番普速臥舖更合需要。

巴士的膠 發表於 2024-6-6 08:28
咁新時間的確更切合香港人去旅行嘅習慣，要用盡假期嘅一分一秒。進港車一般用車比較好，收得比較貴都係事 ...

動卧（高鐵）取代直通車（普速），好聽啲講叫 “進港車一般用車比較好”，難聽啲講叫掠水、劏香港水魚

香港人對高鐵 / 動卧價格未必好反感，但換轉大陸任何一個城市，用高鐵、動卧取代全部普速列車，應該好難成車；就算係京滬、京深、滬廣等高鐵普及的路線，都一樣有保留綠皮慢車

s3n370 發表於 2024-6-6 17:11
臥舖車最大嘅問題係列車嘅閒置時間耐，普通座位都仲話可以跑完長嘅再跑轉短嘅。
乘客流轉又做唔到全設座椅 ...

卧舖列車喺大陸跑日間車次，係可以行 "臥代座"

Waiyin12 發表於 2024-6-7 10:24
動卧（高鐵）取代直通車（普速），好聽啲講叫 “進港車一般用車比較好”，難聽啲講叫掠水、劏香港水魚

...

用返D28由羅湖去北京計，一等臥同高鐵動臥只係差102蚊（898 vs 1000），但時間幾乎差一半。對比普速嘅K106軟臥都要687.5當然更加貴。但差咗百零蚊嘅動集同高鐵動臥比，香港應該好少人會揀動集。

之前我由北京返香港，去程全普速坐咗一日一夜，而高鐵回程就要用哂成日，所以最後回程揀咗坐動集由北京去南昌西，原地轉高鐵返羅湖，一等臥加高鐵二等座價錢差唔多，仲慳咗半日同一晚酒店（第一日晚上車，第二日中午到）。

所以如果話邊度仲有空間開動臥，我覺得去廣東、上海去西安/西寧都有空間，起碼轉駁去彊藏都可以用到。

Waiyin12 發表於 2024-6-7 10:24
動卧（高鐵）取代直通車（普速），好聽啲講叫 “進港車一般用車比較好”，難聽啲講叫掠水、劏香港水魚

...

以前京九同滬九直通都唔平得去邊，軟臥八九百，動臥只係貴兩三百，但時間好用好多下。