飛揚增設兩條小巴線往返市中心及轉車站 料明年初投入服務

來源：AM730 飛揚增設兩條小巴線往返市中心及轉車站 料明年初投入服務

由長江實業集團(1113)及新鴻基地產(016)合作發展的屯門「飛揚」第1期日前落實於周日(9日) 以現樓形式發售28 伙，今日(7日)宣布項目將為住戶專設兩條小巴循環路線。

長實營業部助理首席經理楊桂玲表示，路線由屋苑分別往返屯門公路轉車站及屯門市中心，總站將設於「飛揚」屋苑內，預計小巴循環路線可於2025年1月1日投入服務。

發佈會展示板都係以紅頂做展示，會唔會某公司趁價低入多幾個小巴牌，相信應該利用路段係紅色小巴範圍就直接用紅頂開線呢？
不過紅頂都有限制，屯門巿中心路線只能到青山公路近屯門巿廣場，未必符合居民期望……

凱婷仲唔快手在屯轉加金剛圈？

屯門市中心只係華都花園巴士站，行去大會堂果邊同屯門站都好遠下兼日曬雨淋。係唔知紅小會唔會沿途執下客，搶下 K51 K53 啲客補貼一下?

sunhoo 發表於 2024-6-7 15:02
凱婷仲唔快手在屯轉加金剛圈？

想問下師兄屯轉邊段無金鋼圈啊？求指路啊！

2076 發表於 2024-6-7 16:19
屯門市中心只係華都花園巴士站，行去大會堂果邊同屯門站都好遠下兼日曬雨淋。係唔知紅小會唔會沿途執下客， ...

如果去屯巿果條……考慮埋能夠響合法情況下能夠掉頭去返往小欖方向，過咗青海圍就只有井財街先可以有紅小可行路面/無禁掉頭牌成功掉頭。
所以兩條路線如果真係用紅頂行，定線真係幾頭痕……


屯轉果條，能夠合法停車位置應該得屯門方向橋底C1站前些少位置。
出九龍方向根本無辦法埋到去！

toyl 發表於 2024-6-7 23:17
如果去屯巿果條……考慮埋能夠響合法情況下能夠掉頭去返往小欖方向，過咗青海圍就只有井財街先可以有紅小 ...

井財街路口已經可以掉頭，咁其實都唔算話兜好遠。

屯轉果條，出九龍方向都係在轉右燈位斑馬線前阻住條慢線落客居多，反正果度冇雙黃線。

不過咁樣計，對居民的便利程度其實真係唔會好過出大路坐專利巴士。

noname617 發表於 2024-6-7 19:13
想問下師兄屯轉邊段無金鋼圈啊？求指路啊！

所以，見到呢篇報道，真係覺得好奇怪。如果紅van真係可以做到屯轉，一早已經有人做左，無理由屯轉開足十年都無人做。

小巴有沒有可能不是「公共」小巴？

ccicoltd 發表於 2024-6-11 19:03
小巴有沒有可能不是「公共」小巴？

依家運輸署批邨巴比較手緊，尤其是呢個盤咁近路邊，K51/52X同埋252已經服務到兩個目的地，基本上無可能批到邨巴。

反而用紅頂做就只要係合法行駛範圍就開得到車。

toyl 發表於 2024-6-12 09:03
依家運輸署批邨巴比較手緊，尤其是呢個盤咁近路邊，K51/52X同埋252已經服務到兩個目的地，基本上無可能批 ...

我意思是私家小巴。